गन्‍ती 14:17 - नेवाः बाइबल

¹⁷ “अथे जुयाः प्रभु, छिं थःगु तःधंगु शक्ति क्‍यनादिसँ। गथे छिं धयादीगु दु,

गन्‍ती 14:17 ပူးပေါင်းရင်းမြစ်များ

मीका 3:8

तर जि ला परमप्रभुया शक्तिं जाःगु दु, परमप्रभुया आत्‍मां जाःगु दु, अले न्‍याय व शक्तिं जाःगु दु। याकूबयात वयागु अपराध व इस्राएलयात वयागु पाप कनाबीत।

गन्‍ती 14:16

‘परमप्रभुं थ्‍व मनूतय्‌त थःम्‍हं बी धकाः पाफयातःगु देशय् हये मफुत। अथे जुयाः वय्‌कलं इमित मरुभूमिइ हे स्‍यानादिल।’

गन्‍ती 14:18

‘परमप्रभु तसकं सह याये फुम्‍ह, सदां दयामाया यानादीम्‍ह, अधर्म व अपराध क्षमा यानादीम्‍ह खः। अय्‌नं द्वं याःम्‍हसित वय्‌कलं क्षमा यानादी मखु, अले पुर्खातय्‌सं याःगु अधर्मया सजाँय वया स्‍वंगू प्‍यंगू पुस्‍तायात तकं बियादीम्‍ह खः।’

मत्ती 9:6

संसारय् च्‍वंपिनिगु पाप क्षमा यानाबीत मनूया काय्‌याके अधिकार दु धयागु खँ छिमिसं सीकि।” अले वय्‌कलं व पक्षवातं कःम्‍ह मनूयात थथे धयादिल – “दनाः थःगु लासा ज्‍वनाः छेँय् हुँ।”

मत्ती 9:8

थ्‍व खनाः अन च्‍वंपिं मनूत ग्‍यात। अले मनूतय्‌त परमेश्‍वरं थज्‍याःगु अधिकार बियादीगुलिं इमिसं परमेश्‍वरयात तःधंकल।