गन्‍ती 14:24 - नेवाः बाइबल

²⁴ तर जिमि दास कालेबयाके मेगु हे आत्‍मा दु। वं जितः दुनुगलंनिसें विश्‍वास याःगु दु। जिं वयात व वनावःगु देशय् यंके, अले वया सन्‍तानं अन अधिकार याइ।

गन्‍ती 14:24 ပူးပေါင်းရင်းမြစ်များ

१ इतिहास 29:18

“हे परमप्रभु परमेश्‍वर, छि जिमि पुर्खात अब्राहाम, इसहाक व इस्राएलया परमेश्‍वर खः। थः प्रजाया मनय् थ्‍व इच्‍छा न्‍ह्याबलें दय्‌कातयादिसँ अले इमिगु मनयात थःपाखे सालादिसँ।

१ इतिहास 29:9

नायःतय्‌सं उपिं सामान थथःगु इच्‍छां परमप्रभुयात ब्‍यूगु खः। इमिसं दुनुगलंनिसें परमप्रभुयात ब्‍यूगु खः। नायःतय्‌सं अथे देछा ब्‍यूगुलिं मनूत तसकं लय्‌ताल। दाऊद जुजु नं तसकं लय्‌ताल।

२ इतिहास 25:2

वं परमप्रभुया मिखाय् भिंगु ज्‍या यात, दुनुगलंनिसें धाःसा मखु।

भजनसंग्रहया सफू 119:145

हे परमप्रभु! जिं दुनुगलंनिसें छितः सःता च्‍वनागु दु, जितः लिसः बियादिसँ! जिं छिगु व्‍यवस्‍था मानय् याये।

भजनसंग्रहया सफू 119:80

जिं दुनुगलंनिसें छिगु व्‍यवस्‍था मानय् याये फयेमा, लज्‍या चाये म्‍वालेमा।

हितोपदेश 23:26

हे जिमि काय्! थःगु नुगः जितः ब्‍यु। अले थःगु मिखा जिगु लँय् लाकि।

गन्‍ती 13:30

कालेबं मोशाया न्‍ह्यःने मनूतय्‌गु म्‍हुतुप्‍वाः तिकाः थथे धाल, “झीसं थत्‍थें थाहां वनाः व देशय् अधिकार यायेमाः। धात्‍थें झीसं इमित त्‍याकेफइ।”

गन्‍ती 14:30

अले यपुन्‍नेया काय् कालेब व नूनया काय् यहोशू बाहेक छिपिं मध्‍ये सुं नं जिं ल्‍हाः ल्‍ह्वनाः छिमित तये धकाः पाफयागु देशय् वने दइ मखु।

गन्‍ती 26:65

परमप्रभुं उपिं इस्राएलीतय्‌त मरुभूमिइ धात्‍थें सिनावनी धकाः धयादीगु खः। अथे जुयाः यपुन्‍नेया काय् कालेब व नूनया काय् यहोशू बाहेक उपिं मध्‍ये छम्‍ह नं मिजं म्‍वानामच्‍वं।

प्रेरित 11:23

थथे व अन वयाः परमेश्‍वरं अन च्‍वंपिं विश्‍वासीतय्‌त बियादीगु आशिष खनाः तसकं लय्‌ताल। अले वं इमित मग्‍यासे दुनुगलंनिसें प्रभु नाप जुयाच्‍वनेमाः धकाः स्‍यनेकने यात।

एफिसी 6:6

मालिकतय्‌त लय्‌ताय्‌केत इमिगु न्‍ह्यःने जक ज्‍या याना क्‍यनेगु याये मते, बरु परमेश्‍वरया इच्‍छा कथं ख्रीष्‍टया हे दास थें जुयाः दुनुगलंनिसें ज्‍या यायेगु या।

व्‍यवस्‍था 1:36

यपुन्‍नेया काय् कालेबं जक व देश स्‍वये खनी। दुनुगलंनिसें परमप्रभुया ल्‍यू जूगुलिं वं पला तःगु बँ जिं वयात व वया सन्‍तानयात बी।”

व्‍यवस्‍था 6:5

परमप्रभु झी परमेश्‍वरयात दुनुगलंनिसें माया या, थःगु प्राण बिया तकं माया या, अले थःगु बलं फत्तले माया या।

कलस्‍सी 3:23

न्‍ह्यागु याःसां मनूतय्‌गु निंतिं मखु, बरु प्रभुयागु निंतिं यानाच्‍वना धकाः मतिइ तयाः दुनुगलंनिसें यायेमाः।