35 जि परमप्रभुं धयाच्वना, जिगु विरोधय् मूंपिं छिपिं मभिंगु खलःया मनूतय्त जिं थथे हे याये। थ्व हे मरुभूमिइ छिपिं फुक्कं सिनावनी।”
उकिं परमेश्वरं इमित ज्याख्यलय् मजुइकाः व ग्या जक ग्यानाः म्वाये माय्काबिल।
वयागु न्ह्यःने होश यानाच्वँ अले वं धाःगु खँ न्यँ। वयागु विरोधय् वने मते। छाय्धाःसा वयाके जिगु नां दुगुलिं वं छिमिगु अपराध क्षमा याइ मखु।
जिं मिश्र देशय् छिमि पुर्खातय्गु न्याय यानागु थें हे जिं छिमिगु न्याय याये। जि, परमप्रभु परमेश्वर न्ववानागु दु।
परमेश्वर मनू थें मखु, मखुगु खँ ल्हायेत, वय्कः मनू मखु, थःगु मन हिलेत। वय्कलं धयादीगु खँ गुबलें मजूगु दु ला? वय्कलं बचं बियाः छु व पूवंकामदी ला?
परमप्रभुं उपिं इस्राएलीतय्त मरुभूमिइ धात्थें सिनावनी धकाः धयादीगु खः। अथे जुयाः यपुन्नेया काय् कालेब व नूनया काय् यहोशू बाहेक उपिं मध्ये छम्ह नं मिजं म्वानामच्वं।
इमित अथे जूगु खँ झीसं नं सीके फयेमा धकाः व झीत ख्याच्वः बीत नं च्वयातःगु खः। झीपिं च्वनाच्वनागु संसार आः फुना वनिन।
अथेसां इपिं मध्ये यक्व हे मनूत नाप परमेश्वर तंम्वयादिल। अय्जूगुलिं इपिं मरुभूमिइ तुं सिनावनेमाल।
परमेश्वरयात विश्वास मयाःगुलिं हे इपिं वय्कलं इमित बी धयादीगु देशय् दुहां वने मखंगु खः।
मिश्र त्वःतूबलय् लडाइँलय् वनेफुगु उमेर दुपिं फुक्क मनूतय्सं परमप्रभुया उजं मानय् मयाःगुलिं इपिं मसितले इस्राएलीत पिइदँ तक चाचाःहिला जुल। छाय्धाःसा दुरु व कस्ति बाः वयाच्वंगु देश झीत बी धकाः इमि पुर्खातलिसें पाफयाः बचं बियादीगु देश इमित खंकेबी मखु धकाः वय्कलं पाफयादीगु खः।