गन्‍ती 13:33 - नेवाः बाइबल

³³ जिमिसं अन नेफिलीमत नं खना। अनाकीत नेफिलीमतय्‌पाखें हे वःगु खः। इमिगु न्‍ह्यःने जिमिसं थःपिन्‍त थःगु मिखाय् क्‍वःबुइँचात थें ताल। इमिगु मिखाय् नं जिपिं अथे हे खनेदत।”

गन्‍ती 13:33 ပူးပေါင်းရင်းမြစ်များ

उत्‍पत्ति 6:4

उबलय् व वयां लिपा तक नं पृथ्‍वीइ नेफिलीमत दुगु खः। परमेश्‍वरया काय्‌पिं व मनूतय् म्‍ह्याय्‌पिनि पाखें मस्‍त दत। इपिं उबलय्‌या बल्‍लाःपिं व नांजाःपिं खः।

१ इतिहास 11:23

वं निगूत्‍या मिटर तःधीम्‍ह छम्‍ह मिश्रीयात नं स्‍यात। उम्‍ह मिश्रीया ल्‍हातय् तसकं ताहाकःगु व तःपुगु भाला दु। बनायाहं ल्‍हातय् छपु तःपुगु कथि कयाः वयात हमला यात। वं मिश्रीया ल्‍हातं भाला लाकाकाल। अले उकिं हे वयात स्‍यानाबिल।

यशैया 40:22

वय्‌कः पृथ्‍वी च्‍वय् आकाश स्‍वयाः नं च्‍वय् थःगु सिंहासनय् च्‍वनादीम्‍हय्‌सिनं व दय्‌कादीगु खः, क्‍वय् पृथ्‍वीइ मनूत बुइँचा थें जक खः। वय्‌कलं आकाशयात इलां थें चक्‍कंकादीगु दु, अले अन बाय् च्‍वनेत पाल थें चक्‍कंकादीगु दु।

गन्‍ती 13:22

इपिं नेगेवपाखें थहां वनाः हेब्रोनय् थ्‍यंकः वन। अन अनाकया सन्‍तान अहीमन, शेशै व तल्‍मै च्‍वनाच्‍वंगु जुल। हेब्रोन मिश्रया सोअन शहर स्‍वयाः न्‍हय्‌दँ न्‍ह्यः दय्‌कूगु खः।

गन्‍ती 13:28

तर अन च्‍वंपिं मनूत तसकं बल्‍लाः। इमिगु शहरत ततःधं। शहरतय् पःखाः ग्‍वयातःगु दु। उलि जक मखु – जिमिसं अन अनाकया सन्‍तान नं खना।

गन्‍ती 14:1

उखुन्‍हु चच्‍छि फुक्‍क खलः चिल्‍लाय् दनाः ह्वाँय्‌ह्वाँय् ख्‍वल।

व्‍यवस्‍था 1:28

झीपिं गन वनेगु? झीसं छ्वयापिं मनूतय्‌सं ‘अनयापिं मनूत झीपिं स्‍वयाः बल्‍ला व तःधिकः, अनयागु शहरत ततःधं अले आकाश थ्‍यंक हे पःखाः ग्‍वयातःगु दु, अले जिमिसं अन अनाकीत नं खना’ धकाः धयाः जिमित ख्‍यात।”

व्‍यवस्‍था 2:10

(न्‍हापाया इलय् अन बल्‍लाःपिं, ल्‍याखय् अप्‍वः दुपिं अले अनाकीत थें ततःधिकःपिं एमीत च्‍वनाच्‍वंगु खः।

व्‍यवस्‍था 3:11

(रपाईतय् दकलय् लिपांम्‍ह मनू बाशानया जुजु ओग खः। वयागु नँयागु खाताया हाकः गुंगू कु अले ब्‍या प्‍यंगू कु दु। व खाता आः तक नं अम्‍मोनीतय्‌गु शहर रब्‍बाय् दनि।)

व्‍यवस्‍था 9:2

अनयापिं मनूत बल्‍लापिं व तःधिकःपिं अनाकीत खः। इमिगु खँ छिमिसं स्‍यू, अले इमिगु बारे थथे धाःगु नं छिमिसं न्‍यंगु दु, “अनाकीतय्‌गु न्‍ह्यःने दंवने फुम्‍ह सु दु?”

यहोशू 11:21

अबलय् यहोशूं पहाडी देशय् वनाः हेब्रोन, दबीर, अनाब, यहूदा व इस्राएलयागु फुक्‍क पहाडी देशय् च्‍वनिपिं अनाकीतय्‌त नाश यानाबिल। यहोशूं इमिगु शहरनापं इमित भज्‍यंक नाश यानाबिल।

यहोशू 14:12

उकिं परमप्रभुं उखुन्‍हु धयादीगुकथं आः व पहाडी देश जितः बियादिसँ। उबलय् अन अनाकी धाःपिं ततःधिकःपिं मनूत च्‍वनीगु खः अले इमिके ततःजाःगु पखाः दुगु शहरत दु धकाः छिं न्‍यनादीगु खः। तर परमप्रभुयागु ग्‍वाहालिं वय्‌कलं धयादीगु थें जिं इमित लिनाछ्वये।”

यहोशू 15:14

कालेबं अनाकया स्‍वम्‍ह सन्‍तानतय्‌त शहरं लिनाछ्वल। इमिगु नां शेशै, अहीमन व तल्‍मै खः।

१ शमूएल 17:24

गोल्‍यतयात खनाः इस्राएलीत ग्‍यानाः बिस्‍युं वन।

१ शमूएल 17:42

वं दाऊदयात लिकसं बांलाक स्‍वल, अले दाऊदया न्‍यता ह्याउँसे च्‍वंगु अले तसकं बांलाःम्‍ह ल्‍याय्‌म्‍ह मचायात खनाः वयात तसकं हेपय् यात।