गन्‍ती 11:12 - नेवाः बाइबल

¹² छु थुपिं जिगु प्‍वाथय् दुगु खः ला? छु थुमित जिं थःम्‍हं बुइकागु खः ला? छिं छाय् जितः ‘अजिं मचायात बुया जूगु थें थुपिं फुक्‍कसित थुमि पुर्खायात पाफयादीगु देशय् तक बुयायंकि’ धायेगु?

गन्‍ती 11:12 ပူးပေါင်းရင်းမြစ်များ

उत्‍पत्ति 13:15

जिं छन्‍त व छिमि सन्‍तानयात छं खँक्‍व जग्‍गा बी। थ्‍व सदां छंगु हे जुइ।

उत्‍पत्ति 24:7

जितः जिमि अबुया छेँ व जि बूगु देशं थन हयादीम्‍ह स्‍वर्गया परमप्रभु परमेश्‍वरं जिलिसें, ‘थ्‍व दे जिमि सन्‍तानयात बी’ धकाः बचं बियादीगु दु। वय्‌कलं छंगु न्‍ह्यः न्‍ह्यः थःम्‍ह छम्‍ह दूत छ्वयाहयादी। अले छं जिमि काय्‌या लागि भम्‍चा माले फइ।

उत्‍पत्ति 26:3

छ परदेशी जुयाः अन हे च्‍वँ। जि छलिसें हे दइ, अले जिं छन्‍त आशिष बी। छाय्‌धाःसा जिं छिमि बाः अब्राहामलिसे छन्‍त व छिमि सन्‍तानयात थ्‍व हे देश बी धकाः बाचा चिनागु खः।

उत्‍पत्ति 50:24

सी न्‍ह्यः योसेफं थः दाजुकिजापिन्‍त धाल, “जि आः यक्‍व म्‍वाइ मखुत। परमेश्‍वरं छिमिगु बिचाः यानादी। अले छिमित थनं अब्राहाम, इसहाक व याकूबयात बचं बियादीगु देशय् यंकादी।”

२ राजा 10:1

सामरियाय् आहाबया न्‍हयेम्‍ह काय्‌पिं दु। येहूं पौत च्‍वयाः सामरियाय्‌ यिजरेलया शासकत, नायःत व आहाबया काय्‌पिन्‍त लहिनाच्‍वंपिं मनूतय्‌थाय् छ्वल। पौलय् थथे च्‍वयातःगु दु,

२ राजा 10:5

उकिं दरबार व शहरयापिं प्रशासकत, थकालित व जुजुया काय्‌पिन्‍त लहिनाच्‍वंपिन्‍सं मिलय् जुयाः येहूयाथाय् थज्‍याःगु खबर छ्वल, “जिपिं छिकपिनि दास खः। जिमिसं छिं धाःगु खँ न्‍यने। तर जिमिसं सुयातं जुजु दय्‌के मखु। छितः छु याये मास्‍ति वः, व यानादिसँ!”

प्रस्‍थान 13:11

“छिपिं व छिमि पुर्खालिसें पाःफयादी थें परमप्रभुं छिमित कनानीतय्‌गु देशय् हयाः व देश छिमित बीधुंकाः

प्रस्‍थान 13:5

परमप्रभुं छिमि तापाःबाज्‍यापिन्‍त बी धयातःगु कनानी, हित्ती, एमोरी, हिव्‍वी व यबूसीतय्‌गु दुरु व कस्‍ति बाः वयाच्‍वंगु देशय् छिमित यंकादीधुंकाः नं थ्‍व हे लाय् छिमिसं थ्‍व नखः हँ।

प्रस्‍थान 33:1

अले परमप्रभुं मोशायात धयादिल, “छ व छं मिश्रं पित हःपिं मनूत थ्‍व थाय् त्‍वःताः जिं अब्राहाम, इसहाक व याकूबयात ‘छिमि सन्‍तानयात बी’ धकाः बचं बियागु देशय् हुँ।

प्रस्‍थान 6:8

अले जिं छिमित अब्राहाम, इसहाक व याकूबयात बी धकाः बाचा यानागु देशय् हये। जिं व देश छिमित अधिकार यायेत बी। जि परमप्रभु खः।’”

यशैया 40:11

वय्‌कलं थःगु फैच्‍वलय्‌या बथांयात फैजवालं थें ज्‍वयादी। वय्‌कलं चिचीधिकःपिं भ्‍याःचातय्‌त थःगु मुलय् कयादी अले इमित थःगु हे नुगःया लिक्‍क पाछायादी। वय्‌कलं तसकं चिचीधिकःपिं फैचा दुपिन्‍त बुलुहुं ज्‍वयादी।

यशैया 49:15

“छु सुं मांनं दुरुत्‍वंम्‍ह थः मचायात ल्‍वःमंकी ला? छु थःम्‍हं बुइकाम्‍ह मचायात दयामाया मयाइ ला? तर माम्‍हं ल्‍वःमंके फुसा नं जिं छन्‍त गुबलें ल्‍वःमंके मखु।

यशैया 49:23

छंगु निंतिं जुजुपिं बौ थें अले इमि रानीपिं सुसाकुसा याइम्‍ह मां थें जुइ। इपिं छंगु न्‍ह्यःने बँय् भ्‍वसू वइ। इमिसं छंगु तुतिया धू फ्‍यइ। अनंलि छं थुइकि जि हे परमप्रभु खः, जिके भलसा तइपिं लाजय् लाइ मखु।”

इजकिएल 34:23

जिं इमि छम्‍ह हे जक फैजवाः जुइत जिम्‍ह दास दाऊदयात ल्‍यये। वं इमित स्‍वइ, व इमि फैजवाः जुइ।

यूहन्‍ना 10:11

“जि भिंम्‍ह फैजवाः खः। भिंम्‍ह फैजवालं फैतय्‌गु निंतिं सीत तकं लिफः स्‍वइ मखु।

१ कोरिन्‍थी 4:15

छिमित ख्रीष्‍टयागु भिंगु खँ स्‍यनीपिं द्वलंद्वः दःसां छिमि तःम्‍ह मछि ला अबु दइ मखु। छिमित ख्रीष्‍ट येशूयागु भिंगु खँ कनाः ख्रीष्‍ट येशूयात म्‍हसीका बियाम्‍ह जि छिमि अबु जुयागु दु।

गलाती 4:19

छिपिं ख्रीष्‍ट थें मजुतले जितः मचाबू ब्‍यथा थें दुःख जुयाच्‍वनी।

व्‍यवस्‍था 1:31

परमप्रभु छिमि परमेश्‍वरं छिपिं थन थ्‍यंकः मवतले गथे यानाः छम्‍ह बौनं काय्‌यात क्‍वब्‍यूगु थें लँ धुछि छिमित क्‍वबियाः हयादीगु खः व छिमिसं मरुभूमिइ नं खन।”

१ थेसलोनिकी 2:7

खः ला, ख्रीष्‍टया प्रेरित जूगुलिं जिमिसं थथे याये फुगु खः। अय्‌नं जिमिसं छिमित मांनं मस्‍तय्‌त सुसाःकुसाः याः थें तितिपापा याना तया।