गन्‍ती 10:35 - नेवाः बाइबल

³⁵ बाचाया सनू न्‍ह्याकीगु इलय् मोशां न्‍ह्याबलें थथे धाइगु, “हे परमप्रभु, दनादिसँ! छिकपिनि शत्रुत छ्यालब्‍याल जुइमा! छितः घृणा याइपिं छिगु न्‍ह्यःनं बिस्‍युं वनेमा!”

गन्‍ती 10:35 ပူးပေါင်းရင်းမြစ်များ

भजनसंग्रहया सफू 132:8

हे परमप्रभु, दनादिसँ, थःगु शक्तिया चिं बाचाया सनूनापं देगलय् झासँ अले अन न्‍ह्याबलें च्‍वनादिसँ।

भजनसंग्रहया सफू 3:8

परमप्रभुं रक्षा यानादी। छिगु सुवाः छिकपिनि मनूतय्‌त दयाच्‍वनेमा। सेला

भजनसंग्रहया सफू 9:19

हे परमप्रभु, झासँ। मनूत मत्‍यायेमा। जात जातिया न्‍याय छिगु न्‍ह्यःने जुइमा।

भजनसंग्रहया सफू 94:16

दुष्‍टतय्‌गु विरोधय् जिनापं सु दनी? मभिंगु ज्‍या याइपिनिगु विरोधय् जिगु निंतिं सु दनी?

यशैया 51:9

छुं यानादिसँ! हे परमप्रभु, जिमित ग्‍वाहालि यानादिसँ, अले थःगु शक्ति छ्यलाः जिमित बचय् यानादिसँ, पुलांगु इलय् थें अले न्‍हापाया पुस्‍तातय्‌गु इलय् थें छुं यानादिसँ। छु छि व हे मखु ला, गुम्‍हय्‌सिनं समुद्रया अजिङ्‌गर राहाबयात कुचा कुचा थलादिल अले व अजिङ्‌गरयात सुयाबिल।

व्‍यवस्‍था 32:41

जिं थःगु थीगु तरवार ज्‍वय्‌केबलय् अले न्‍यायया लागि जिगु ल्‍हातिं ज्‍वनीबलय् जिं थः शत्रुतय्‌त बदला काये, अले जितः मयय्‌कीपिन्‍त बदला बिये।

व्‍यवस्‍था 7:10

अय्‌नं वय्‌कःयात मयय्‌कीपिन्‍त वय्‌कलं हे नाश यानादी। इमित पलेसा कायेत नं लिबाकादी मखु।

१ शमूएल 4:3

लडाइँलय् बचय्‌जूपिं सिपाइँत लिहांवये धुंकाः इस्राएलया थकालितय्‌त धाल, “थौं झीत परमप्रभुं छाय् पलिश्‍तीतय्‌पाखें बुकादीगु? वय्‌कः झीपिं नापं हे झायादीमा अले झी शत्रुतय्‌गु ल्‍हातं झीत बचय् यानादीमा धकाः परमप्रभुया बाचाया सनू शीलोपाखें हयेनु।”