गन्‍ती 11:8 - नेवाः बाइबल

⁸ मनूतय्‌सं पिहां वनाः मन्‍न मुनीगु, अले ल्‍वहं घलय् क्‍यलेगु व ल्‍वहंमाय् नीगु याइ। अले उकियात लखय् तयाः ताःकुक दय्‌की अले उकिं ल्‍वहंचा मरि दय्‌की। थुकिया सवाः जैतूनया चिकनय् छुनातःगु मरि थें जुइ।

गन्‍ती 11:8 ပူးပေါင်းရင်းမြစ်များ

उत्‍पत्ति 25:29

छन्‍हु याकूबं मुसूति दाय्‌का च्‍वंबलय् एसाव नयेपित्‍याकाः पिनें लिहां वल।

प्रस्‍थान 16:23

अले वं इमित धाल, “परमप्रभुं थथे हे धयादीगु खः, ‘कन्‍हय् विश्रामबार खः। थ्‍व परमप्रभुया निंतिं पवित्र विश्रामबार खः। उकिं मनूतय् छु छुइ यः, व हे छु, छु दय्‌के यः, व हे दय्‌कि। ल्‍यंदुगु कन्‍हय् सुथय् तक तयाति।’”

प्रस्‍थान 16:31

इस्राएलीतय्‌सं व नसाया नां “मन्‍न” तल। व धन्‍यापु थें च्‍वं। उकियागु सवाः धाःसा कस्‍तिइ दय्‌कातःगु मरि थें च्‍वं।

गन्‍ती 11:7

मन्‍न धयागु धन्‍यापु थें च्‍वं। स्‍वय्‌बलय् थाकुराः थें खने दु।

गन्‍ती 11:9

चान्‍हय् छाउनीइ सुति लः गाइबलय् मन्‍न नं नापं गाइगु।

यूहन्‍ना 6:27

सितिं वनीगु नसायागु निंतिं ज्‍या याये मते, बरु मनूया काय्‌नं बीगु अनन्‍त जीवन तक दयाच्‍वनीगु नसायागु निंतिं ज्‍या या। परमेश्‍वर बाःनं जितः थ्‍व हे ज्‍या यायेत छ्वयाहयादीगु खः।”

यूहन्‍ना 6:31

जिमि तापाःबाज्‍यापिन्‍सं मरुभूमिइ मन्‍ना नल धकाः थथे च्‍वयातःगु दु – ‘वय्‌कलं मनूतय्‌त नकेत स्‍वर्गं मरि बियादिल।’”