नहेम्‍याह 9:8 - नेवाः बाइबल

⁸ छिं वयात थः प्रति विश्‍वास बहःम्‍ह जूगु सीकादिल। अले छिं वया सन्‍तानतय्‌त कनानी, हित्ती, एमोरी, परिज्‍जी, यबूसी व गिर्गाशीतय्‌गु देश बी धकाः वलिसे बाचा चिनादिल। छिं थःगु बचं पूवंकादिल छाय्‌धाःसा छि विश्‍वास याये बहःम्‍ह खः।

नहेम्‍याह 9:8 ပူးပေါင်းရင်းမြစ်များ

उत्‍पत्ति 12:7

अले परमप्रभुं अब्रामयाथाय् झायाः धयादिल, “जिं थ्‍व देश छिमि सन्‍तानयात बी।” अले अब्रामं वयाथाय् झाःम्‍ह परमप्रभुया लागि अन छगू वेदी दय्‌कल।

उत्‍पत्ति 15:6

अले अब्रामं परमप्रभुयात विश्‍वास यात। परमप्रभुं वयात धर्मी मनूया ल्‍याखय् तयादिल।

उत्‍पत्ति 22:12

दूतं धयाहल, “छं छिमि काय्‌यात ल्‍हाः ल्‍ह्वने मते, अले वयात छुं हे याये मते। जिं सिल, छ धात्‍थें हे परमेश्‍वरं धाःथे याइम्‍ह खः। छाय्‌धाःसा छं थः याकः काय्‌यात तकं वय्‌कःया लागि होमबलि बीत स्‍वल।”

२ शमूएल 22:31

परमेश्‍वरया लँपु सिद्धगु लँपु खः। वय्‌कःया वचन सत्‍य खः। वय्‌कःया शरणय् वंपिनिगु निंतिं वय्‌कः ढाल खः।

१ इतिहास 1:14

यबूसीत, एमोरीत, गिर्गाशीत,

१ इतिहास 16:16

व बाचा वय्‌कलं अब्राहामलिसे चिनादिल, अले उकिया बारे वय्‌कलं इसहाकलिसे पाफयादिल।

एज्रा 9:15

परमप्रभु इस्राएलयाम्‍ह परमेश्‍वर, छि धर्मीम्‍ह खः। छिं जिमित म्‍वाका तयादीगु दु। थन जिपिं थःगु दोषनापं छिगु न्‍ह्यःने दु, खःला थुकिं यानाः जिपिं मध्‍ये छम्‍ह नं छिगु न्‍ह्यःने दने मफये धुंकूगु खः।”

नहेम्‍याह 9:33

छिं जिमित सजाँय बियाः खःगु हे यानादिल, जिमिसं पाप याःसां छि विश्‍वास याये बहःम्‍ह जुयादीगु दु।

भजनसंग्रहया सफू 116:5

परमप्रभु दयादुम्‍ह व धर्मी खः, जिमि परमेश्‍वर दया माया दुम्‍ह खः।

प्रस्‍थान 3:17

अले जिं छिमित मिश्रीतय्‌सं याःगु दुःखं लिगनाः दुरु व कस्‍ति बाः वयाच्‍वंगु कनानी, हित्ती, एमोरी, परिज्‍जी, हिव्‍वी व यबूसीतय्‌गु देशय् यंकेत क्‍वःछिनागु दु।’

प्रस्‍थान 3:8

अथे जुयाः इमित मिश्रीतय्‌गु ल्‍हातं त्‍वःतकाः व देशं मेगु भिंगु व तःधंगु दुरु व कस्‍ति बाः वयाच्‍वंगु कनानी, हित्ती, एमोरी, परिज्‍जी, हिव्‍वी व यबूसीतय्‌गु देशय् हयेत जि क्‍वहां वयागु दु।

इजकिएल 33:24

“अय् सीमानिम्‍ह मनू, नाश जूगु इस्राएल देशय् च्‍वनाच्‍वंपिं मनूतय्‌सं धयाच्‍वंगु दु, ‘अब्राहाम छम्‍ह हे जक मनू जूसां वं इस्राएल देशयात अधिकार यात। तर झीपिं ला यक्‍व दु। धात्‍थें हे झीत थ्‍व देश अधिकार यायेत ब्‍यूगु दु।’

गन्‍ती 13:29

नेगेव धाःगु दच्‍छिन लागाय् अमालेकीत व डाँडाय् च्‍वंगु देशय् हित्ती, यबूसी व एमोरीत, अले समुद्रया लिक्‍क व यर्दन खुसिया सिथय् कनानीत च्‍वनाच्‍वंगु दु।”

गन्‍ती 23:19

परमेश्‍वर मनू थें मखु, मखुगु खँ ल्‍हायेत, वय्‌कः मनू मखु, थःगु मन हिलेत। वय्‌कलं धयादीगु खँ गुबलें मजूगु दु ला? वय्‌कलं बचं बियाः छु व पूवंकामदी ला?

प्रेरित 13:22

लिपा थ्‍व जुजुयात लिकयाः परमेश्‍वरं दाऊद धाःम्‍हय्‌सित ल्‍ययादिल। थ्‍व हे दाऊदयात वय्‌कलं थथे धयादिल – ‘जिं जिगु मन नाप मिलय् जूम्‍ह यिशैया काय् दाऊदयात लुइके धुन। थ्‍वं हे जिं धयागु फुक्‍क याइ।’

व्‍यवस्‍था 26:3

अबलय् अन ज्‍या याइम्‍ह पुजाहारीयात थथे धा, “परमप्रभं छिमि परमेश्‍वरं झीत बी धकाः झी पुर्खातलिसें पाःफयादीगु देशय् जिपिं थ्‍यने धुंकाः थ्‍व दाला हया।”

व्‍यवस्‍था 32:4

वय्‌कः बल्‍लाःम्‍ह रक्षक खः, वय्‌कःया फुक्‍क ज्‍याखँ पूवं, अले न्‍यायनं जाः। वय्‌कः विश्‍वास याये बहःम्‍ह परमेश्‍वर खः। वय्‌कलं गुबलें द्वंकी मखु। पाय्‌छिगु व भिंगु जक वय्‌कलं यानादी।

व्‍यवस्‍था 7:1

छिपिं अधिकार यायेत वनेत्‍यंगु देशय् परमप्रभु छिमि परमेश्‍वरं छिमित हयादीबलय् अले छिपिं स्‍वयाः यक्‍व ल्‍याः दुपिं व बल्‍लाःपिं थुपिं न्‍हय्‌गू जाति हित्ती, गिर्गाशी, एमोरी, कनानी, परिज्‍जी, हिव्‍वी व यबूसीतय्‌त छिमिगु न्‍ह्यःनं वय्‌कलं लिना छ्वयादीबलय्

व्‍यवस्‍था 9:5

छिपिं भिंपिं व नुगः यचुपिं जूगुलिं इमिगु देश त्‍याका कायेत वनेत्‍यंगु मखु। अय्‌नं इमिसं याःगु मभिंगु ज्‍यां यानाः वय्‌कलं छिमि पुर्खा अब्राहाम, इसहाक व याकूबलिसें पाफयादीगु खँ पूवंकादीत परमप्रभु छिमि परमेश्‍वरं इमित छिमिगु न्‍ह्यःनं लिनाछ्वयादी।

तीतस 1:2

गुबलें मखुगु खँ ल्‍हाना मदीम्‍ह परमेश्‍वरं न्‍हापांनिसें हे झीत अनन्‍त जीवन बियादी धकाः धयादीगु खः।

हिब्रू 11:17

अब्राहामयात जाँचय् याःबलय् वं विश्‍वास यानाः थः हे काय् इसहाकयात बलि बीत स्‍वत। परमेश्‍वरं बियादी धकाः धयादीगु खँय् विश्‍वास यानाः हे वं थः याकः काय्‌यात बलि बीत्‍यंगु खः।

हिब्रू 6:18

थथे गुब्‍सं हिली मखुगु थ्‍व निता खं वय्‌कःपाखें बचय् जुया च्‍वनापिं झीत नं झीसं आशा यानाच्‍वनागु खँय् बल्‍लाना च्‍वनेत साहस बी।

यहोशू 11:23

थथे परमप्रभुं मोशायात धयादीगु थें हे यहोशूं फुक्‍क देश त्‍याका काल। अले यहोशूं व देश इस्राएलयात सर्बयकथं इमिगु कुल कुल यानाः इनाबिल। अनंलि देशय् शान्‍ति जुल।

यहोशू 11:3

पुर्ब व पच्‍छिमयापिं कनानीतय् जुजुपिन्‍त, एमोरीतय्‌त, हित्तीतय्‌त, परिज्‍जीतय्‌त व पहाडी देशय् च्‍वंपिं यबूसीतय्‌त अले मिस्‍पा देशया हेर्मोन पर्वतयागु क्‍वय्‌ पाखेयापिं हिव्‍वीतय्‌त सःतके छ्वल।

यहोशू 23:14

“आः जि सीत्‍यंगु दु। परमप्रभु छिमि परमेश्‍वरया फुक्‍क बचं पूवंगु दु, छगू नं पूमवंगु मदु धयागु खँ छिमिसं थथःगु नुगः व आत्‍मां सि हे स्‍यू।

यहोशू 9:1

यर्दनया पच्‍छिमपाखे पहाडी देशय् व पच्‍छिमया फेदीइ अले लेबनान तक भूमध्‍यसागरया सिथय् च्‍वनिपिं फुक्‍क हित्ती, एमोरी, कनानी, परिज्‍जी, हिव्‍वी व यबूसी जुजुपिन्‍सं थ्‍व खँ न्‍यनाः

१ यूहन्‍ना 1:9

अय्‌नं झीसं थःगु पाप मानय् यात धाःसा परमेश्‍वरं झीगु पाप क्षमा यानादी, अले झीगु मनय् च्‍वंगु फुक्‍क पाप नं च्‍वत्तुक हुयादी, छाय्‌धाःसा वय्‌कः भरोसा याये बहःम्‍ह व धर्मीम्‍ह खः।