गन्‍ती 12:14 - नेवाः बाइबल

¹⁴ परमप्रभुं मोशायात लिसः बियादिल, “वया बौनं वयागु ख्‍वालय् थुकलं ब्‍यूगु जूसा छु व न्‍हय्‌न्‍हु तक मछाला मच्‍वनी ला? वयात न्‍हय्‌न्‍हु तक छाउनीं पिने कुना ति! अनं लिपा लित हःसां ज्‍यू।”

गन्‍ती 12:14 ပူးပေါင်းရင်းမြစ်များ

२ राजा 15:5

परमप्रभुं वयात छेंगूया पुनेयःगु ल्‍वचं कय्‌काः सजाँय बियादिल। व सी न्‍ह्यः तक नं छेंगूया पुनेयःगु ल्‍वय् जुयाच्‍वन। छेंगूया पुनेयःगु ल्‍वय् जूगुलिं व ब्‍यागलं मेगु हे छेँय् च्‍वन। दरबारया फुक्‍क जिम्‍मा वया काय् योतामयात बिल। वया काय् योतामं देशय् शासन यात।

अय्‍यूब 17:6

जि ला फुक्‍क देशय् छगू उखानया पात्र जूगु दु, सकसिनं ख्‍वालय् थुकलं बीम्‍ह छम्‍ह मनू जुइ धुंकूगु दु।

अय्‍यूब 30:10

इमिसं जितः क्‍वह्यंकीगु, इपिं जिपाखें तापाक च्‍वनीगु, इपिं जितः थुकलं बीत लिचिली मखु।

यशैया 50:6

जि फमहिला, तर जिगु दाह्री पुइपिन्‍त धाःसा थःगु ख्‍वाः इपिंपाखे स्‍वकाबिया। गिजय् यायेगु व थुकलं बीगुपाखें जिं थःगु ख्‍वाः फस्‍वय्‌कागु मदु।

लेवी 13:4

तर व चातः छेंगुलिइ तुयुसे च्‍वंसा, अले स्‍वइबलय् व छेंगू स्‍वया गाः वंगु खने मदुसा, अले उकी बुयावःगु सँ नं तुयुसे च्‍वनावःगु मदुसा, पुजाहारीं व ल्‍वगियात न्‍हय्‌न्‍हु तक अलग तयेमाः।

लेवी 14:8

“ल्‍वगिं थःगु वसः हियाः म्‍हय् च्‍वंगु फुक्‍क सँ खानाः म्‍वःल्‍हुइमाः। अले तिनि व धात्‍थें शुद्ध जुइ, अले छाउनीइ दुहां वने खनी। अय्‌जूसां न्‍हय्‌न्‍हु तक धाःसा व थःगु पालं पिने हे च्‍वनेमाः।

गन्‍ती 5:1

परमप्रभुं मोशायात धयादिल,

मत्ती 26:67

इमिसं वय्‌कःयागु ख्‍वालय् थुकलं बिल, दाल। अले गुलिसिनं ला न्‍यतालय् दायाः

व्‍यवस्‍था 25:9

सीम्‍हय्‌सिया कलातं थकालितय्‌गु हे न्‍ह्यःने वयाथाय् वनाः वयागु हे तुतिं छपा लाकां त्‍वःकाकयाः वयागु ख्‍वालय् थुकलं बीमाः। अले थथे धायेमाः “सु थः दाजु वा किजाया निंतिं मचा दय्‌केत मानय् जुइ मखु वयात थथे हे याइगु जुइ।”

हिब्रू 12:9

झीत बुइका तःम्‍ह अबुं न्‍वाःथें झीपिं च्‍वना, उकिं झीसं वय्‌कःयात मानय् याना। छु झीसं झीत आत्‍माय् बुइकादीम्‍ह बाःयागु खँ झन अप्‍वः न्‍यने म्‍वाः ला?