गन्‍ती 1:4 - नेवाः बाइबल

⁴ छगू छगू कुलं छम्‍ह छम्‍ह मनुखं छिमित ग्‍वाहालि यायेमाः। इपिं थथःगु परिवारया थकालि जुइमाः।

गन्‍ती 1:4 ပူးပေါင်းရင်းမြစ်များ

१ राजा 8:1

अले सोलोमनं इस्राएलया थकालित, कुल कुलया नायःत व इस्राएलया परिवार परिवारया मू मू मनूतय्‌त दाऊदया शहर सियोनं परमप्रभुया बाचा चिनादीगु सनू देगलय् यंकेत यरूशलेमय् सःतल।

प्रस्‍थान 18:21

उकिं परमेश्‍वरया ग्‍याःभय काइपिं, मभिंगु ज्‍याखं लबः मकाइपिं, पत्‍याः यायेबहःपिं मनूतय्‌त ल्‍ययाः इमित झिम्‍ह, नेय्‌म्‍ह, सछिम्‍ह, द्वःछिम्‍हय्‌सिया नायः यानाब्‍यु।

प्रस्‍थान 18:25

वं इस्राएलीतय् दथुं व ज्‍या यायेफुपिं मनूतय्‌त ल्‍ययाः इमित द्वःछिम्‍ह, सछिम्‍ह, नेय्‌म्‍ह व झिम्‍ह-झिम्‍हय्‌सिया नायः यानाबिल।

गन्‍ती 1:16

खलःपाखें ल्‍यःपिं थथःगु पुर्खौली कुलया नायःत थुपिं हे खः। इपिं इस्राएलया वंशया नायःत खः।

गन्‍ती 1:44

मोशा, हारून व थथःगु परिवारया इस्राएलीतय् झिंनिम्‍ह कुलनायःतय्‌सं मनूतय्‌त ल्‍याः खात अले इमिगु ल्‍याः थुलि हे खः।

गन्‍ती 17:3

लेवीया कुलयागु कथिइ छं हारूनया नां च्‍व। छगू छगू कुलया नायःया निंतिं छपु छपु कथि दयेमाः।

गन्‍ती 25:14

व मिद्यानी मिसानापं स्‍याःम्‍ह मनूया नां जिम्री खः, जिम्री सालूया काय् व शिमियोनया कुलया छगू छेँजःया नायः खः।

गन्‍ती 25:4

परमप्रभुं मोशायात धयादिल, “थुपिं मनूतय् सकल नायःतय्‌त ज्‍वँ! अले परमप्रभुया ग्‍यानपुसे च्‍वंगु तं इस्राएलीतपाखें चिलावनेमा धकाः परमप्रभुया न्‍ह्यःने इमित सकसिनं खंक सुयाः स्‍यानाब्‍यु।”

गन्‍ती 30:1

मोशां इस्राएली कुलनायःतय्‌त थथे धाल, “परमप्रभुं थ्‍व उजं बियादीगु दु –

गन्‍ती 4:34

मोशा, हारून व खलःया थकालितय्‌सं कहातीतय्‌त वंश व परिवारकथं ल्‍याः खात।

गन्‍ती 7:2

अले इस्राएलया नायःत, गुपिं ल्‍याःखाःपिं मनूतय् नायःत खः, इमिसं देछात छाल, इपिं परिवारतय् कुलनायःत नं खः।

व्‍यवस्‍था 1:15

अथे जुयाः जिं छिमि कुल कुलयापिं मूमू मनूत ल्‍यया। इपिं सकलें बुद्धिं जाःपिं व हनेबहःपिं मनूत खः। अले इमित छिमि कुलपतिकं द्वःछिम्‍ह, सछिम्‍ह, नेय्‌म्‍ह व झिम्‍हया नायःत ल्‍यया। फुक्‍क कुलया निंतिं कुलनायःत नं ल्‍यया।

यहोशू 22:14

वनापं इस्राएलया छगू छगू कुलं छम्‍ह छम्‍ह यानाः झिम्‍ह नायः छ्वल। इपिं इस्राएलया वंशतय् छगू छगू परिवारया नायःपिं खः।