गन्‍ती 13:27 - नेवाः बाइबल

²⁷ इमिसं मोशायात कन, “छिं जिमित छ्वयादीगु देशय् जिपिं वना। धात्‍थें हे अन दुरु व कस्‍ति बाः वयाच्‍वंगु जुयाच्‍वन, अले अनयागु फलफुल थ्‍व हे खः।

गन्‍ती 13:27 ပူးပေါင်းရင်းမြစ်များ

नहेम्‍याह 9:25

पखाः ग्‍वयातःगु शहरत व लखं लाःगु देश इमिसं त्‍याकाकाल। भिंगु भिंगु सामान दुगु छेँ, म्‍हुयातःगु तुं, दाखया क्‍यब, जैतूनया सिमा व मेमेगु फलया सिमा यक्‍व हे इमिसं थःगु ल्‍हातय् लाकल। प्‍वाः जाय्‌क नयाः इपिं ल्‍ह्वन, इपिं छिगु फुक्‍क भिंगु ज्‍याया कारणं लय्‌तायाच्‍वन।

प्रस्‍थान 13:5

परमप्रभुं छिमि तापाःबाज्‍यापिन्‍त बी धयातःगु कनानी, हित्ती, एमोरी, हिव्‍वी व यबूसीतय्‌गु दुरु व कस्‍ति बाः वयाच्‍वंगु देशय् छिमित यंकादीधुंकाः नं थ्‍व हे लाय् छिमिसं थ्‍व नखः हँ।

प्रस्‍थान 3:17

अले जिं छिमित मिश्रीतय्‌सं याःगु दुःखं लिगनाः दुरु व कस्‍ति बाः वयाच्‍वंगु कनानी, हित्ती, एमोरी, परिज्‍जी, हिव्‍वी व यबूसीतय्‌गु देशय् यंकेत क्‍वःछिनागु दु।’

प्रस्‍थान 3:8

अथे जुयाः इमित मिश्रीतय्‌गु ल्‍हातं त्‍वःतकाः व देशं मेगु भिंगु व तःधंगु दुरु व कस्‍ति बाः वयाच्‍वंगु कनानी, हित्ती, एमोरी, परिज्‍जी, हिव्‍वी व यबूसीतय्‌गु देशय् हयेत जि क्‍वहां वयागु दु।

प्रस्‍थान 33:3

दुरु व कस्‍ति बाः वयाच्‍वंगु देशय् हुँ। अय्‌नं जि छिपिंनापं वने मखु। छिपिं जिराहा मनूत जूगुलिं जिं छिमित लँय् हे नाश यायेगु जुइ।”

यर्मिया 11:5

दुरु व कस्‍ति बाः वयाच्‍वंगु देश बी धकाः जिं छिमि तापाःबाज्‍यापिंलिसें पाफयागु जिं पूरा याये फयेमा धकाः जिं थथे धयागु खः।’ छिपिं आः व हे देशय् च्‍वनाच्‍वंगु दु।” अले जिं लिसः बिया, “हे परमप्रभु, आमेन, अथे हे जुइमा।”

यर्मिया 32:22

छिं इमि पुर्खातय्‌त बी धकाः पाफयादीगु थ्‍व दुरु व कस्‍ति बाः वयाच्‍वंगु देश इमित बियादिल।

इजकिएल 20:15

हाकनं जिं इमित बियागु मरुभूमिइ “दुरु व कस्‍ति बाः वयाच्‍वंगु अले फुक्‍क देशत स्‍वयाः बांलाःगु देशय् जिं इमित हये मखु” धकाः इपिंलिसें पाफया,

इजकिएल 20:6

उखुन्‍हु हे जिं इपिंलिसें जिं इमित मिश्र देशं लिगनाः हयाः जिं इमिगु निंतिं ल्‍ययागु छगू देशय् हये धकाः नं पाफया। व मेगु फुक्‍क देश स्‍वयाः बांलाः, अन दुरु व कस्‍ति बाः वयाच्‍वंगु।

लेवी 20:24

तर जिं छिमित धयागु दु, “छिमिसं इमिगु देश त्‍याकाः काइ, छाय्‌धाःसा थ्‍व देश जिं छिमित सर्बयकथं बी। जिं थःम्‍हं हे दुरु व कस्‍ति बाः वयाच्‍वंगु थ्‍व देशयात छिमित बी।” जि छिमित मेगु जातितपाखें अलग तइम्‍ह परमप्रभु छिमि परमेश्‍वर खः।

गन्‍ती 14:7

इस्राएलया फुक्‍क खलःयात धाल, “जिपिं स्‍वःवनागु व चिवा काःवनागु देश तसकं बांलाःगु देश खः।

गन्‍ती 14:8

परमप्रभु झीपिंलिसे लय्‌ताःसा वय्‌कलं झीत व देशय् यंकादी, अले व दुरु व कस्‍ति बाः वयाच्‍वंगु देश झीत बियादी।

गन्‍ती 16:13

जिमित दुरु व कस्‍ति बाः वयाच्‍वंगु देशं मरुभूमिइ सीत हयादिया नं छितः मगात ला? अले आः छितः जिमि मालिक नं जुइ मास्‍ति वः ला?

गन्‍ती 16:14

छिं जिमित दुरु व कस्‍ति बाः वयाच्‍वंगु देशय् हयादीगु मदु। अले जिमिगु अधिकारय् बुँ व दाखया क्‍यब नं बियादीगु मदु। छु! छितः थुपिं मनूतय्‌त दासतय्‌त थें व्‍यवहार याये मास्‍ति वः ला? जिपिं वये हे मखु।”

व्‍यवस्‍था 11:9

अले परमप्रभुं छिमि पुर्खालिसें इमित व इमि सन्‍तानतय्‌त बी धकाः पाफयादीगु दुरु व कस्‍ति बाः वयाच्‍वंगु देशय् छिपिं ताःई तक म्‍वानाच्‍वने फइ।

व्‍यवस्‍था 26:9

वय्‌कलं झीत थ्‍व थासय् हयाः थ्‍व दुरु व कस्‍ति बाः वयाच्‍वंगु देश बियादिल।

व्‍यवस्‍था 27:3

छिमि पुर्खातय् परमप्रभु परमेश्‍वरं बचं बियादीगु थें खुसि छिनाः परमप्रभु थः परमेश्‍वरं छिमित बियादीगु दुरु व कस्‍ति बाः वयाच्‍वंगु देशय् दुहां वने धुंकाः थ्‍व नियमया फुक्‍क वचन उकी च्‍व।

व्‍यवस्‍था 31:20

इमि पुर्खातलिसें बी धकाः पाफयाः बचं बियागु दुरु व कस्‍ति न्‍ह्याइगु देशय् जिं इमित हये। अले अन इपिं प्‍वाः जाय्‌क नयाः ल्‍ह्वनीबलय् इमिसं मेपिं द्यःतय् ल्‍यू वनाः इमित पुजा याइ, अले जितः त्‍वःताः जिगु बाचा त्‍वाथुली।

व्‍यवस्‍था 6:3

हे इस्राएल न्‍यँ, थुपिं फुक्‍क बांलाक्‍क मानय् या अले छिमिगु भिं जुइ। परमप्रभु छिमि पुर्खातय् परमेश्‍वरं छिमित बचं बियादीगु थें दुरु व कस्‍ति बाः वयाच्‍वंगु देशय् छिमिगु ल्‍याः यक्‍व अप्‍वः जुइ।

यहोशू 5:6

मिश्र त्‍वःतूबलय् लडाइँलय् वनेफुगु उमेर दुपिं फुक्‍क मनूतय्‌सं परमप्रभुया उजं मानय् मयाःगुलिं इपिं मसितले इस्राएलीत पिइदँ तक चाचाःहिला जुल। छाय्‌धाःसा दुरु व कस्‍ति बाः वयाच्‍वंगु देश झीत बी धकाः इमि पुर्खातलिसें पाफयाः बचं बियादीगु देश इमित खंकेबी मखु धकाः वय्‌कलं पाफयादीगु खः।