गन्‍ती 13:28 - नेवाः बाइबल

²⁸ तर अन च्‍वंपिं मनूत तसकं बल्‍लाः। इमिगु शहरत ततःधं। शहरतय् पःखाः ग्‍वयातःगु दु। उलि जक मखु – जिमिसं अन अनाकया सन्‍तान नं खना।

गन्‍ती 13:28 ပူးပေါင်းရင်းမြစ်များ

२ शमूएल 21:16

अय्‌नं रफाया सन्‍तानत मध्‍ये छम्‍ह इश्‍बी-बनोबं, सुयाके स्‍वंगू व बागू किलोग्राम (३.५) कँय्‌यागु च्‍वका दुगु भाला दु, वं न्‍हूगु तरवार जँय् घानातःगु दु, वं दाऊदयात स्‍याये धकाः धाल।

गन्‍ती 13:33

जिमिसं अन नेफिलीमत नं खना। अनाकीत नेफिलीमतय्‌पाखें हे वःगु खः। इमिगु न्‍ह्यःने जिमिसं थःपिन्‍त थःगु मिखाय् क्‍वःबुइँचात थें ताल। इमिगु मिखाय् नं जिपिं अथे हे खनेदत।”

व्‍यवस्‍था 1:28

झीपिं गन वनेगु? झीसं छ्वयापिं मनूतय्‌सं ‘अनयापिं मनूत झीपिं स्‍वयाः बल्‍ला व तःधिकः, अनयागु शहरत ततःधं अले आकाश थ्‍यंक हे पःखाः ग्‍वयातःगु दु, अले जिमिसं अन अनाकीत नं खना’ धकाः धयाः जिमित ख्‍यात।”

व्‍यवस्‍था 2:21

इपिं बल्‍लाः, ल्‍याखय् अप्‍वः अले अनाकीत थें ततःधिकः। अय्‌नं परमप्रभुं इमित अम्‍मोनीतय्‌गु न्‍ह्यःने नाश यानादिल। अम्‍मोनीतय्‌सं इमित पितिनाछ्वल अले इपिं इमिगु थासय् च्‍वंवल।

व्‍यवस्‍था 3:5

थुपिं फुक्‍क शहरय् ततःजाःगु पःखाः ग्‍वयातःगु दु। अले शहरया मू ध्‍वाखाय् खगः दु। अन पःखाः ग्‍वयामतःगु यक्‍व गां नं दु।

यहोशू 11:22

इस्राएलीतय्‌गु देशय् छम्‍ह नं अनाकीत ल्‍यं मन्‍त। गाजा, गात व अश्‍दोदय् जक छुं ल्‍यन।

यहोशू 14:12

उकिं परमप्रभुं उखुन्‍हु धयादीगुकथं आः व पहाडी देश जितः बियादिसँ। उबलय् अन अनाकी धाःपिं ततःधिकःपिं मनूत च्‍वनीगु खः अले इमिके ततःजाःगु पखाः दुगु शहरत दु धकाः छिं न्‍यनादीगु खः। तर परमप्रभुयागु ग्‍वाहालिं वय्‌कलं धयादीगु थें जिं इमित लिनाछ्वये।”

यहोशू 15:14

कालेबं अनाकया स्‍वम्‍ह सन्‍तानतय्‌त शहरं लिनाछ्वल। इमिगु नां शेशै, अहीमन व तल्‍मै खः।

न्‍यायकर्ता 1:20

मोशां बचं ब्‍यूगु थें हेब्रोन धाःसा कालेबयात बिल। गुम्‍हय्‌सिनं अनाकया स्‍वम्‍ह काय्‌पिन्‍त अनं ख्‍याना छ्वःगु खः।