गन्‍ती 11:25 - नेवाः बाइबल

²⁵ अले परमप्रभु सुपाँचय् कुहां झायाः व नापं खँ ल्‍हानादिल। परमप्रभुं मोशायाके दुगु आत्‍मां छुं छुं आत्‍मा कयाः न्‍हयेम्‍ह थकालितय्‌के तयाबिल। इमिके आत्‍मा वयेवं इमिसं अगमवाणी यात, तर हानं लिपा गुबलें अथे मयाः।

गन्‍ती 11:25 ပူးပေါင်းရင်းမြစ်များ

२ राजा 2:15

व स्‍वयाच्‍वंपिं यरीहों वःपिं अगमवक्तातय्‌गु पुचलं धाल, “एलियाया आत्‍मा एलीशायाके क्‍वहां वःगु दु।” इपिं वयात नापलाः वन, अले वयागु न्‍ह्यःने भ्‍वसुल।

नहेम्‍याह 9:20

इमित छिं स्‍यनेकने यायेत थःगु भिंगु आत्‍मा बियादिल, छिं इमिगु म्‍हुतुं छिगु मन्‍न चीका मदी व इपिं प्‍याचाःबलय् छिं इमित लः बियादिल।

भजनसंग्रहया सफू 99:7

वय्‌कलं सुपाँय्‌या थामं इपिंलिसे नवानादिल, वय्‌कलं बियादीगु नियम व आज्ञा इमिसं पालन यात।

प्रस्‍थान 32:32

अय्‌जूसां थुमिगु पाप क्षमा यानादिसँ, मखुसा छिं च्‍वयादीगु सफुलिं जिगु नां हुयादिसँ।”

प्रस्‍थान 34:5

अले परमप्रभु सुपाँचय् क्‍वहां झायाः व नापं अन दनाः थःगु पवित्र नां, “परमप्रभु” धकाः न्‍ववानादिल।

प्रस्‍थान 40:38

इस्राएलीतय्‌गु फुक्‍क यात्रा ज्‍वःछिं न्‍हिनय् परमप्रभुया सुपाँय् पवित्र पालया च्‍वय् खनेदइ, चान्‍हय् धाःसा उकी इमिसं मि खनी।

यशैया 63:11

अले वय्‌कःया प्रजां न्‍हापा न्‍हापायागु ईयात, मोशा व वया प्रजाया दिंयात लुमंकल। समुद्रपाखें वय्‌कःया मनूतय्‌त बथांया जवाःनापं हयादीम्‍ह, वय्‌कः गन झायादिल? थःगु पवित्र आत्‍मा इमिगु दथुइ तयादीम्‍ह, गन दी?

इजकिएल 8:11

अन मूर्तितय्‌गु न्‍ह्यःने इस्राएलयापिं न्‍हयेम्‍ह धर्मगुरुत दनाच्‍वंगु दु। शापानया काय् याजन्‍याह नं इमिगु दथुइ दनाच्‍वंगु दु। थुपिं सकलें धर्म गुरुतय्‌गु ल्‍हातय् छगः छगः गुँगू मकः दु। गुँगूया मकलं गुँगूया नस्‍वाःगु कुँत्‍याः च्‍वय् थाहां वयाच्‍वंगु दु।

गन्‍ती 11:17

जिं कुहां वयाः छनापं खँ ल्‍हाये। छंके दुगु छुं छुं आत्‍मा कयाः इमिके तयाबी। अले इमिसं नं मनूतय्‌गु कु क्‍वबी, छ याकःचां जक क्‍वबी माली मखु।

गन्‍ती 12:5

अले परमप्रभु सुपाँय्‌या थामय् कुहां झाल, अले नापलायेगु पालया ध्‍वाखाय् दनाः हारून व मिरियमयात सःतादिल। इपिं निम्‍हं न्‍ह्यःने वन।

गन्‍ती 16:25

मोशा दनाः दातान व अबीरामया थाय् वन, अले इस्राएलया थकालित नं वया ल्‍यू वन।

गन्‍ती 24:2

वं इस्राएलीतय्‌त कुल कुल जुयाः च्‍वनाच्‍वंगु खन। अले परमेश्‍वरयागु आत्‍मा वयाके वल।

गन्‍ती 27:18

परमप्रभुं मोशायात धयादिल, “थज्‍याःगु आत्‍मा दुम्‍ह नूनया काय् यहोशूयात कयाः छं वयागु छेनय् थःगु ल्‍हाः ति।

प्रेरित 11:28

इपिं मध्‍ये अगाबस धाःम्‍हय्‌सिनं संसारय् न्‍यंक हे अनिकाल जुइतिनि धकाः आत्‍मायागु शक्तिं अगमवाणी कन। थ्‍व अनिकाल कैसर क्‍लौडियसया पालय् जुल।

१ कोरिन्‍थी 14:32

अगमवाणी कनेगु वरदान दुपिं मनूतय्‌सं थःत बसय् तयेमाः।

याकूब 1:17

फुक्‍क भिंगु भिंगु व सिद्धगु वरदान च्‍वं, आकाशय् च्‍वंगु फुक्‍क जः सृष्‍टि यानादीम्‍ह परमेश्‍वरपाखें वःगु खः। परमेश्‍वर गुबलें हिली मखु, वय्‌कः हिलिगु किचः थें नं मखु।

२ पत्रुस 1:21

अगमवक्तातय्‌सं धाःगु खँ मनूतय्‌सं यसें धाःगु मखु। इपिं परमेश्‍वरया मनूत खः। अय्‌जूगुलिं पवित्र आत्‍मां इमित धयादीगु खँ जक इमिसं धयावंगु खः।

न्‍यायकर्ता 3:10

वयाके परमप्रभुयागु आत्‍मा दुबिल, अले व इस्राएलीतय् न्‍यायकर्ता जुयाः लडाइँलय् वन। परमप्रभुं अरामया जुजु कूशन-रिशातैमयात ओत्‍निएलया ल्‍हातय् बियादिल। वं कूशन-रिशातैमयात बुकल।

१ शमूएल 10:10

इपिं गिबाय् थ्‍यनेवं अन अगमवक्तातय्‌गु छपुचः क्‍वहां वयाच्‍वंगु खः। अले परमेश्‍वरया आत्‍मा तुरुन्‍त हे वयाके वल अनंलि इपिं नापंतुं अगमवाणी ल्‍हायेगु शुरु यात।