गन्‍ती 13:20 - नेवाः बाइबल

²⁰ जमिन गथे च्‍वं, लखं लाःगु भिंगु जमिन वा गंगु जमिन, अन गुँ दु कि मदु, व स्‍व! साहस या, अले अनयागु छुं सिसाबुसा हजि!” उबलय् न्‍हापांगु दाख सइगु ई जुयाच्‍वन।

गन्‍ती 13:20 ပူးပေါင်းရင်းမြစ်များ

१ इतिहास 22:11

दाऊदं थथे नं धाल, “जिमि काय्, आः परमप्रभु थः छलिसे दयेमा अले वय्‌कलं छं हे व दय्‌कि धकाः धयादी थें छ ताःलायेमा। थः परमप्रभु परमेश्‍वरया देगः दय्‌कि।

नहेम्‍याह 9:25

पखाः ग्‍वयातःगु शहरत व लखं लाःगु देश इमिसं त्‍याकाकाल। भिंगु भिंगु सामान दुगु छेँ, म्‍हुयातःगु तुं, दाखया क्‍यब, जैतूनया सिमा व मेमेगु फलया सिमा यक्‍व हे इमिसं थःगु ल्‍हातय् लाकल। प्‍वाः जाय्‌क नयाः इपिं ल्‍ह्वन, इपिं छिगु फुक्‍क भिंगु ज्‍याया कारणं लय्‌तायाच्‍वन।

नहेम्‍याह 9:35

इमिगु थःगु राज्‍य दुबलय् नं इमिसं छिगु सेवा मयाः। अय्‌नं छिं इमित भिं यानादिल। छिं इमित तःधंगु लखं लाःगु जमिन बियादिल अय्‌नं इपिं थःगु मभिंगु ज्‍यां लिहां मवः।

इजकिएल 34:14

जिं इमित बांलाःगु घाँय्‌ख्‍यलय् ज्‍वये। इस्राएलया ततःजाःगु पहाडत इमिगु ज्‍वयेगु थाय् जुइ। अन इपिं भिंगु ख्‍यलय् ग्‍वार्तुलाच्‍वनी। इस्राएलया पहाड पहाडय् भिंगु ख्‍यलय् इपिं ज्‍वये खनी।

दानिएल 11:24

वं आकाझाकां तःमिगु देशतय्‌त हमला याइ। अले वया पुर्खातय्‌सं मयाःगु ज्‍या वं याइ। वं थःम्‍हं लडाइँलय् लाकाहःगु धन-सम्‍पत्ति थः ल्‍यूल्‍यू वःपिन्‍त इनाबी। अले वं पलखया लागिं जक बबल्‍लाःगु किल्‍लातय् हमला यायेगु ग्‍वसाः ग्‍वइ।

मीका 7:1

जितः गज्‍याःगु कष्‍ट वःगु दु! जिं थःत फल खायेगु सिधय् धुंकाः फल खायेत वनीम्‍ह मनू थें तायेका, गुम्‍हय्‌सिनं नयेगु निंतिं छुं नं लुइके मफु। थःगु नयेपित्‍यागु लंकेत दाखया झुप्‍पा वा न्‍हापांयागु छगः यःमरि नं लुइके मफु।

गन्‍ती 13:19

इपिं च्‍वनाच्‍वंगु देश भिं कि मभिं गथे च्‍वं? इपिं च्‍वनीगु शहर गथे च्‍वं? इमिगु शहरय् छचाःखेरं पखाः दु वा मदु?

व्‍यवस्‍था 1:24

इपिं पहाडय् थाहां वन, अले एश्‍कोलया ब्‍यासिइ थ्‍यंकः वनाः व देशया चिवा काल।

व्‍यवस्‍था 1:25

इमिसं व देशया छुं फलफूल हल। अले इमिसं झीत “परमप्रभु परमेश्‍वरं बीत्‍यंगु देश छगू भिंगु देश खः” धकाः खबर बिल।

व्‍यवस्‍था 31:23

परमप्रभुं नूनया काय् यहोशूयात थ्‍व आज्ञा बियादिल, “बल्‍ला व साहसी जु छाय्‌धाःसा जिं बी धकाः पाफयाः बचं बियागु देशय् छं हे इस्राएलीतय्‌त थ्‍यंकी। अले जि छनापं हे दइ।”

हिब्रू 13:6

अय्‌जूगुलिं झीसं संका मयासें धायेफु – “प्रभु जितः ग्‍वाहालि यानादीम्‍ह खः। जितः ग्‍याये माःगु मदु। मनूतय्‌सं जितः छुं हे याये फइ मखु।”

यहोशू 1:6

बल्‍ला व साहसी जु! छाय्‌धाःसा जिं इमि पुर्खातय्‌त बी धकाः पाफयागु देश इमिगु अधिकारय् हयेत छ हे इमि न्‍ह्यलुवाः जुइ।

यहोशू 1:9

जिं छन्‍त आज्ञा बियागु, मखु ला? बल्‍ला व साहसी जु! ग्‍याये मते, नुगः क्‍वतुंके मते, छाय्‌धाःसा छ न्‍ह्याथाय् वंसां परमप्रभु छिमि परमेश्‍वर छनापं दइ।”

यहोशू 2:1

अनंलि नूनया काय् यहोशूं शित्तीमं निम्‍ह जासूसतय्‌त सुनां मसीक थथे धयाः छ्वत, “हुँ, व देशयात बांलाक स्‍व, खास यानाः यरीहो शहरयात।” अथे जुयाः इपिं वन। राहाब नांयाम्‍ह छम्‍ह वेश्‍याया छेँ दुहां वनाः अन हे बाय् च्‍वन।

यहोशू 2:3

अथे जूगुलिं वं राहाबयाथाय् थ्‍व बुखँ छ्वत, “छन्‍थाय् वयाच्‍वंपिं मनूतय्‌त पिने पित हजि, छाय्‌धाःसा इपिं झीगु देशया चिवा कायेत वःपिं खः।”