गन्‍ती 11:7 - नेवाः बाइबल

⁷ मन्‍न धयागु धन्‍यापु थें च्‍वं। स्‍वय्‌बलय् थाकुराः थें खने दु।

गन्‍ती 11:7 ပူးပေါင်းရင်းမြစ်များ

उत्‍पत्ति 2:12

थ्‍व देशया लुँ तसकं भिं। नापं थन तःजिगु धूप व तःजिगु ल्‍वहंत नं दु।

प्रस्‍थान 16:23

अले वं इमित धाल, “परमप्रभुं थथे हे धयादीगु खः, ‘कन्‍हय् विश्रामबार खः। थ्‍व परमप्रभुया निंतिं पवित्र विश्रामबार खः। उकिं मनूतय् छु छुइ यः, व हे छु, छु दय्‌के यः, व हे दय्‌कि। ल्‍यंदुगु कन्‍हय् सुथय् तक तयाति।’”

प्रस्‍थान 16:31

इस्राएलीतय्‌सं व नसाया नां “मन्‍न” तल। व धन्‍यापु थें च्‍वं। उकियागु सवाः धाःसा कस्‍तिइ दय्‌कातःगु मरि थें च्‍वं।

गन्‍ती 11:8

मनूतय्‌सं पिहां वनाः मन्‍न मुनीगु, अले ल्‍वहं घलय् क्‍यलेगु व ल्‍वहंमाय् नीगु याइ। अले उकियात लखय् तयाः ताःकुक दय्‌की अले उकिं ल्‍वहंचा मरि दय्‌की। थुकिया सवाः जैतूनया चिकनय् छुनातःगु मरि थें जुइ।

प्रकाश 2:17

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याःम्‍हय्‌सित जिं सुचुका तयागु मन्‍ना बी। अले छगू न्‍हूगु नां च्‍वयातःगु तुयुगु ल्‍वहं छगः नं बी। व काःम्‍हय्‌सिनं जक थ्‍व नां थुइ, मेपिन्‍सं थुइ मखु।