गन्‍ती 14:33 - नेवाः बाइबल

³³ छिमिसं विश्‍वास मयाःगुलिं छिमि मस्‍त पिइदँ तक, छिमि दक्‍वसिबय् लिपाम्‍ह मनू मसीतले थन हे मरुभूमिइ जवाः जुयाः चाहिलाच्‍वनी।

गन्‍ती 14:33 ပူးပေါင်းရင်းမြစ်များ

भजनसंग्रहया सफू 107:4

छुं मनूत लँ लुइके मफइगु मरुभूमिइ चाचाःहिला जुल, इमिसं च्‍वनेत शहर मालाजुल अय्‌नं इमिसं लुइके मफुत।

भजनसंग्रहया सफू 107:40

वय्‌कलं शासकतय्‌त क्‍वह्यंकाः स्‍वयादी, अले इमित लँ हे मदुगु ज्‍याख्‍यलय् मदुगु थासय् चाचाःहीकादिल।

भजनसंग्रहया सफू 78:33

उकिं परमेश्‍वरं इमित ज्‍याख्‍यलय् मजुइकाः व ग्‍या जक ग्‍यानाः म्‍वाये माय्‌काबिल।

प्रस्‍थान 20:5

छिमिसं उकियात भागि याये मते, पुजा नं याये मते। छाय्‌धाःसा जि हे परमप्रभु छिमि परमेश्‍वर खः। मेपिं द्यःतय्‌त पुजा याःगु जिं सह याये मफु। जिं जितः मयय्‌कूम्‍ह मनूया अधर्मया सजाँय वया छय् व छुइपिनिगु पालय् तक नं बीम्‍ह खः।”

इजकिएल 23:35

“उकिं परमप्रभु परमेश्‍वरं थथे धयादी – छं जितः ल्‍वःमंकल, अले छंगु जँधूफाःया ल्‍युने जितः तल, उकिं छं थःगु महापाप व व्‍यभिचारया लिच्‍वः भोगे यायेमाली।”

होशे 9:1

अय् इस्राएलयापिं मनूत! मेगु जात जातियापिं मनूत थें लय् लय्‌ताये मते। छाय्‌धाःसा छिपिं थः परमेश्‍वरनापं विश्‍वास यायेबहः मजूगु दु। अन्‍नया दक्‍व खलाय् वेश्‍या ज्‍या याइपिनिगु ज्‍याला कायेत छिमिसं यय्‌काच्‍वन।

गन्‍ती 32:13

परमप्रभुं तंचायादिल, अले परमप्रभुया मिखाय् मभिंगु ज्‍या याःगु पुस्‍ताया फुक्‍क मनूत सिनामवंतले पिइदँ तक वय्‌कलं इमित मरुभूमिइ उखेंथुखें जुइकातल।

गन्‍ती 33:38

इस्राएलीत मिश्रं पिहां वःगु पिइदँया न्‍यागूगु लाया न्‍हापां खुन्‍हु परमप्रभुया उजंकथं हारून पुजाहारी होर पर्वतय् थहां वनाः अन हे सित।

गन्‍ती 5:31

थज्‍याःगु ज्‍याय् मिजंयात छुं कथंया दोष लाइ मखु। मिसायागु दोष दत धाःसा वं सजाँय फयेमाली।’”

प्रेरित 7:36

अले वं हे मिश्र देशय् अजू चायापुगु ज्‍या व चिं यानाक्‍यनाः इस्राएलीतय्‌त अनं पित ब्‍वना हल। अथे हे वं लाल समुद्र व मरुभूमिइ पिइदँ तक अजू चायापुगु ज्‍या व चिं यानाक्‍यन।

व्‍यवस्‍था 1:3

इमिसं मिश्र त्‍वःतूगु पिइगूगु दँया झिंछगूगु लाया न्‍हापांगु दिनय् मोशां परमप्रभुं इस्राएलीतय्‌त धा धकाः धयादीगु फुक्‍क आज्ञा इमित धाल।

व्‍यवस्‍था 2:14

कादेश-बर्ने त्‍वःता वयाः जेरेद खुसि छिनाबलय् तक झीत स्‍विच्‍यादँ बित। थ्‍व इलय् परमप्रभुं पाफयादीगु थें झीगु छाउनीं व पुस्‍तायापिं सकलें लडाइँ याइपिं मनूत नाश जुल।

व्‍यवस्‍था 2:7

परमप्रभु परमेश्‍वरं छिमित ल्‍हातं यायेगु फुक्‍क ज्‍याय् सुवाः बियादीगु दु। वय्‌कलं छिमित थ्‍व तःधंगु मरुभूमिया यात्रा दुच्‍छि बिचाः यानादीगु दु। थुपिं पिइदँया इलय् परमप्रभु परमेश्‍वर छिपिंनापं च्‍वनादीगु दु। अले छिमित छुं नं मगाःमचाः जूगु मदु।

व्‍यवस्‍था 29:5

परमप्रभुं धयादी, “जिं छिमित पिइदँ तक मरुभूमिइ ज्‍वना जुयाबलय् छिमिगु म्‍हया वसः गुना मवं अले तुतिया लाकां नं मगू।

व्‍यवस्‍था 8:2

छिमित क्‍वमिलु यायेत, छिमिगु मन स्‍वयेत अले वय्‌कःया आज्ञा मानय् याइ कि मयाइ धकाः सीकेत थुपिं पिइदँ यंकं मरुभूमिया लँपुइ परमप्रभु छिमि परमेश्‍वर न्‍ह्यलुवाः जुयाः गथे यानाः छिमित हयादिल व लुमंकि।

व्‍यवस्‍था 8:4

थुपिं पिइदँ तक छिमिगु वसः मगू अले छिमिगु तुति मना मवः।

यहोशू 14:10

“आः स्‍वयादिसँ! परमप्रभुं मोशायात अथे धयादीगु पिइन्‍यादँ दये धुंकल। उबलय् इस्राएलीत मरुभूमिइ हे चाचाःहिलाच्‍वन। अनंलि थौं तक परमप्रभुं थःगु बचंकथं जितः म्‍वाका तयादीगु दु। थौं जि चयन्‍यादँ हे दये धुंकल।

यहोशू 5:6

मिश्र त्‍वःतूबलय् लडाइँलय् वनेफुगु उमेर दुपिं फुक्‍क मनूतय्‌सं परमप्रभुया उजं मानय् मयाःगुलिं इपिं मसितले इस्राएलीत पिइदँ तक चाचाःहिला जुल। छाय्‌धाःसा दुरु व कस्‍ति बाः वयाच्‍वंगु देश झीत बी धकाः इमि पुर्खातलिसें पाफयाः बचं बियादीगु देश इमित खंकेबी मखु धकाः वय्‌कलं पाफयादीगु खः।