गन्‍ती 13:32 - नेवाः बाइबल

³² इमिसं झीसं चिवा काःवनागु देशया बारे इस्राएलीतय्‌त बांमलाःगु खँ कनाः थथे धाल, “झीसं चिवा काःवनागु व देशं ला थः हे मनूतय्‌त घुर्काछ्वइगु, अले अन च्‍वंपिं मनूत नं तसकं ततःधिकःपिं जुयाः ग्‍यानपुसे च्‍वं।

गन्‍ती 13:32 ပူးပေါင်းရင်းမြစ်များ

२ शमूएल 21:20

हानं गातय् नं लडाइँ जुल। अन ल्‍हाः व तुतिइ खुपु खुपु पतिंचा अर्थात निइप्‍यपु पतिंचा दुम्‍ह राक्षस थें च्‍वंम्‍ह छम्‍ह मनू दु। व नं रफाया सन्‍तान खः।

१ इतिहास 20:6

हानं गातय् नं लडाइँ जुल, अन ल्‍हाः व तुतिइ खुपु खुपु पचिंचा अर्थात निइप्‍यपु पतिंचा दुम्‍ह राक्षस थें च्‍वंम्‍ह छम्‍ह मनू दु। व नं रफाया सन्‍तान खः।

भजनसंग्रहया सफू 106:24

इपिं व न्‍ह्याइपुगु देशय् दुहां वनेत ग्‍यात। इमित वास्‍ता याये धकाः वय्‌कलं बियादीगु बचंयात इमिसं विश्‍वास मयात।

इजकिएल 36:12

जिं जिम्‍ह प्रजा इस्राएलयात छन्‍थाय् हाकनं तये। इमिसं छन्‍त अधिकार याइ अले छ इमिगु सर्बय जुइ। छं गुबलें इमि काय् म्‍ह्याय्‌पिन्‍त लाकायंकी मखु।

आमोस 2:10

एमोरीतय्‌गु देश बीत जिं छिमित मिश्र देशं लिगना हया, पिइदँ तक मरुभूमिइ न्‍ह्यलुवाः जुयाः यंकाः।

आमोस 2:9

“जिं थःम्‍हं हे इमिगु न्‍ह्यःने एमोरीतय्‌त भज्‍यंक नाश यानाबिया, इपिं खयः सिमा ति तःजाः अले स्‍वसिमा थें बल्‍लाः जूसां नं, जिं इमिगु च्‍वय्‌च्‍वंगु फल व इमिगु क्‍वय् च्‍वंगु हा नाश यानाबिया।

गन्‍ती 13:28

तर अन च्‍वंपिं मनूत तसकं बल्‍लाः। इमिगु शहरत ततःधं। शहरतय् पःखाः ग्‍वयातःगु दु। उलि जक मखु – जिमिसं अन अनाकया सन्‍तान नं खना।

मत्ती 23:13

“शास्‍त्रीत व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं मनूतय्‌त दुहां वने हे मफय्‌क स्‍वर्गया राज्‍ययागु लुखा तिनाब्‍यूगु दु। छिपिं न थःपिं हे दुहां वनी, न दुहां वनीपिन्‍त हे दुछ्वइ।

व्‍यवस्‍था 1:28

झीपिं गन वनेगु? झीसं छ्वयापिं मनूतय्‌सं ‘अनयापिं मनूत झीपिं स्‍वयाः बल्‍ला व तःधिकः, अनयागु शहरत ततःधं अले आकाश थ्‍यंक हे पःखाः ग्‍वयातःगु दु, अले जिमिसं अन अनाकीत नं खना’ धकाः धयाः जिमित ख्‍यात।”