गन्‍ती 14:11 - नेवाः बाइबल

¹¹ परमप्रभुं मोशायात धयादिल, “थुमिसं जितः गुबलय् तक हेला यानाच्‍वनी? जिं थुमिगु न्‍ह्यःने उलिमछि अजू चायापुगु ज्‍या याये धुन, अय्‌नं थुमिसं जितः गुबलय् तक विश्‍वास याइ मखु?

गन्‍ती 14:11 ပူးပေါင်းရင်းမြစ်များ

भजनसंग्रहया सफू 106:24

इपिं व न्‍ह्याइपुगु देशय् दुहां वनेत ग्‍यात। इमित वास्‍ता याये धकाः वय्‌कलं बियादीगु बचंयात इमिसं विश्‍वास मयात।

भजनसंग्रहया सफू 78:22

छाय्‌धाःसा इमिसं वय्‌कःयाके विश्‍वास मतः, अले वय्‌कलं इमित बचय् याइ धयागु खँय् नं पत्‍याः मयाः।

भजनसंग्रहया सफू 78:32

अय्‌जूसां इमिसं पाप याना हे च्‍वन। वय्‌कःयागु अजू चायापुगु ज्‍याखँ खंक खंकं इमिसं परमेश्‍वरयात विश्‍वास मयाः।

भजनसंग्रहया सफू 95:8

छिमि पुर्खा मेरीबाय् व छन्‍हु मस्‍साहया मरुभूमिइ जिद्दी जूगु थें छिपिं जिद्दी जुइ मते।

प्रस्‍थान 10:3

उकिं मोशा व हारूनं वनाः फारोयात धाल, “हिब्रूतय् परमप्रभु परमेश्‍वरं थथे धयादी, ‘गुबलय् तक छ जिगु खँ मन्‍यंसे च्‍वनेगु? जिमि मनूतय्‌त जिगु आराधना यायेत वनेब्‍यु।

प्रस्‍थान 16:28

अले परमप्रभुं मोशायात धयादिल, “गुबलय् तक छिमिसं जिगु नियमयात मानय् मयायेगु?

प्रस्‍थान 23:21

वयागु न्‍ह्यःने होश यानाच्‍वँ अले वं धाःगु खँ न्‍यँ। वयागु विरोधय् वने मते। छाय्‌धाःसा वयाके जिगु नां दुगुलिं वं छिमिगु अपराध क्षमा याइ मखु।

प्रस्‍थान 32:9

परमप्रभुं मोशायात धयादिल, “जिं थुपिं मनूतय्‌त खनागु दु, थुपिं जिराहा मनूत खः।

हितोपदेश 1:22

हे बुद्धि मदुपिं मनूत! गुबलय् तक छिपिं बुद्धि मदय्‌क च्‍वंच्‍वनेगु, गुबलय् तक कर्पिन्‍त नागःतुगः यानाः न्‍ह्यइपुकाच्‍वनेगु छिपिं, गुबलय् तक छिपिं मूर्खतय्‌सं ज्ञानयात मयय्‌का च्‍वनेगु?

यर्मिया 13:10

थुपिं जिगु खँ न्‍यनी मखुपिं व थथःगु नुगलय् जिराहा जुयाः मेपिं द्यःतय्‌गु सेवा व पुजा याइपिं मभिंपिं मनूत खः। थुपिं थ्‍व ज्‍यालगय् मजुइधुंकूगु जनी थें जुइ।

यर्मिया 4:14

हे यरूशलेम, छ बचय् जुइत थःगु नुगलं मभिंगु खँ सिलाछ्व। गुबलय् तक मभिंगु बिचाः छंगु नुगलय् तया तयेगु?

इजकिएल 20:13

“‘अय्‌नं इस्राएलयापिं मनूतय्‌सं मरुभूमिइ जिगु विरोधय् विद्रोह यात। इपिं जिगु विधिकथं व आज्ञा कथं मजू, तर इमिसं जिगु नियमयात हेला यात, खः ला उपिं पालन याइपिं मनूत उपिंपाखें हे म्‍वाइ। जिगु विश्रामबारत इमिसं पूरा अशुद्ध यानाबिल। उकिं जिं धया, “थ्‍व हे मरुभूमिइ इमिके जिगु तं प्‍वंकाः इमित नाश यानाबी।”

होशे 8:5

अय् सामरिया! छंगु द्वहंचाया मूर्ति वान्‍छ्‌वया ब्‍यु। जिगु तं इमिगु विरोधय् च्‍यानाच्‍वंगु दु। इपिं गुबलें शुद्ध जुइ मफुपिं जुयाच्‍वनी?

जकरिया 8:14

दक्‍व शक्ति दुम्‍ह परमप्रभुं धयादी, “गथे छिमि पुर्खातय्‌सं जितः तंचाय्‌कूबलय् जिं इमिथाय् विपत्ति हयेगु क्‍वःछिना अले भतिचा नं माया मक्‍यना।”

गन्‍ती 14:23

जिं थुमि पुर्खायात बी धकाः पाफयाः बचं बियागु देश स्‍वये खनी मखु। जितः हेला याइपिं सुनानं व देश गुबलें खनी मखु।

गन्‍ती 14:27

“थ्‍व मभिंगु खलकं गुबलय् तक जिगु विरोधय् कचकच यानाच्‍वनी? इस्राएलीतय्‌गु कचकच जिं यक्‍व हे न्‍यनेधुन।

गन्‍ती 32:10

अले परमप्रभुं तंचायाः उखुन्‍हु हे थथे धया पाफयाः बचं बियादीगु खः,

मत्ती 17:17

वय्‌कलं धयादिल – “छिमिसं गथे जक विश्‍वास याये मफुगु? जि छिपिंनाप ग्‍वःन्‍हु हे च्‍वनीतिनि धकाः? जिं छिमित गुलि जक सह यानाच्‍वनेगु? मचायात थन हजि।”

मर्कूस 9:19

अले वय्‌कलं धयादिल – “छिमिसं गथे जक विश्‍वास याये मफुगु? जि छिपिंनाप गुलि हे च्‍वनीतिनि धकाः? जिं छिमिगु निंतिं गुलि जक दुःख सह यानाच्‍वनेगु? मचायात थन हजि।”

यूहन्‍ना 10:38

जिं परमेश्‍वरयागु ज्‍या यानाच्‍वनागु दुसा जितः विश्‍वास मयाःसां जिं यानागु ज्‍या यात विश्‍वास यानादिसँ। उकिं जिके बाः दी, अले जि बाःयाके दु धकाः छिकपिन्‍सं सीकादिसँ, थुइकादिसँ।”

यूहन्‍ना 12:37

इमिसं खंक खंक हे उलिमछि चिं वय्‌कलं यानाः क्‍यनादिल नं इमिसं वय्‌कःयात विश्‍वास मयाः।

यूहन्‍ना 15:24

सुनानं मयाःगु ज्‍या जिं इमिगु न्‍ह्यःने यानाः मक्‍यंगु जूसा इमित पाप लाइ मखुगु। तर इमिसं थ्‍व अजू चायापुगु ज्‍या स्‍वयाः नं जितः व जिमि बाःयात नं हेला यात।

व्‍यवस्‍था 1:32

थुलि जूसां नं छिमिसं परमप्रभु छिमि परमेश्‍वरयाके भलसा मतः।

हिब्रू 3:16

सुनां परमेश्‍वरयागु सः तायाः नं वय्‌कःयात हे मभिंकल? मोशां मिश्र देशं लिगनाहःपिं मनूत हे, मखु ला?

हिब्रू 3:18

थथे खँ मन्‍यंपिन्‍त हे परमेश्‍वरं “छिमिसं जिं बीगु आराम कायेखनी मखु” धकाः पाफयादीगु, मखु ला?

हिब्रू 3:8

छिमि तापाःबाज्‍यापिन्‍सं थें छिमिसं वय्‌कःयात मभिंकाः थःगु नुगः छाके मते। मरुभूमिइ इमिसं वय्‌कःयागु मन स्‍वल।