गन्‍ती 11:16 - नेवाः बाइबल

¹⁶ अले परमप्रभुं मोशायात धयादिल, “जिगु निंतिं छं इस्राएलीतय् धर्मगुरुत मध्‍ये मनूतय् नायःत व अधिकारीत खः धकाः थम्‍हं म्‍हस्‍यूपिं न्‍हयेम्‍हय्‌सित (७०) मुंकि। अले इमित नापलायेगु पालय् जिगु न्‍ह्यःने हयाः थःनापं तुं थँ।

गन्‍ती 11:16 ပူးပေါင်းရင်းမြစ်များ

उत्‍पत्ति 46:27

मिश्रय् बूपिं योसेफया निम्‍ह काय् दु। थुकथं आः मिश्रय् याकूबया मुक्‍कं न्‍हयेम्‍ह सन्‍तान दत।

प्रस्‍थान 18:25

वं इस्राएलीतय् दथुं व ज्‍या यायेफुपिं मनूतय्‌त ल्‍ययाः इमित द्वःछिम्‍ह, सछिम्‍ह, नेय्‌म्‍ह व झिम्‍ह-झिम्‍हय्‌सिया नायः यानाबिल।

प्रस्‍थान 24:1

हानं परमप्रभुं मोशायात धयादिल, “छ हारून, नादाब, अबीहू व न्‍हयेम्‍ह थकालित नापं जिथाय् च्‍वय् थहां वा अले तापाक्‍कं हे आराधना या।

प्रस्‍थान 24:9

अनं लिपा मोशा, हारून, नादाब, अबीहू व न्‍हयेम्‍ह थकालित च्‍वय् थहां वन।

प्रस्‍थान 4:29

अले मोशा व हारूनं इस्राएलीतय् फुक्‍क थकालितय्‌त छथाय् मुंकल।

यर्मिया 19:1

परमप्रभुं थथे धयादी, “वनाः कुमाःयाके चायागु छगः थल न्‍या। मनूतय् थकालित व सुं पुजाहारीतय्‌त ब्‍वनाः

इजकिएल 8:11

अन मूर्तितय्‌गु न्‍ह्यःने इस्राएलयापिं न्‍हयेम्‍ह धर्मगुरुत दनाच्‍वंगु दु। शापानया काय् याजन्‍याह नं इमिगु दथुइ दनाच्‍वंगु दु। थुपिं सकलें धर्म गुरुतय्‌गु ल्‍हातय् छगः छगः गुँगू मकः दु। गुँगूया मकलं गुँगूया नस्‍वाःगु कुँत्‍याः च्‍वय् थाहां वयाच्‍वंगु दु।

गन्‍ती 11:24

अले मोशां पिहां वनाः मनूतय्‌त परमप्रभुं धयादीगु खँ न्‍यंकल। वं न्‍हयेम्‍ह थकालिपिं मनूत मुंकाः पालया प्‍यखेरं थन।

गन्‍ती 16:25

मोशा दनाः दातान व अबीरामया थाय् वन, अले इस्राएलया थकालित नं वया ल्‍यू वन।

लूका 10:1

अनंलि प्रभुं मेपिं न्‍हयेम्‍ह मनूतय्‌त ल्‍ययादिल। अले इमित निम्‍ह निम्‍ह यानाः थः वनेगु शहर व गां पतिकं थः स्‍वयाः न्‍हापा छ्वयादिल।

लूका 10:17

ज्‍या यानाः लिहांवःपिं न्‍हयेम्‍ह चेलातय्‌सं लय्‌तातां प्रभुयाथाय् वयाः थथे धाल – “प्रभु, छिगु नामं ला भूततय्‌सं नं जिमिगु खँ न्‍यनाः जिमिसं धया थें याः।”

व्‍यवस्‍था 1:15

अथे जुयाः जिं छिमि कुल कुलयापिं मूमू मनूत ल्‍यया। इपिं सकलें बुद्धिं जाःपिं व हनेबहःपिं मनूत खः। अले इमित छिमि कुलपतिकं द्वःछिम्‍ह, सछिम्‍ह, नेय्‌म्‍ह व झिम्‍हया नायःत ल्‍यया। फुक्‍क कुलया निंतिं कुलनायःत नं ल्‍यया।

व्‍यवस्‍था 16:18

परमप्रभु छिमि परमेश्‍वरं बियादीगु छिमिगु फुक्‍क शहरय् थथःगु कुलकथं न्‍याय याइपिं व मेपिं हाकिमत ल्‍य। इमिसं मनूतय्‌गु न्‍याय खःकथं यायेमाः।

व्‍यवस्‍था 31:28

“छिमि कुल कुलयापिं सकलें थकालित व छिमि हाकिमतय्‌त मुंकि, अले जिं इमित थुपिं वचन धाये। इमिगु विरोधय् जिं स्‍वर्ग व पृथ्‍वी साक्षी तये।