गन्‍ती 10:21 - नेवाः बाइबल

²¹ अनं लिपा कहातीत पवित्र सामान व ज्‍वलं क्‍वबियाः न्‍ह्याः वन। इपिं थ्‍यने न्‍ह्यः हे मेगु छाउनीइ पवित्र पालयात धस्‍वाकातये धुंकीगु।

गन्‍ती 10:21 ပူးပေါင်းရင်းမြစ်များ

१ इतिहास 15:2

अले लेवीतय्‌सं जक परमेश्‍वरया सनू क्‍वबीमा धकाः वं आज्ञा बिल। छाय्‌धाःसा परमप्रभुं इमित हे सनू क्‍वबीत व न्‍ह्याबलेंया सेवा यायेत ल्‍यःगु खः।

१ इतिहास 23:24

धलखय् परिवार परिवारकथं नां च्‍वयातःपिं लेवीया सन्‍तान थुपिं खः। इपिं थथःगु परिवारया नायःत खः। धलखय् च्‍वयातःपिं निइदँ व स्‍वयां च्‍वय्‌यापिं खः। इपिं परमप्रभुया देगलय् सेवा याइपिं खः।

गन्‍ती 1:51

थाय् हिलेबलय् लेवीतय्‌सं हे पवित्र पाल क्‍वकायेगु यायेमाः अले लेवीतय्‌सं हे व धस्‍वाकेगु यायेमाः। पवित्र पालयात न्‍ह्यःने वने मत्‍यःम्‍ह सुं वन धाःसा वयात स्‍यायेमाः।

गन्‍ती 10:17

अले गेर्शोनी व मरारीतय्‌सं पवित्र पालयात क्‍वकयाः ल्‍ह्यल।

गन्‍ती 10:20

अले गाद कुलया पुचःया न्‍ह्यलुवाः दूएलया काय् एल्‍यासाप खः।

गन्‍ती 2:17

फुक्‍क छाउनीया दथुइ नापलायेगु पाल नापं लेवीतय्‌गु छाउनी दयेमाः। इपिं गुगु झ्‍वलय् पाल ग्‍वयाच्‍वनीगु खः व हे झ्‍वलय् च्‍वनाः थथःगु झण्‍डा नापं इपिं न्‍ह्यज्‍यायेमाः।

गन्‍ती 4:20

तर कहातीत पवित्र ज्‍वलं स्‍वयेत पलखया लागि जक नं दुहां मवनेमा, मखुसा इपिं सी।”

गन्‍ती 7:9

मोशां कहातीतय्‌त धाःसा द्वहं व गाडा छुं नं मब्‍यू, छाय्‌धाःसा तसकं पवित्र ज्‍वलं थःगु ब्‍वहलय् क्‍वबीगु जिम्‍मा इमिगु खः।