गन्‍ती 10:9 - नेवाः बाइबल

⁹ “छिमित क्‍वत्‍यलातःपिं शत्रुतलिसें छिमिगु थःगु देशय् लडाइँ याः वनीबलय् नं चिहाकलं छुमांया तुरही पु। अले छिमित परमप्रभु छिमि परमेश्‍वरं लुमंकाः छिमि शत्रुतपाखें बचय् यानादी।

गन्‍ती 10:9 ပူးပေါင်းရင်းမြစ်များ

उत्‍पत्ति 8:1

अले परमेश्‍वरं नोआ व वलिसे जहाजय् दुपिं फुक्‍क जंगलय् च्‍वनीपिं व छेँय् लहीपिं पशुतय्‌त लुमंकादिल। वय्‌कलं पृथ्‍वीइ फय् वय्‌कादिल। अले लः बुलुहुं सुनावन।

२ इतिहास 13:12

परमेश्‍वर हे जिमि नायः खः। वय्‌कः जिपिंनापं दी। वय्‌कःया पुजाहारीत तुरही पुयाः छिमिगु विरोधय् लडाइँ घोषणा यायेत तयार दु। अय् इस्राएलीत, परमप्रभु थः पुर्खातय् परमेश्‍वरलिसें ल्‍वाये मते। छाय्‌धाःसा छिपिं ताःलाइ मखु।”

२ इतिहास 13:14

यहूदायापिं सिपाइँ फस्‍वःबलय् इमिसं थःगु न्‍ह्यःने व ल्‍युने छकलं निखेंपाखें हमला जुयाच्‍वंगु खंकल। ग्‍वाहालिया लागि इमिसं परमप्रभुया नां काल। पुजाहारीतय्‌सं तुरही पुल।

भजनसंग्रहया सफू 106:4

हे परमप्रभु, थः मनूतय्‌त दया माया यानादीबलय् जितः लुमंकादिसँ। इमित उद्धार यानादीबलय् जितः नं ग्‍वाहालि यानादिसँ।

भजनसंग्रहया सफू 106:42

शत्रुतय्‌सं इमित अत्‍याचार यात, इमित थःगु अधीनय् तल।

भजनसंग्रहया सफू 136:23

झीपिं लडाइँलय् बूबलय् वय्‌कलं झीत लुमंकादिल, वय्‌कःया दया माया सदां दयाच्‍वनी।

यशैया 18:3

हे पृथ्‍वीइ च्‍वंपिं मनूत, न्‍यँ! पर्वतया च्‍वकाय् छगू चिंया ध्‍वाँय्‌यात स्‍व! तुरही पूगु सःयात न्‍यँ!

यशैया 58:1

“तसकं हा, सुम्‍क च्‍वने मते! तुरहीया सः थें च्‍वंक तसकं हा। जिमि प्रजायात इपिं विद्रोही खः धकाः व याकूबया घरानायात इमिगु पाप क्‍यनाब्‍यु।

यर्मिया 4:19

जिगु नुगः! जिगु नुगः! जिगु नुगः स्‍यानाः वाथा वाथा कनाच्‍वंगु दु। जि सुम्‍क च्‍वने मफु। जिं तुरहीया सः व लडाइँया सः ताःगु दु।

यर्मिया 4:21

जिं लडाइँया झण्‍डा गुबलय् तक स्‍वयेमाली? इमिगु तुरहीया सः गुबलय् तक न्‍यनेमाली?

यर्मिया 4:5

“यहूदाय् थ्‍व न्‍यंकि, यरूशलेमय् थ्‍व च्‍वय्‌कि, ‘देशन्‍यंक तुरही पु!’ तःसलं हालाः धा, ‘छथाय् मुं! झीपिं छचाःखेरं पःखाः ग्‍वयातःगु शहरय् बिस्‍युं वनेनु।’

यर्मिया 49:2

परमप्रभुं धयादी, “स्‍व! जिं अम्‍मोनीतय्‌गु रब्‍बा शहरया विरोधय् लडाइँया सः न्‍यंकेगु ई वयाच्‍वंगु दु। व छगू नाशया द्वँ जुइ, अले उकिया जःखः च्‍वंगु गांयात मिं भस्‍म याइ। उबलय् थःत लिनाः पितहःपिन्‍त इस्राएलीतय्‌सं लिनाछ्वइ,” परमप्रभुं धयादी।

यर्मिया 6:1

“हे बेन्‍यामीन कुलयापिं मनूत, बचय् जुइत बिस्‍युं हुँ! यरूशलेम शहरं बिस्‍युं हुँ! तको शहरय् तुरही पु! बेथहक्‍केरेमय् झण्‍डा धस्‍वाकि! छाय्‌धाःसा उत्तरपाखें विपत्ति व छगू तःधंगु नाश वयाच्‍वंगु दु।

यर्मिया 6:17

जिं थथे धयाः छिमिगु लागि पालेत तया, ‘तुरहीया सः बांलाक न्‍यँ।’ तर छिमिसं धाल, ‘जिमिसं न्‍यने मखु।’

इजकिएल 7:14

“‘इमिसं थःगु तुरही पुयाः फुक्‍क तयारी याये धुंकूसां सुं नं लडाइँलय् वनी मखु, छाय्‌धाःसा जिगु तं फुक्‍क भीडयाके लाःगु दु।

होशे 5:8

“गिबाय् तुरही व रामाय् नेकू पु। बेथ-आवनय् लडाइँया सः पिका। अय् बेन्‍यामीन, न्‍ह्यलुवाः जु।

लेवी 23:24

“इस्राएलीतय्‌त धा, ‘न्‍हय्‌गूगु लाया न्‍हापांगु दिं फुक्‍कं झासु लनेगु दिं जुइमाः। उखुन्‍हु फैया नेकूया तुरही पुयाः परमेश्‍वरया छगू पवित्र मुंज्‍या जुइमाः।

आमोस 3:6

गुगुं शहरय् लडाइँया तुरही पुइबलय् मनूत मग्‍याइ ला? परमप्रभुं मछ्वतले छु गुगुं शहरय् विपत्ति वइ ला?

सपन्‍याह 1:16

झतांगा व तः तःजाःगु गढीत दुगु शहरयागु विरोधय् तुरही पुपुं लडाइँया वनेगु दिं।

गन्‍ती 31:6

मोशां छगू छगू कुलं द्वःछिम्‍ह द्वःछिम्‍ह मनूतय्‌त लडाइँलय् छ्वत। एलाजार पुजाहारीया काय् पीनहास इमि नायः जुल। मोशां पीनहासयात पवित्र लागाया सामान व लडाइँ घोषणा याइगु तुरहीतय्‌गु जिम्‍मा बिल।

१ कोरिन्‍थी 14:8

तुरही पूम्‍हय्‌सिनं बांलाक ध्‍वाथुइक मपूसा लडाइँ याःवनेत सु न्‍ह्यब्‍वाइ?

व्‍यवस्‍था 20:1

छिपिं थः शत्रुतलिसें लडाइँ याः वनीबलय् छिमि स्‍वयाः अप्‍वः सलत, रथ व सेना खन धाःसा इपिं खनाः ग्‍याये मते! छिमित मिश्रं पित हयादीम्‍ह परमप्रभु छिमि परमेश्‍वर छिपिंनापं दी।

यहोशू 6:5

ताःई तक फैया नेकूया तुरही पुयाच्‍वंगु छिमिसं ताइबलय् फुक्‍क मनूत तस्‍सलं हालेमाः, अले शहरया पखाः क्‍वय् थ्‍यंक दुनी। अले फुक्‍क मनूत थथःगु न्‍ह्यःने तप्‍यंक न्‍ह्यज्‍यानावनेमाः।”

न्‍यायकर्ता 10:12

सीदोनीत, अमालेकीत व मिद्यानीतय्‌सं दुःख ब्‍यूबलय् छिमिसं जिके ग्‍वाहालि फ्‍वन। छु जिं छिमित इमिगु ल्‍हातं बचय् मयाना ला?

न्‍यायकर्ता 10:8

इमिसं इस्राएलीतय्‌त उगु दँय् कसाः बियाः क्‍वत्‍यलातल। अले यर्दनया पुर्बपाखे एमोरीतय्‌गु देश गिलादय् च्‍वनीपिं सकलें इस्राएलीतय्‌त झिंच्‍यादँ तक तसकं दुःख बिया हे च्‍वन।

न्‍यायकर्ता 2:18

गबले गबले परमप्रभुं इमिगु लागि न्‍याय याइम्‍ह ल्‍ययादिल, वय्‌कलं व न्‍याय याइम्‍हय्‌सित ग्‍वाहालि बियादिल। व म्‍वातले वय्‌कलं इमित शत्रुतय्‌गु ल्‍हातं बचय् यानादिल। छाय्‌धाःसा कसाः बीपिं व क्‍वत्‍यलिपिन्‍सं यानाः इस्राएलीतय्‌गु नुगः ख्‍वइबलय् परमप्रभुं इमित माया यानादीगु।

न्‍यायकर्ता 3:27

अले एफ्राइमया पहाडी देशय् थ्‍यनेधुंकाः वं तुरही पुल। अले इस्राएलीत पहाडं क्‍वहां वल। वं इमित न्‍ह्यः न्‍ह्यः तल।

न्‍यायकर्ता 6:34

अले परमप्रभुयागु आत्‍मा गिदोनयाके वल। तुरही पुयाः अबीएजर वंशया मनूतय्‌त थःगु ल्‍युने वयेत गिदोनं सःतल।

न्‍यायकर्ता 6:9

जिं छिमित मिश्रया बलं व छिमित क्‍वत्‍यलिपिनिगु ल्‍हातं लाका हया। जिं छिमि शत्रुतय्‌त ख्‍याना छ्वयाः इमिगु देश छिमित बिया।

१ शमूएल 10:18

अले इस्राएलया मनूतय्‌त वं धाल, परमप्रभुं इस्राएलया परमेश्‍वरं थथे धयादी, “जिं इस्राएलीतय्‌त मिश्र देशं छुत्‍कारा यानाः हया। इमित दुःख बीपिं मिश्रीतय्‌त व फुक्‍क राज्‍यपाखें जिं इमित मुक्त यानाबिया।