गन्‍ती 10:12 - नेवाः बाइबल

¹² अले इस्राएलीत सीनै मरुभूमि त्‍वःताः न्‍ह्याः वन। सुपाँय् पारानया मरुभूमिइ मदीतले इपिं छगू थासं मेगु थासय् न्‍ह्याःवनाच्‍वन।

गन्‍ती 10:12 ပူးပေါင်းရင်းမြစ်များ

उत्‍पत्ति 14:6

अथवा होरीतय्‌त सेइरया पहाडंनिसें एल-पारानया मरुभूमि तक थःगु अधीनय् काल।

उत्‍पत्ति 21:21

व पारान धाःगु मरुभूमिइ च्‍वनीगु खः। वया मामं वयात छम्‍ह मिश्रयाम्‍ह मिसा ब्‍याहा यानाबिल।

१ राजा 11:18

इपिं मिद्यान जुयाः पारानय् वन। अले पारानं छुं मनूत ब्‍वनाः इपिं मिश्रया जुजु फारोयाथाय् वन। मिश्रयाम्‍ह जुजुं हददयात जमिन व छखा छेँ बिल, वयात नयेगु व त्‍वनेगु व्‍यवस्‍था यानाबिल।

प्रस्‍थान 13:20

इपिं सुक्‍कोतं वनाः मरुभूमिया लिक्‍कसं लाःगु एथामय् पाल ग्‍वयाः च्‍वन।

हबकूक 3:3

परमेश्‍वर तेमानं झायादीगु दु पवित्र परमेश्‍वर पारान डाँडापाखें। सेला वय्‌कःया महिमां स्‍वर्ग त्‍वःपुल, अले पृथ्‍वी वय्‌कःया प्रशंसां जाल।

गन्‍ती 1:1

इस्राएलीत मिश्र देशं पिहां वंगु निगूगु दँया निगूगु लाया न्‍हापांगु दिंखुन्‍हु सीनैया मरुभूमिइ पवित्र पालय् परमप्रभुं मोशायात धयादिल,

गन्‍ती 10:33

परमप्रभुया पर्वत, सीनै त्‍वःताः इपिं स्‍वन्‍हु तक न्‍ह्याः वन। इमिगु निंतिं बाय् च्‍वनेगु थाय् मालेत परमप्रभुया बाचाया सनू थुपिं स्‍वन्‍हु तक हे इमिगु न्‍ह्यः न्‍ह्यः वन।

गन्‍ती 12:16

अनंलि इपिं हसेरोत त्‍वःताः न्‍ह्याः वन। अले पारानया मरुभूमिइ थ्‍यंकाः पाल ग्‍वयाः च्‍वन।

गन्‍ती 13:26

इपिं पारानया मरुभूमि दुगु कादेशय् मोशा, हारून इस्राएलीया फुक्‍क खलःयाथाय् लिहां वल। अले इमिसं थःपिन्‍सं खंगु फुक्‍क खँ इमित व फुक्‍क खलःयात कन। अले थःपिन्‍सं ज्‍वनावःगु व देशया फलफुल नं क्‍यन।

गन्‍ती 13:3

अथे जुयाः परमप्रभुया उजंकथं मोशां पारानया मरुभूमिं इमित छ्वल। इपिं सकलें इस्राएलीतय् नायःत खः।

गन्‍ती 2:34

परमप्रभुं मोशायात बियादीगु उजंकथं इस्राएलीतय्‌सं थथःगु झण्‍डाया क्‍वय् छाउनी दय्‌कल। अले इपिं थथःपिनि वंश व परिवारया झण्‍डा क्‍वय् च्‍वनाः न्‍ह्यज्‍यात।

गन्‍ती 9:1

इस्राएलीत मिश्रं पिहां वःगु निगूगु दँया न्‍हापांगु लाय् सीनैया मरुभूमिइ परमप्रभुं मोशालिसे थथे धकाः न्‍ववानादिल,

गन्‍ती 9:17

पालया च्‍वय् सुपाँय् चिलावनेवं इस्राएलीत नं न्‍ह्याःवनी, अले सुपाँय् कुहां वयेवं इस्राएलीतय्‌सं अन हे पाल ग्‍वइगु।

गन्‍ती 9:5

इमिसं सीनैया मरुभूमिइ न्‍हापांगु लाया झिंप्‍यन्‍हु दुखुन्‍हु सन्‍ध्‍याकाः इलय् छुत्‍काराया नखः हन। परमप्रभुं मोशायात बियादीगु फुक्‍क उजंकथं इस्राएलीतय्‌सं यात।

व्‍यवस्‍था 1:1

सूपया चुलिंचू च्‍वंगु अराबाय् पारान, तोफेल, लाबान, हसेरोत व दीसाहाबया दथुइ यर्दन खुसिया पुर्बपाखेयागु मरुभूमिइ सकल इस्राएलीतय्‌त मोशां धाःगु खँ थुपिं हे खः।

व्‍यवस्‍था 1:19

अनंलि परमप्रभु परमेश्‍वरं झीत आज्ञा बियादी थें झीपिं होरेबं पिहां वयाः छिमिसं खंगु मिखां न्‍ह्याये मदुगु व ग्‍यानपुस्‍से च्‍वंगु मरुभूमि जुयाः एमोरीतय्‌गु पर्वत देशपाखे वना। अले झीपिं कादेश-बर्ने थ्‍यंकः वना।

व्‍यवस्‍था 1:7

अथे जुयाः आः छिपिं थ्‍व थाय् त्‍वःताः थःगु यात्राय् न्‍ह्यज्‍या। एमोरीतय् पर्वतया देश व उकिया जःखः च्‍वंपिं फुक्‍क जातितय्‌थाय्, अराबाय्, पर्वतय्, पच्‍छिमया फेदी, नेगेवय् व समुद्रया सिथय् च्‍वंगु कनानीतय् देशय्, लेबनानय् अले तःधंगु खुसि यूफ्रेटिस तक हे हुँ।

व्‍यवस्‍था 33:2

वं धाल, “परमप्रभु सीनैनं झाल अले सेइरं इमिगु लागि खनेदय्‌कः झाल। वय्‌कः पारान पर्वतं थित, वय्‌कः अल्‍याख पवित्रपिंलिसें थःगु पर्वतया पाःचापाखें दच्‍छिनं झाल। वय्‌कःया जव ल्‍हातय् च्‍यानाच्‍वंगु मि दु।

१ शमूएल 25:1

शमूएल सित अले सकलें इस्राएलीत मुनाः दुखं च्‍वन। इमिसं वयात रामाया थःगु हे छेँ लिक्‍कसं थुन। अनंलि दाऊद माओनया मरुभूमिइ क्‍वहां वन।