गन्‍ती 14:30 - नेवाः बाइबल

³⁰ अले यपुन्‍नेया काय् कालेब व नूनया काय् यहोशू बाहेक छिपिं मध्‍ये सुं नं जिं ल्‍हाः ल्‍ह्वनाः छिमित तये धकाः पाफयागु देशय् वने दइ मखु।

गन्‍ती 14:30 ပူးပေါင်းရင်းမြစ်များ

उत्‍पत्ति 14:22

अब्रामं सदोमया जुजुयात लिसः बिल, “स्‍वर्ग व पृथ्‍वी दय्‌कूम्‍ह दक्‍वसिबय् तःधंम्‍ह परमेश्‍वरयात जिं बचं बियागु दु,

भजनसंग्रहया सफू 95:11

उकिं जिं तमं पाफयाः धया, ‘छिपिं जिगु झासु लनेगु थासय् गुबलें दुहां वये फइ मखु।’”

प्रस्‍थान 6:8

अले जिं छिमित अब्राहाम, इसहाक व याकूबयात बी धकाः बाचा यानागु देशय् हये। जिं व देश छिमित अधिकार यायेत बी। जि परमप्रभु खः।’”

इजकिएल 20:15

हाकनं जिं इमित बियागु मरुभूमिइ “दुरु व कस्‍ति बाः वयाच्‍वंगु अले फुक्‍क देशत स्‍वयाः बांलाःगु देशय् जिं इमित हये मखु” धकाः इपिंलिसें पाफया,

इजकिएल 20:38

जिं छिपिं मध्‍ये जिगु विरोधय् अपराध याइपिं फुक्‍क विद्रोहीतय्‌त पितछ्वयाः छिमित शुद्ध याये। इपिं च्‍वनाच्‍वंगु देशं इमित जिं हयेगु जूसां इपिं इस्राएल देशय् दुहां वने दइ मखु। अले जि हे परमप्रभु खः धकाः छिमिसं म्‍हसी।

गन्‍ती 13:6

यहूदाया कुलपाखें यपुन्‍नेया काय् कालेब,

गन्‍ती 14:24

तर जिमि दास कालेबयाके मेगु हे आत्‍मा दु। वं जितः दुनुगलंनिसें विश्‍वास याःगु दु। जिं वयात व वनावःगु देशय् यंके, अले वया सन्‍तानं अन अधिकार याइ।

गन्‍ती 14:38

देशया चिवा काःवंपिं मनूत मध्‍ये यहोशू व कालेब जक ल्‍यन।

गन्‍ती 26:65

परमप्रभुं उपिं इस्राएलीतय्‌त मरुभूमिइ धात्‍थें सिनावनी धकाः धयादीगु खः। अथे जुयाः यपुन्‍नेया काय् कालेब व नूनया काय् यहोशू बाहेक उपिं मध्‍ये छम्‍ह नं मिजं म्‍वानामच्‍वं।

गन्‍ती 32:12

कनज्‍जी यपुन्‍नेया काय् कालेब व नूनया काय् यहोशू जक दुहां वने खनी। छाय्‌धाःसा इपिं दुनुगलंनिसें परमप्रभुया ल्‍यूल्‍यू जुल।’

प्रकाश 10:6

स्‍वर्ग व स्‍वर्गय् च्‍वंगु फुक्‍कं, पृथ्‍वी व पृथ्‍वीइ च्‍वंगु फुक्‍कं, समुद्र व समुद्रय् च्‍वंगु फुक्‍कं सृष्‍टि यानादीम्‍ह न्‍ह्याबलें म्‍वाना च्‍वनीम्‍हय्‌सिगु नामय् पाफल। वं धाल – “आः लिबाइ मखुत।”