गन्‍ती 14:42 - नेवाः बाइबल

⁴² च्‍वय् थहां वने मते, मखुसा शत्रुतय्‌सं छिमित बुकी, छाय्‌धाःसा परमप्रभु छिपिंलिसे मदी।

गन्‍ती 14:42 ပူးပေါင်းရင်းမြစ်များ

२ इतिहास 15:2

अले व आसा जुजुयात नापलाः वन। वं आसायात थथे धाल, “अय् आसा, अय् यहूदा व बेन्‍यामीनयापिं सकलें मनूत! छिपिं परमप्रभुनापं दतले वय्‌कः नं छिपिंनाप दइ। छिमिसं वय्‌कःयात माल धाःसा छिमिसं वय्‌कःयात लुइकी। छिमिसं वय्‌कःयात त्‍वःतल धाःसा वय्‌कलं नं छिमित त्‍वःतादी।

भजनसंग्रहया सफू 89:43

हानं छिं वयागु तरवारया धाःयात हीकादीगु दु, अले छिं लडाइँलय् वयात ग्‍वाहालि यानादीगु मदु।

गन्‍ती 14:43

अमालेकीत व कनानीत ध्‍वदुइबलय् छिपिं लडाइँलय् सी। छाय्‌धाःसा छिपिं परमप्रभुपाखें फस्‍वयावंगुलिं वय्‌कः छिपिंनापं मदी।”

व्‍यवस्‍था 1:42

अय्‌नं परमप्रभुं जितः धयादिल, “इमित ‘थाहां वने मते अले ल्‍वाःवने मते’ धकाः धा, ‘छाय्‌धाःसा जि छिपिंनापं दइ मखु। छिमित छिमि शत्रुतय्‌सं बुकाबी।’”

व्‍यवस्‍था 31:17

उखुन्‍हु जि इपिंलिसें तसक्‍कं तंचाये, जिं इमित त्‍वःताबी, थःगु ख्‍वाः इपिंपाखें सुचुके, अले इपिं न्‍हनावनी। इमिके तसक्‍कं ग्‍यानपुस्‍से च्‍वंगु विपत्ति वइ। अले उखुन्‍हु इमिसं धाइ, ‘झी परमेश्‍वर झीगु दथुइ मदयाः हे झीत थज्‍याःगु विपत्ति वःगु, मखु ला?’

यहोशू 7:12

उकिं इस्राएलीत थः शत्रुतय् न्‍ह्यःने दने फइ मखु। शत्रुतय्‌गु न्‍ह्यःनें इपिं बिस्‍युं वनी। छाय्‌धाःसा इपिं थःपिं हे देछायेमाःगु धनमाल जूगु दु। छिमिसं थःगु दथुं देछायेमाःगु धनमालयात नाश याना मछ्वतले जि छिपिंनापं च्‍वने मखु।

यहोशू 7:8

हे परमप्रभु, जिं छु धायेफु धकाः, आः इस्राएलीत ला थः शत्रुतलिसें बूगु दु!

न्‍यायकर्ता 16:20

अले वं सःतल – “शिमशोन, पलिश्‍तीत थन दु।” वया न्‍ह्यलं चाल अले, “न्‍हापा थें पिने वनाः थःत मुक्त याये” धकाः मतिइ तल। तर थःत परमप्रभुं त्‍वःतादीगु खँ सी हे मसिल।