नहेम्‍याह 9:5 - नेवाः बाइबल

⁵ अले येशूअ, कादमीएल, बानी, हशबन्‍याह, शरेबियाह, होदियाह, शबन्‍याह व पतहियाह नांयापिं लेवीतय्‌सं धाल, “दनाः अनादिंनिसें अनन्‍त तक दीम्‍ह परमप्रभु झी परमेश्‍वरयात तःधंकि।” अले इमिसं थथे प्रार्थना यात, “छिगु महिमां जाःगु नां धन्‍य जुइमा, व नां फुक्‍क सुवाः व प्रशंसा स्‍वयाः च्‍वय् दु।

नहेम्‍याह 9:5 ပူးပေါင်းရင်းမြစ်များ

१ राजा 8:14

इस्राएलया फुक्‍क खलः अन दनाच्‍वंबलय् जुजुं फहिलाः इमित आशीर्वाद बिल।

१ राजा 8:15

अले वं धाल, “परमप्रभु इस्राएलया परमेश्‍वरया प्रशंसा जुइमा! वय्‌कलं जिमि बाः दाऊदयात थ्‍व बचं बियादीगु खः अले व पूरा नं यानादीगु दु।

१ राजा 8:22

अनंलि सोलोमन इस्राएलया फुक्‍क खलकं खंक वेदीया न्‍ह्यःने दन अले थःगु ल्‍हाः स्‍वर्गपाखे ल्‍ह्वनाः

१ राजा 8:27

“तर हे परमेश्‍वर, छु छि धात्‍थें पृथ्‍वीइ मनूतय्‌गु दथुइ च्‍वनादी फइ ला? स्‍वर्गत, स्‍वर्ग स्‍वया तःजाःगु स्‍वर्गय् हे छि न्‍ह्यनी मखु धाःसा जिं दय्‌कागु थ्‍व देगलय् झन छि गन न्‍ह्यनी धकाः?

१ इतिहास 16:36

परमप्रभु इस्राएलयाम्‍ह परमेश्‍वरया न्‍ह्याबलें प्रशंसा जुइमा। अले सकल मनूतय्‌सं धाल, “आमेन! परमप्रभुया प्रशंसा जुइमा।”

१ इतिहास 29:11

हे परमप्रभु! महिमा, शक्ति, गौरव व वैभव छिगु हे खः, छाय्‌धाःसा आकाश व पृथ्‍वीइ छु छु दु व फुक्‍क छिगु हे खः। हे परमप्रभु! राज्‍य छिगु हे खः, अले छि फुक्‍कसिया शासक खः।

१ इतिहास 29:13

आः हे जिमि परमेश्‍वर, जिमिसं छितः सुभाय् देछाय्, अले छिगु महिमां जाःगु नांया प्रशंसा याये।

१ इतिहास 29:20

अनंलि दाऊदं मनूतय्‌त धाल, “परमप्रभु छिमि परमेश्‍वरया प्रशंसा या।” अले सकल मनूतय्‌सं परमप्रभु थः पुर्खाया परमेश्‍वरयात प्रशंसा यात अले परमप्रभु व जुजुयात हनाबना बीत बँय् तक छ्यं क्‍वछुकल।

२ इतिहास 20:13

यहूदायापिं फुक्‍कं मिजंत थः कलाःपिं व मचाखाचातनापं अन परमप्रभुया न्‍ह्यःने दन।

२ इतिहास 20:19

कहात व कोरह वंशयापिं लेवीतय्‌सं दनाः तस्‍सलं परमप्रभु इस्राएलयाम्‍ह परमेश्‍वरया प्रशंसा यात।

एज्रा 3:11

इमिसं परमप्रभुयात प्रशंसा यानाः व सुभाय् बियाः थथे धकाः भजन हाल, “वय्‌कः भिंम्‍ह खः, इस्राएलया निंतिं वय्‌कःया दयामाया सदां दयाच्‍वनी न्‍ह्याबलें दयाच्‍वनी।” अले सकलें मनूतय्‌सं तसलं हालाः परमप्रभुयात तःधंकल, छाय्‌धाःसा देगःया जग तये धुंकूगु खः।

नहेम्‍याह 9:4

लेवीत येशूअ, बानी, कादमीएल, शबन्‍याह, बुन्‍नी, शरेबियाह, बानी व कनानीं लेवीतय्‌गु निंतिं दय्‌कूगु दबुया त्‍वाथलय् दनाः तसलं थः परमप्रभु परमेश्‍वरयात प्रार्थना यात।

नहेम्‍याह 9:6

छि जक परमप्रभु खः। छिं हे आकाश, दकलय् तःजाःगु आकाश व उकियागु दक्‍व नगुत, पृथ्‍वी व उकी दुगु फुक्‍क, समुद्र व उकी दुगु फुक्‍क दय्‌कादिल। छिं हे उपिं फुक्‍कयात जीवन बियादी। अले स्‍वर्गया सेनां छितः आराधना याइ।

अय्‍यूब 1:21

थथे धाल, “जि जिमि मांया प्‍वाथं हे नांगां वया, अले जि नांगां हे वने। परमप्रभुं बियादिल अले परमप्रभुं हे यंकादिल। परमप्रभुयागु नां तःधनेमा।”

भजनसंग्रहया सफू 106:2

परमप्रभुं यानादीगु ततःधंगु ज्‍याया बयान सुनां याये फइ? वय्‌कःयात सुनां पूवंक प्रशंसा याये फइ?

भजनसंग्रहया सफू 134:1

हे परमप्रभुया सेवा याइपिं सकलें, चान्‍हय् देगलय् पिवाः च्‍वनीपिं, परमप्रभुया प्रशंसा या।

भजनसंग्रहया सफू 145:2

न्‍हियान्‍हिथं जिं छिगु प्रशंसा याये, अले न्‍ह्याबलें छिगु नां तःधंके।

भजनसंग्रहया सफू 145:5

इमिसं छिगु महिमा व गौरवया बारे खँ ल्‍हाइ, अले जिं छिगु अजू चायापुगु ज्‍याय् ध्‍यान याये।

भजनसंग्रहया सफू 146:2

जिं जिवंकाछि परमप्रभुया प्रशंसा याये, जिं म्‍वातले जिमि परमेश्‍वरया भजन हाला हे च्‍वने।

भजनसंग्रहया सफू 16:2

जिं परमप्रभुयात धयागु दु – “छि जिमि प्रभु खः। जिके दुगु फुक्‍कं भिंगु खँ छिगुपाखें हे वःगु खः।”

भजनसंग्रहया सफू 66:2

वय्‌कःया नांया महिमा यानाः म्‍ये हा। वय्‌कःयात महिमा यानाः तःधंकि।

भजनसंग्रहया सफू 99:3

इमिसं छिगु तःधंगु व तःजिगु नांया प्रशंसा यायेमा! वय्‌कः पवित्र खः।

प्रस्‍थान 15:11

हे परमप्रभु, छि थें जाःम्‍ह सु द्यः दु धकाः? छि थें पवित्रम्‍ह सु दु धकाः? छि थें तःधंगु महिमां जाःम्‍ह व भय कायेबहःम्‍ह सु दु धकाः? छिं थें सुनां अजू चायापुगु ज्‍या क्‍यनेफु?

प्रस्‍थान 15:6

हे परमप्रभु छिगु जव ल्‍हातय् तःजिगु शक्ति दु। हे परमप्रभु छिगु जव ल्‍हातं शत्रुयात नाश यानाबिल।

दानिएल 2:20

“परमेश्‍वरया नांया न्‍ह्याबलें न्‍ह्याबलें जयजय या, छाय्‌धाःसा बुद्धि व शक्ति वय्‌कःयागु हे खः।

मत्ती 11:25

अबलय् येशूं धयादिल – “हे परमेश्‍वर बाः, स्‍वर्ग व पृथ्‍वीया प्रभु, जिं छितः सुभाय् बी, छाय्‌धाःसा छिं थ्‍व खँ सःस्‍यू व थू धाइपिन्‍त न्‍यंका मदिसे छुं मस्‍यूपिं मस्‍तय्‌त न्‍यंकादिल।

२ कोरिन्‍थी 4:6

“खिउँथासं जः थिनावइ” धकाः धयादीम्‍ह परमेश्‍वरं हे जिमिगु मनय् नं जः खय्‌कादिल। उकिं येशू ख्रीष्‍टया न्‍ह्यःने झीत परमेश्‍वरया महिमा व ज्ञान गुलि तःधं धकाः ध्‍वाथुइक क्‍यनेत थथे यानादीगु खः।

व्‍यवस्‍था 28:58

परमप्रभु छिमि परमेश्‍वरयागु हनेबहःगु व मानय् यायेमाःगु नांया भय मकाल धाःसा अले छिमिसं थ्‍व सफुली च्‍वयातःगु नियमया फुक्‍क वचन बांलाक मानय् मयात धाःसा

१ पत्रुस 1:3

झी प्रभु येशू ख्रीष्‍टया बाः परमेश्‍वर न्‍ह्याबलें तःधनेमा। वय्‌कलं झीत दया माया यानाः सी धुंकूम्‍ह येशू ख्रीष्‍टयात म्‍वाकाः झीत तसकं तःधंगु व म्‍वानाच्‍वंगु आशाया निंतिं न्‍हूगु जीवन बियादिल।

न्‍यायकर्ता 13:18

दूतं न्‍यन, “छं छाय् जिगु नां न्‍यनागु? थ्‍व नां छं थुइके फइ मखु।”