गन्‍ती 13:22 - नेवाः बाइबल

²² इपिं नेगेवपाखें थहां वनाः हेब्रोनय् थ्‍यंकः वन। अन अनाकया सन्‍तान अहीमन, शेशै व तल्‍मै च्‍वनाच्‍वंगु जुल। हेब्रोन मिश्रया सोअन शहर स्‍वयाः न्‍हय्‌दँ न्‍ह्यः दय्‌कूगु खः।

गन्‍ती 13:22 ပူးပေါင်းရင်းမြစ်များ

उत्‍पत्ति 13:18

अब्रामं थःगु पाल ल्‍ह्ययाः हेब्रोनय् मम्रें पिनाथकूगु सिमा दुथाय् पाखे च्‍वंवन। अन वं परमप्रभुया लागि छगू वेदी दय्‌कल।

उत्‍पत्ति 23:2

कनानया किर्यत-अर्बा धाःथाय् सित (थौंकन्‍हय् हेब्रोन धाइ)। अब्राहाम व सीगुया दुःखं च्‍वन।

२ शमूएल 2:1

अनंलि दाऊदं परमप्रभुयात थथे धकाः न्‍यन, “छु जि यहूदाया छुं छगू शहरय् वने ला?” परमप्रभुं लिसः बियादिल, “हुँ।” दाऊदं न्‍यन, “गुगु शहरय् वनेगु?” अले थथे लिसः वल, “हेब्रोनय्।”

२ शमूएल 2:11

अले दाऊदं इमित हेब्रोनय् न्‍हय्‌दँ व खुला तक शासन यात।

२ शमूएल 21:16

अय्‌नं रफाया सन्‍तानत मध्‍ये छम्‍ह इश्‍बी-बनोबं, सुयाके स्‍वंगू व बागू किलोग्राम (३.५) कँय्‌यागु च्‍वका दुगु भाला दु, वं न्‍हूगु तरवार जँय् घानातःगु दु, वं दाऊदयात स्‍याये धकाः धाल।

भजनसंग्रहया सफू 78:12

वय्‌कलं मिश्र देशयागु सोअन धाःगु थासय् इमि तापाःबाज्‍यापिन्‍त अजू चायापुगु ज्‍याखँ यानाः क्‍यनादीगु खः।

भजनसंग्रहया सफू 78:43

अले मिश्र देशयागु सोअन धाःगु थासय् क्‍यनादीगु अजू चायापुगु चिं व ज्‍या नं ल्‍वःमंकल।

यशैया 19:11

सोअन शहरया हाकिमत तसकं मूर्खपिं खः। मिश्रय् दक्‍वसिबय् बुद्धि दुपिन्‍सं मभिंगु सल्‍लाह बी। छिमिसं गुकथं धायेफत फारोयात, “जि बुद्धि दुम्‍ह मनूत मध्‍ये छम्‍ह खः, तसकं पुलांपिं जुजुपिनि छम्‍ह चेला खः?”

यशैया 19:13

सोअनया हाकिमत मूर्ख जुइ धुंकल। नोपया नायःतय्‌सं धोखा नयेधुंकल। इपिं थः मनूतय् मू ल्‍वहं थें जुयाः मिश्र देय्‌या मनूतय्‌त मखुगु लँय् यंकूगु दु।

यशैया 30:4

खःला इमि हाकिमत सोअनय् दु अले इमि राजदूतत हानेसय् थ्‍यंकः वःगु दु।

गन्‍ती 13:17

मोशां इमित कनान देशपाखे चिवा कायेत छ्वःबलय् थथे धाल, “थनं वनाः नेगेव धाःगु दच्‍छिन लागां डाँडाय् च्‍वंगु देशपाखे थाहां हुँ,

गन्‍ती 13:28

तर अन च्‍वंपिं मनूत तसकं बल्‍लाः। इमिगु शहरत ततःधं। शहरतय् पःखाः ग्‍वयातःगु दु। उलि जक मखु – जिमिसं अन अनाकया सन्‍तान नं खना।

गन्‍ती 13:33

जिमिसं अन नेफिलीमत नं खना। अनाकीत नेफिलीमतय्‌पाखें हे वःगु खः। इमिगु न्‍ह्यःने जिमिसं थःपिन्‍त थःगु मिखाय् क्‍वःबुइँचात थें ताल। इमिगु मिखाय् नं जिपिं अथे हे खनेदत।”

व्‍यवस्‍था 9:2

अनयापिं मनूत बल्‍लापिं व तःधिकःपिं अनाकीत खः। इमिगु खँ छिमिसं स्‍यू, अले इमिगु बारे थथे धाःगु नं छिमिसं न्‍यंगु दु, “अनाकीतय्‌गु न्‍ह्यःने दंवने फुम्‍ह सु दु?”

यहोशू 10:36

हानं यहोशू सकल इस्राएलीतनापं ऐग्‍लोनं हेब्रोनय् वन। इमिसं व शहरयात हमला यात।

यहोशू 21:13

उकिं पुजाहारी हारूनया सन्‍तानतय्‌त इमिसं हेब्रोन (मसीसें मचाय्‌कं मनू स्‍याःम्‍हय्‌सित शरण बीगु छगू शहर), लिब्‍ना,

न्‍यायकर्ता 1:10

उकिं यहूदाया मनूतय्‌सं हेब्रोन शहरय् च्‍वंपिं कनानीतय्‌त हमला यात। (न्‍हापा हेब्रोनयात किर्यत-अर्बा धाइगु खः।) अनंलि इमिसं शेशै, अहीमन व तल्‍मै वंशयापिन्‍त स्‍यानाबिल।

१ शमूएल 30:31

हेब्रोनय् च्‍वंपिन्‍थाय् अले दाऊद व वया मनूत वंगु थासय् च्‍वंपिंन्‍थाय् कोस्‍यालि छ्वत।