गन्‍ती 13:17 - नेवाः बाइबल

¹⁷ मोशां इमित कनान देशपाखे चिवा कायेत छ्वःबलय् थथे धाल, “थनं वनाः नेगेव धाःगु दच्‍छिन लागां डाँडाय् च्‍वंगु देशपाखे थाहां हुँ,

गन्‍ती 13:17 ပူးပေါင်းရင်းမြစ်များ

उत्‍पत्ति 12:9

थुकथं व थाय् थासय् जुयाः नेगेव पाखे स्‍वयाः वनाच्‍वन।

उत्‍पत्ति 13:1

अब्राम व वया कलाः थःपिन्‍के दुगु फुक्‍क ज्‍वनाः मिश्र देशं नेगेव पाखे वन। लोत नं इपिं नाप वन।

उत्‍पत्ति 13:17

दँ, देया न्‍यंकभनं हुँ, छाय्‌धाःसा जिं छन्‍त थ्‍व फुक्‍क बीत्‍यनागु दु।”

उत्‍पत्ति 13:3

अब्राम नेगेवया थाय् थासय् जुयाः बेथेल व ऐया दथुइ लाःगु थासय् थ्‍यंकः वल।

उत्‍पत्ति 14:10

अन सिद्दीम ब्‍यासिइ थाय् थासय् अलकत्राया गाः दुगुलिं सदोम व गमोराया जुजुपिं बिस्‍युं वंबलय् इमि गुलिं मनूत अलकत्रा गालय् कुतुंवन, ल्‍यंदुपिं जक पहाडपाखे बिस्‍युं वन।

गन्‍ती 13:18

अले देश गथे च्‍वं, अन च्‍वंपिं मनूत बल्‍लाः कि बमलाः, यक्‍व दु कि मदु धकाः सीकि।

गन्‍ती 13:29

नेगेव धाःगु दच्‍छिन लागाय् अमालेकीत व डाँडाय् च्‍वंगु देशय् हित्ती, यबूसी व एमोरीत, अले समुद्रया लिक्‍क व यर्दन खुसिया सिथय् कनानीत च्‍वनाच्‍वंगु दु।”

गन्‍ती 14:40

कन्‍हय् खुन्‍हु सुथ न्‍हापां दनाः इपिं थथे धाधां डाँडाय् च्‍वंगु देशपाखे थहां वन, “झीसं परमप्रभुया विरोधय् वनाः पाप याना। आः झी परमप्रभुं बी धयादीगु थासय् वनेत तयार दु।”

व्‍यवस्‍था 1:44

अले पर्वतय् च्‍वनीपिं एमोरीत छिपिंनापं ल्‍वायेत पिहां वयाः हातय्‌सं थें छिमित ल्‍यू वल, अले इमिसं सेइरनिसें होर्मा तक छिमित बुकल।

यहोशू 10:40

थुकथं यहोशूं पहाडी देश, दच्‍छिनया देश नेगेव, पच्‍छिमया फेदी, पुर्बया पाःचा व अनयापिं फुक्‍क जुजुपिन्‍त बुकल। वं छम्‍हय्‌सित नं म्‍वाःका मतः। परमप्रभु इस्राएलया परमेश्‍वरं आज्ञा बियादीगु थें वं अन दुपिं फुक्‍कसित भज्‍यंक नाश यानाबिल।

यहोशू 15:3

दच्‍छिनपाखे अक्रब्‍बीम भन्‍ज्‍याङ जुयाः जीनया मरुभूमि तक वन, अले व कादेश-बर्नेया दच्‍छिन जुयाः हेस्रोन वन, अनं अद्दार तक थाहां वन। अन थ्‍यंकाः कर्कापाखे चाःहिल।

यहोशू 2:1

अनंलि नूनया काय् यहोशूं शित्तीमं निम्‍ह जासूसतय्‌त सुनां मसीक थथे धयाः छ्वत, “हुँ, व देशयात बांलाक स्‍व, खास यानाः यरीहो शहरयात।” अथे जुयाः इपिं वन। राहाब नांयाम्‍ह छम्‍ह वेश्‍याया छेँ दुहां वनाः अन हे बाय् च्‍वन।

न्‍यायकर्ता 1:15

वं धाल, “जितः छगू क्‍वसः बियादिसँ। छिं जितः बुँ बियादीगु थाय् नेगेवय् जितः बुँगाःचात नं बियादिसँ।” उकिं कालेबं वयात च्‍वय् व क्‍वय् च्‍वंगु बुँगाःचात बिल।

न्‍यायकर्ता 1:19

परमप्रभुं यहूदाया मनूतय्‌त ग्‍वाहालि बियादिल। इमिसं पहाडी देश त्‍याका काल। अय्‌नं इमिसं क्‍वय् लाःगु माथंवंगु थासय् च्‍वंपिं मनूतय्‌त ख्‍याना छ्वये मफुत छाय्‌धाःसा इमिके नँयागु रथत दु।

न्‍यायकर्ता 1:9

अनंलि यहूदा कुलयापिं मनूत पहाडी देश, नेगेव व पच्‍छिमय् लाःगु तँचाय् च्‍वंपिं कनानीतलिसें ल्‍वायेत क्‍वहां वन।