गन्‍ती 14:43 - नेवाः बाइबल

⁴³ अमालेकीत व कनानीत ध्‍वदुइबलय् छिपिं लडाइँलय् सी। छाय्‌धाःसा छिपिं परमप्रभुपाखें फस्‍वयावंगुलिं वय्‌कः छिपिंनापं मदी।”

गन्‍ती 14:43 ပူးပေါင်းရင်းမြစ်များ

१ इतिहास 28:9

“हे जिमि काय् सोलोमन, छं थः बौया परमेश्‍वरयात म्‍हसीकि, अले तनमनं वय्‌कःया सेवा या। वय्‌कलं झीगु फुक्‍क बिचाः व इच्‍छा स्‍यू। वय्‌कःयात माल धाःसा छं वय्‌कःयात नापलाकी, तर छं वय्‌कःयात त्‍वःतल धाःसा वय्‌कलं छन्‍त न्‍ह्याबलेंया लागि त्‍वःतादी।

२ इतिहास 15:2

अले व आसा जुजुयात नापलाः वन। वं आसायात थथे धाल, “अय् आसा, अय् यहूदा व बेन्‍यामीनयापिं सकलें मनूत! छिपिं परमप्रभुनापं दतले वय्‌कः नं छिपिंनाप दइ। छिमिसं वय्‌कःयात माल धाःसा छिमिसं वय्‌कःयात लुइकी। छिमिसं वय्‌कःयात त्‍वःतल धाःसा वय्‌कलं नं छिमित त्‍वःतादी।

भजनसंग्रहया सफू 44:10

छिं जिमित जिमि शत्रुतय् न्‍ह्यःनें लिचिके बियादिल। अले जिमिगु फुक्‍कं जिमि शत्रुतय्‌त लाकायंके बियादिल।

यशैया 63:10

अय्‌नं इपिं विद्रोही जुल, अले वय्‌कःया पवित्र आत्‍मायात दुःख बी। अथे जुयाः वय्‌कः इमि शत्रु जुयादिल, अले वय्‌कः थः हे इमिगु विरोधय् ल्‍वानादिल।

होशे 9:12

इमिसं मचा बुइकाः तःधिकः याःसां जिं व मचायात काये। हाय! गज्‍याःगु दुःख इमित, गुबलय् जि इपिंपाखें लिहां वये।

लेवी 26:17

जिं थःगु ख्‍वाः फस्‍वय्‌के। गुकें यानाः छिपिं शत्रुतय्‌गु ल्‍हातिं बुइ। छिमित हेपय् याइपिन्‍सं छिमित शासन याइ, सुनानं लिनाच्‍वंगु मदुसां छिपिं बिस्‍युं वनाच्‍वनी।

गन्‍ती 13:29

नेगेव धाःगु दच्‍छिन लागाय् अमालेकीत व डाँडाय् च्‍वंगु देशय् हित्ती, यबूसी व एमोरीत, अले समुद्रया लिक्‍क व यर्दन खुसिया सिथय् कनानीत च्‍वनाच्‍वंगु दु।”

गन्‍ती 14:25

अमालेकी व कनानीत बेँसी बेँसीइ च्‍वनाच्‍वंगुलिं छिपिं कन्‍हय् हे फहिला वनाः लाल समुद्रया लँपु जुयाः मरुभूमिपाखे हुँ।”

गन्‍ती 14:42

च्‍वय् थहां वने मते, मखुसा शत्रुतय्‌सं छिमित बुकी, छाय्‌धाःसा परमप्रभु छिपिंलिसे मदी।

गन्‍ती 14:44

अय्‌जूसां इपिं अप्‍वः जुयाः मोशा व परमप्रभुया बाचाया सनू मदयेक हे डाँडाय् च्‍वंगु देशय् न्‍ह्याः वन।

व्‍यवस्‍था 28:25

परमप्रभुं छिमित शत्रुतय्‌गु न्‍ह्यःने बुकेबी। इपिंलिसें ल्‍वायेत छिपिं छपु लँ जुयाः वइ अय्‌नं न्‍हय्‌पु लँ जुयाः बिस्‍युं वनी। छिपिं पृथ्‍वी न्‍यंकंया निंतिं भयया खँ जुइ।

यहोशू 22:15

इपिं रूबेनी, गादी व मनश्‍शेया बच्‍छि कुलयाथाय् गिलाद देशय् थ्‍यनाः इमित थथे धाल,

यहोशू 7:12

उकिं इस्राएलीत थः शत्रुतय् न्‍ह्यःने दने फइ मखु। शत्रुतय्‌गु न्‍ह्यःनें इपिं बिस्‍युं वनी। छाय्‌धाःसा इपिं थःपिं हे देछायेमाःगु धनमाल जूगु दु। छिमिसं थःगु दथुं देछायेमाःगु धनमालयात नाश याना मछ्वतले जि छिपिंनापं च्‍वने मखु।

न्‍यायकर्ता 16:20

अले वं सःतल – “शिमशोन, पलिश्‍तीत थन दु।” वया न्‍ह्यलं चाल अले, “न्‍हापा थें पिने वनाः थःत मुक्त याये” धकाः मतिइ तल। तर थःत परमप्रभुं त्‍वःतादीगु खँ सी हे मसिल।