गन्‍ती 11:2 - नेवाः बाइबल

² मनूत मोशायाथाय् वयाः चिल्‍लाय् दना हालाः ग्‍वाहालि फ्‍वन। वं परमप्रभुयात प्रार्थना यात। अले मि सित।

गन्‍ती 11:2 ပူးပေါင်းရင်းမြစ်များ

भजनसंग्रहया सफू 106:23

उकिं वय्‌कलं इमित नाश याये धकाः धयादीगु खः, अय्‌नं वय्‌कःया नाश याइगु तं चीकाछ्वयेत वय्‌कःया ल्‍ययातःम्‍ह मनू मोशा वय्‌कःया न्‍ह्यःने दन।

प्रस्‍थान 10:18

अले मोशां फारोयाथासं वनाः परमप्रभुयात प्रार्थना यात।

प्रस्‍थान 34:9

वं धाल, “हे परमप्रभु, छिं जिमित धात्‍थे माया यानादियागु खःसा छि जिपिंनापं झासँ। थ्‍व छगू जिराहा जाति जूसां जिमिगु अधर्म व पाप क्षमा यानादिसँ, अले जिमित थःगु हे सम्‍पत्ति थें नाला कयादिसँ।”

यशैया 37:4

अश्‍शूरयाम्‍ह जुजुं म्‍वाःम्‍ह परमेश्‍वरयात हेस्‍यायेत थः छम्‍ह सेनापति छ्वयाहःगु दु। परमप्रभु छिकपिनि परमेश्‍वरं वं धाःगु खँ न्‍यनादीमा अले न्‍यनादीगु खँया लागि वयात सजाँय बियादीमा। उकिं झी गुलि मनूत म्‍वानाच्‍वंगु दु, इमिगु निंतिं प्रार्थना यानाब्‍यु।”

यर्मिया 15:1

अले परमप्रभुं जितः धयादिल, “मोशा व शमूएल जिगु न्‍ह्यःने दंसां थ्‍व जातिपाखे जिगु मन वनी मखु। इमित जिगु न्‍ह्यःनं पितिनाछ्व! इमित वनेब्‍यु!

यर्मिया 37:3

अय्‌नं सिदकियाह जुजुं शेलेम्‍याहया काय् यहूकल व मासेयाहया काय् सपन्‍याह पुजाहारीयात यर्मिया अगमवक्तायाथाय् थथे धाय्‌के छ्वल, “जिमिगु निंतिं परमप्रभु झी परमेश्‍वरयात प्रार्थना यानाब्‍यु।”

यर्मिया 42:2

अले इमिसं वयात धाल, “जिमिगु बिन्‍ति न्‍यनादिसँ, जिपिं बचय् जूपिनिगु निंतिं परमप्रभु छिकपिनि परमेश्‍वरयात प्रार्थना यानादिसँ। छाय्‌धाःसा न्‍हापा यक्‍व दुपिं जिपिं आः कम हे जक ल्‍यनाच्‍वंगु छिं खँ हे खं।

गन्‍ती 12:11

अले हारूनं मोशायात धाल, “हे जिमि मालिक, जिमिसं मूर्ख जुयाः यानागु पापया सजाँय जिमित बियादी मते!

गन्‍ती 12:13

अले मोशां परमप्रभुयात प्रार्थना यात, “हे परमेश्‍वर, बिन्‍ति दु, वयात लंकादिसँ!”

गन्‍ती 21:7

मनूत मोशाया न्‍ह्यःने वयाः धाल, “जिमिसं परमप्रभु व छिगु विरोधय् खँ ल्‍हानाः पाप यानागु दु। जिमिगु न्‍ह्यःनें सर्पत चीकादिसँ धकाः परमप्रभुयात प्रार्थना यानादिसँ।” अले मोशां इमिगु लागिं प्रार्थना यात।

प्रेरित 8:24

अले सिमोनं थथे लिसः बिल – “छिं जितः धयादीगु छुं हे मजुइमा धकाः छिकपिन्‍सं हे प्रभुयात बिन्‍ति यानादिसँ।”

हिब्रू 7:26

झीत मालाच्‍वंम्‍ह दकलय् तःधंम्‍ह पुजाहारी येशू हे खः। वय्‌कः पवित्रम्‍ह व दोष मदुम्‍ह खः। वय्‌कःयात पापीतय्‌गु पुचलं अलग तयादीगु दु, अले स्‍वर्गय् नं दकलय् तःधंम्‍ह यानादीगु दु।

याकूब 5:16

अय्‌जूगुलिं छिमिसं थःपिन्‍सं यानागु पाप थःथवय् स्‍वीकार या, अले छम्‍हं मेम्‍हय्‌सिगु निंतिं प्रार्थना या। अथे याःसा छिमिगु ल्‍वय् लनावनी। धर्मीम्‍ह मनुखं याःगु प्रार्थना परमेश्‍वरं न्‍यनादी।

१ यूहन्‍ना 5:16

सुनानं थः किजायात सीम्‍वाःलिगु पाप यानाच्‍वंगु खंसा वं थः किजायालागिं प्रार्थना यायेमाः। परमेश्‍वरं वयात जीवन बियादी। तर थ्‍व धाःसा सीम्‍वाःलिगु पाप याःपिनिगु निंतिं जक खः। सी मालिगु पाप नं दु। तर जिं छिमित थुकिया लागि प्रार्थना या धकाः धाये मखु।