गन्‍ती 11:15 - नेवाः बाइबल

¹⁵ छिं जितः थज्‍याःगु हे व्‍यवहार यानादीगु खःसा जितः दया यानाः थत्‍थें स्‍यानादिसँ, जि थःम्‍हं थःगु दुःख ला स्‍वयेमाली मखु।”

गन्‍ती 11:15 ပူးပေါင်းရင်းမြစ်များ

१ राजा 19:4

थः धाःसा मरुभूमिइ न्‍हिच्‍छि न्‍यासि वन। व छमा सिमा दुथाय् दित अले सिमाया क्‍वय् फेतुनाः वं थः सीसां जिल धकाः मतिइ तयाः प्रार्थना यात, “हे परमप्रभु, जिगु ज्‍यान कयादिसँ, आः अप्‍वः जुइ धुंकल। छाय्‌धाःसा जि थः पुर्खात स्‍वयाः भिंम्‍ह मखु।”

अय्‍यूब 7:15

उकिं जितः थ्‍व थःगु शरीरय् च्‍वनाच्‍वनेगु स्‍वयाः गःपः तिकाः सिनावनेगु हे यः।

प्रस्‍थान 32:32

अय्‌जूसां थुमिगु पाप क्षमा यानादिसँ, मखुसा छिं च्‍वयादीगु सफुलिं जिगु नां हुयादिसँ।”

यर्मिया 15:18

जितः छाय् दुःख जुया तुं च्‍वंगु? जिगु घाःपाः छाय् तसकं स्‍याःगु व मलंगु? छु छि जिगु लागि धोखा बीगु खुसिचा थें व लः मदुगु मुहान थें खः ला?

यर्मिया 20:18

जि छाय् जन्‍म जुयागु? जिगु जीवन समस्‍या व दुःखं जाःगु दु। लज्‍या चायाः जिं थःगु जीवन फुकेगु ला?

योना 4:3

उकिं हे परमप्रभु, आः जि सीसां जिल। जि आः म्‍वानाच्‍वनेगु स्‍वयाः सीगु हे बांलात।”

सपन्‍याह 3:15

परमप्रभुं छंगु सजाँय चीकादीगु दु, वय्‌कलं छिमि शत्रुतय्‌त नं लितछ्वःगु दु। इस्राएलया जुजु, परमप्रभु छनापं दु। आः छ विपत्ति खनाः गुबलें ग्‍याये म्‍वा।

याकूब 1:4

थुकथं विश्‍वास बल्‍लाकाः छिमिसं भरोसा तयाच्‍वनेगु त्‍वःते मते। अले जक छिपिं बल्‍लाइ, छुं नं मगाः मजुइक सिद्ध जुइ।