गन्‍ती 14:19 - नेवाः बाइबल

¹⁹ बिन्‍ति याये, छिगु तःधंगु दयाकथं थुमिसं मिश्र देश त्‍वःतावःबलय्‌निसें आः तक क्षमा यानावयाच्‍वनादी थें थुपिं मनूतय्‌गु पाप क्षमा यानादिसँ।”

गन्‍ती 14:19 ပူးပေါင်းရင်းမြစ်များ

१ राजा 8:34

छिं स्‍वर्गं इमिगु प्रार्थना न्‍यनादिसँ अले थः मनूत इस्राएलीतय्‌गु पाप क्षमा यानादिसँ। इमि पुर्खायात छिं बियादीगु देशय् इमित लितहयादिसँ।

भजनसंग्रहया सफू 106:45

वय्‌कलं इमिगु लागि थःगु बाचा लुमंकादिल, अले थःगु सदां दयाच्‍वनीगु दया मायाया कारणं वय्‌कः नरम जुयादिल।

भजनसंग्रहया सफू 78:38

वय्‌कः दयादुम्‍ह जूगुलिं वय्‌कलं इमित क्षमा यानादिल। वय्‌कलं इमित नाश यानामदी। वय्‌कलं तःकः मछि थःगु तं क्‍वलाकादिल। वय्‌कलं थःगु तं प्‍वंकामदी।

भजनसंग्रहया सफू 85:2

छिं थःमनूतय्‌गु पाप क्षमा यानादीगु दु, इमिगु फुक्‍क मभिंगु ज्‍या माफ यानादीगु दु। सेला

प्रस्‍थान 32:32

अय्‌जूसां थुमिगु पाप क्षमा यानादिसँ, मखुसा छिं च्‍वयादीगु सफुलिं जिगु नां हुयादिसँ।”

प्रस्‍थान 33:17

अले परमप्रभुं मोशायात धयादिल, “छं धाःथें जिं याये, छाय्‌धाःसा जि छ खनाः लय्‌ताः अले जिं छन्‍त बांलाक हे म्‍हस्‍यू।”

प्रस्‍थान 34:9

वं धाल, “हे परमप्रभु, छिं जिमित धात्‍थे माया यानादियागु खःसा छि जिपिंनापं झासँ। थ्‍व छगू जिराहा जाति जूसां जिमिगु अधर्म व पाप क्षमा यानादिसँ, अले जिमित थःगु हे सम्‍पत्ति थें नाला कयादिसँ।”

यशैया 55:7

दुष्‍ट मनुखं थःगु लँपु व अधर्मी मनुखं थःगु बिचाः त्‍वःतेमा, अले इपिं परमप्रभुयाथाय् लिहां वयेमा, वय्‌कलं हे इमित दया यानादी। झी परमेश्‍वरपाखे इपिं लिहां वयेमा, अले वय्‌कलं इमित पूरा क्षमा यानादी।

दानिएल 9:19

“हे परमप्रभु न्‍यनादिसँ, हे प्रभु पाप क्षमा यानादिसँ, हे प्रभु जिमिगु बिन्‍ति न्‍यनाः वकथं ज्‍या यानादिसँ। छिगु नांया लागि आः लिबाकादी मते। थ्‍व शहर व छिकपिनि मनूतके छिगु हे नां दु।”

आमोस 7:2

इमिसं बुँइ च्‍वंगु बालीनाली नये धुंकाः जिं धया, “हे परमप्रभु परमेश्‍वर, क्षमा यानादिसँ। याकूब गथे यानाः म्‍वाये फइ? व तसकं हे चीधिकः तिनि।”

आमोस 7:5

उबले जिं तसलं धया, “हे परमप्रभु परमेश्‍वर, बिन्‍ति दु, पनादिसँ। याकूब गथे यानाः म्‍वाये फइ? व तसकं हे चीधिकः तिनि।”

योना 3:10

इमिसं छु छु यात, इमिसं गुकथं मभिंगु ज्‍या त्‍वःतल फुक्‍क स्‍वयाः परमेश्‍वरं थःगु मन हीकादिल। वय्‌कलं इमित नाश याये धकाः क्‍वःछिनादीगु जूसां नाश याना मदिल।

योना 4:2

वं परमप्रभुयात धाल, “प्रभु, जिं थःगु देश त्‍वःते न्‍ह्यः थ्‍व हे खँ धयागु मखु ला? उकिं हे ला जि तार्शीशपाखे बिस्‍युं वनेत्‍यनागु खः। छि दया माया दीम्‍ह, तंचायेत लिबाकादीम्‍ह, नुगः क्‍यातुम्‍ह व सजाँय बी मयःम्‍ह खः धकाः जिं स्‍यू।

मीका 7:18

छि थें ज्‍याःम्‍ह परमेश्‍वर सु दु? गुम्‍हय्‌सिनं अधर्म क्षमा यानादी, अले ल्‍यंदुपिं थःमनूतय्‌गु पाप क्षमा यानादी? छि सदां तंचायादी मखु, तर दयामाया यायेत छितः यः।

हबकूक 3:2

हे परमप्रभु, जिं छिगु बारे न्‍यनागु दु। हे परमप्रभु, छिं यानादीगु ज्‍या खनाः जि छक्‍क हे जुल। जिमिगु इलय् न्‍हूकथं थःगु ज्‍या क्‍यनादिसँ, जिमिगु इलय् व सीकेबियादिसँ। तंचायादीसां जिमित दया यानादिसँ।

गन्‍ती 23:21

याकूबय् छुं मभिंगु खने मदु। अले इस्राएलय् छुं दुःख खने मदु। परमप्रभु इमि परमेश्‍वर इपिं नापं दी, इमिसं इमि जुजुया जय जुइमा धकाः च्‍वय्‌काच्‍वंगु दु।

याकूब 5:15

परमेश्‍वरयात क्‍वात्तुक विश्‍वास यानाच्‍वंम्‍ह मनूयागु प्रार्थनां उसाँय् मदया च्‍वंम्‍हय्‌सिगु ल्‍वय् लंकाबी। व मनुखं पाप हे याःगु जूसां वयात क्षमा यानादी।