गन्‍ती 11:31 - नेवाः बाइबल

³¹ अले परमप्रभुं फय् वय्‌कादिल। थुकिं समुद्रं ख्‍वांय्‌झंगःतय्‌त पुइकाहल। इपिं छाउनीया छचाःखेरं न्‍हिच्‍छि न्‍यासि वनेमाःगु लागा तक बँय् ३ फिट तजाः जुइक च्‍वंवल।

गन्‍ती 11:31 ပူးပေါင်းရင်းမြစ်များ

भजनसंग्रहया सफू 105:40

इमिसं फ्‍वंबलय् वय्‌कलं इमिथाय् बट्टाई झंगःत छ्वयादिल। वय्‌कलं स्‍वर्गं मरि बियाः इमिगु प्‍वाः जाय्‌कादिल।

भजनसंग्रहया सफू 106:15

उकिं वय्‌कलं इमिसं फ्‍वंगु फुक्‍क खँ बियादिल, अय्‌नं छगू ग्‍यानापुगु ल्‍वय् नं इमिथाय् छ्वयादिल।

भजनसंग्रहया सफू 135:7

वय्‌कलं पृथ्‍वीया कुन्‍चां सुपाँय् थकयादी, वानापं हाबलासा छ्वयाहयादी, अले थःगु धुकुतिं फय् पिकयादी।

प्रस्‍थान 10:13

मोशां थःगु कथियात मिश्रया च्‍वय् ल्‍ह्वन। अले परमप्रभुं उखुन्‍हु न्‍हिच्‍छि व चच्‍छि देय्‌न्‍यंक पुर्बं फय् वय्‌कादिल। कन्‍हय् सुथय् व फसं क्‍वःबुइँचात हल।

प्रस्‍थान 10:19

अले परमप्रभुं फय्‌यात हीकाः पच्‍छिमं तसकं फय् वय्‌कादिल। व फसं दक्‍व क्‍वःबुइँचातय्‌त लाल समुद्रय् ब्‍वय्‌का यंकल। अले मिश्रया गनं हे छम्‍ह हे क्‍वःबुइँचा ल्‍यं मन्‍त।

प्रस्‍थान 15:10

अय्‌नं छिं थःगु सासलं इमित पुइके छ्वयादिल अले समुद्रं इमित त्‍वपुल, लःयागु तःधंगु किसिद्वम्‍बलय् म्‍हः थें इपिं दुनावन।

प्रस्‍थान 16:13

उखुन्‍हु बहनी बट्टाई झंगः वयाः ख्‍यः त्‍वपुक च्‍वन। सुथय् ख्‍यःया चाकःछिं सुति लः गायाच्‍वन।

गन्‍ती 11:30

अले मोशा इस्राएलयापिं थकालित नापं छाउनीइ लिहां वल।