गन्‍ती 1:54 - नेवाः बाइबल

⁵⁴ परमप्रभुं मोशायात बियादीगु उजंकथं हे इस्राएलीतय्‌सं फुक्‍क यात।

गन्‍ती 1:54 ပူးပေါင်းရင်းမြစ်များ

प्रस्‍थान 12:28

अले इस्राएलीतय्‌सं परमप्रभुं मोशा व हारूनयात उजं बियादी थें हे यात।

प्रस्‍थान 39:32

थुकथं नापलायेगु पालयागु फुक्‍क ज्‍या क्‍वचाल। परमप्रभुं मोशायात उजं बियादीगु थें हे मुक्‍कं इस्राएलीतय्‌सं यात।

प्रस्‍थान 39:43

परमप्रभुं बियादीगु उजंकथं फुक्‍क ज्‍या जूगु खनाः मोशां इपिं सकसित सुवाः बिल।

प्रस्‍थान 40:16

मोशां फुक्‍क ज्‍या परमप्रभुं वयात उजं बियादीगुकथं हे यात।

प्रस्‍थान 40:32

इपिं पवित्र पालय् वा वेदीइ वनीबलय् इमिसं थथःगु ल्‍हाःतुति सिलेगु याइ। गुकियात परमप्रभुं मोशायात उजं बियादीगु खः।

गन्‍ती 1:19

परमप्रभुं मोशायात उजं बियादीगु थें। मोशां सीनैया मरुभूमिइ इमित ल्‍याः खात।

गन्‍ती 1:53

लेवीतय्‌सं हे नापलायेगु पालया रक्षा यायेमाः। अले जिगु तं इस्राएलया खलःयात मलायेमा धकाः लेवीतय्‌सं हे नापलायेगु पालया जवंखवं थःपिनिगु पाल ग्‍वयाः च्‍वनेमाः।”

गन्‍ती 2:1

परमप्रभुं मोशा व हारूनयात धयादिल,

गन्‍ती 2:34

परमप्रभुं मोशायात बियादीगु उजंकथं इस्राएलीतय्‌सं थथःगु झण्‍डाया क्‍वय् छाउनी दय्‌कल। अले इपिं थथःपिनि वंश व परिवारया झण्‍डा क्‍वय् च्‍वनाः न्‍ह्यज्‍यात।

गन्‍ती 36:10

सलोफादया म्‍ह्याय्‌पिन्‍सं परमप्रभुं मोशायात बियादीगु उजंकथं हे यात।

गन्‍ती 8:20

परमप्रभुं लेवीतय्‌गु बारे मोशायात उजं बियादीगु थें मोशा, हारून व इस्राएलया फुक्‍क खलकं लेवीतय्‌त अथे हे यात।

गन्‍ती 9:22

छुं जुयाः सुपाँय् पवित्र पालया च्‍वय् निन्‍हु, लच्‍छि, दच्‍छि व व स्‍वयाः अप्‍वः तक च्‍वनाच्‍वन धाःसां सुपाँय् दत्तले इपिं न्‍ह्याःवनी मखु। सुपाँय् चिलावनेवं इपिं न्‍ह्याःवनी।

गन्‍ती 9:5

इमिसं सीनैया मरुभूमिइ न्‍हापांगु लाया झिंप्‍यन्‍हु दुखुन्‍हु सन्‍ध्‍याकाः इलय् छुत्‍काराया नखः हन। परमप्रभुं मोशायात बियादीगु फुक्‍क उजंकथं इस्राएलीतय्‌सं यात।

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

व्‍यवस्‍था 12:32

जिं छु छु आज्ञा बियागु दु उपिं फुक्‍क बांलाक मानय् या। उकी छुं तने नं मते लिकाये नं मते।

१ शमूएल 15:22

तर शमूएलं धाल, “परमेश्‍वरं होमबलि व बलि छायेगु स्‍वयाः अप्‍वः परमप्रभु आज्ञा पालन याःगु हे यय्‌काः मदी ला? आज्ञा पालन बलि छायेगु स्‍वयाः भिं, अले वय्‌कया वचन पालन यायेगु फैया दा स्‍वयाः भिं।