गन्‍ती 12:13 - नेवाः बाइबल

¹³ अले मोशां परमप्रभुयात प्रार्थना यात, “हे परमेश्‍वर, बिन्‍ति दु, वयात लंकादिसँ!”

गन्‍ती 12:13 ပူးပေါင်းရင်းမြစ်များ

उत्‍पत्ति 20:17

अब्राहामं परमेश्‍वरयात प्रार्थना यात। अले परमेश्‍वरं अबीमेलेक, वया कलाः व दासीतय्‌त नं लाय्‌कादिल। आः इपिं हानं मचा बुइकेफइपिं जुल।

१ राजा 13:6

जुजुं परमेश्‍वरया मनूयात धाल, “जिगु ल्‍हाः लनेमा धकाः परमप्रभु छिकपिनि परमेश्‍वरयात प्रार्थना यानादिसँ।” उकिं परमेश्‍वरया मनुखं परमेश्‍वरयात प्रार्थना यात। अले जुजुया ल्‍हाः न्‍हापा गथे खः अथे हे जुल।

भजनसंग्रहया सफू 30:2

हे परमप्रभु जिमि परमेश्‍वर! जिं ग्‍वाहालिया निंतिं छितः प्रार्थना याना। अले छिं जितः लाय्‌कादिल।

भजनसंग्रहया सफू 41:4

जिं धया, “हे परमप्रभु, जिं छिगु विरोधय् पाप याना। जितः दया यानादिसँ, अले लाय्‌कादिसँ।”

प्रस्‍थान 15:26

वय्‌कलं धयादिल, “छिमिसं थःपिनि परमप्रभु परमेश्‍वरया खँ ध्‍यान बियाः बांलाक न्‍यन धाःसा अले वय्‌कःया मिखाय् छु छु पाय्‌छि जू व यात धाःसा अले वय्‌कःया उजंयात न्‍हाय्‌पं बियाः न्‍यन धाःसा अले वय्‌कःया फुक्‍क नियमत बांलाक पालन यात धाःसा जिं मिश्रीतय्‌थाय् छ्वयाहयागु छुं हे ल्‍वय् छिमिथाय् छ्वयाहये मखु। छाय्‌धाःसा जि हे छिमित लंकाबीम्‍ह परमप्रभु खः।”

प्रस्‍थान 4:7

वय्‌कलं हानं धयादिल, “थःगु ल्‍हाः हानं गाया दुने दुछ्व।” अले वं थःगु ल्‍हाः हानं गाया दुने छ्वत। पिकाःबलय् वयागु ल्‍हाः न्‍हापा गथे खः अथे हे जुल।

यशैया 30:26

परमप्रभुं थः प्रजायात घाः चिनादी खुन्‍हु अले वय्‌कलं इमित यानादीगु घाः लाय्‌कादी खुन्‍हु तिमिला सूर्य थें च्‍वनी अले सूर्यया जः न्‍हय्‌न्‍हुया जः थें न्‍हय्‌दुगं अप्‍वः ज्‍वाल्‍ल थी।

यर्मिया 17:14

हे परमप्रभु, छिं जितः लाय्‌कादिसँ, अले जि बांलाक लनी। जितः बचय् यानादिसँ अले जि बचय् जुइ। जिं छितः हे प्रशंसा याये।

गन्‍ती 11:2

मनूत मोशायाथाय् वयाः चिल्‍लाय् दना हालाः ग्‍वाहालि फ्‍वन। वं परमप्रभुयात प्रार्थना यात। अले मि सित।

गन्‍ती 12:12

थ्‍वयात मांया प्‍वाथं पिहां वःबलय् हे बच्‍छि ला ध्‍वग्‍गिनाः सी धुंकूम्‍ह मचा थें जुइके बी मते!”

गन्‍ती 14:2

सकलें इस्राएलीतय्‌सं मोशा व हारूनया विरोधय् कचकच यात। फुक्‍क खलकं इमित धाल, “जिपिं मिश्रय् वा थ्‍व मरुभूमिइ हे स्‍यूगु जूसा बांलाःगु।

गन्‍ती 16:41

कन्‍हय् खुन्‍हु इस्राएलया फुक्‍क खलकं मोशा व हारूनया विरोधय् थथे धकाः कचकच यात, “छिकपिन्‍सं हे परमप्रभुया मनूतय्‌त स्‍यानादीगु खः।”

लूका 23:34

वय्‌कलं धयादिल – “बाः, थुमित क्षमा यानादिसँ। थुमिसं छु यानाच्‍वना धकाः मस्‍यू।” सिपाइँतय्‌सं चिट्ठा तयाः वय्‌कःयागु वसः इना काल।

लूका 6:28

थःत सराः ब्‍यूपिन्‍त सुवाः ब्‍यु। थःत मभिं याःपिनिगु निंतिं प्रार्थना या।

प्रेरित 7:60

अले पुलिं चुयाः तःसलं हालाः धाल – “प्रभु, इमिसं यानाच्‍वंगु पाप क्षमा यानादिसँ।” थुलि धयाः व सित।

रोमी 12:21

मभिंगुलिं छिमित त्‍याके बी मते, बरु छिमिसं भिंगु यानाः मभिंगुयात त्‍याके फय्‌कि।

याकूब 5:15

परमेश्‍वरयात क्‍वात्तुक विश्‍वास यानाच्‍वंम्‍ह मनूयागु प्रार्थनां उसाँय् मदया च्‍वंम्‍हय्‌सिगु ल्‍वय् लंकाबी। व मनुखं पाप हे याःगु जूसां वयात क्षमा यानादी।

१ शमूएल 12:23

जिगु लागि धाःसा, छिमिगु निंतिं प्रार्थना यायेगु त्‍वःताः परमप्रभुया न्‍ह्यःने पाप यायेगु न्‍हि जिपाखें तापाक हे जुइमा। छु यायेगु पाय्‌छि जू अले छु यायेगु भिं व जिं छिमित स्‍यनेकने याये।

१ शमूएल 15:11

“शाऊलयात जुजु यानाः जि तसकं पस्‍ताय् चाःगु दु, छाय्‌धाःसा व जिपाखें तापाक वंगु दु, अले वं जिगु आज्ञा मानय् याःगु नं मदु।” शमूएलयात छु धाये छु धाये जुल, अले वं चच्‍छि ख्‍वयाः परमप्रभुयात बिन्‍ति यात।