नहेम्‍याह 9:4 - नेवाः बाइबल

⁴ लेवीत येशूअ, बानी, कादमीएल, शबन्‍याह, बुन्‍नी, शरेबियाह, बानी व कनानीं लेवीतय्‌गु निंतिं दय्‌कूगु दबुया त्‍वाथलय् दनाः तसलं थः परमप्रभु परमेश्‍वरयात प्रार्थना यात।

नहेम्‍याह 9:4 ပူးပေါင်းရင်းမြစ်များ

२ इतिहास 20:19

कहात व कोरह वंशयापिं लेवीतय्‌सं दनाः तस्‍सलं परमप्रभु इस्राएलयाम्‍ह परमेश्‍वरया प्रशंसा यात।

नहेम्‍याह 12:8

लेवीत – येशूअ, बिन्‍नूई, कादमीएल, शरेबियाह, यहूदा व मत्तन्‍याह। थः ग्‍वाहालिमिपिंनापं सुभाय्‌या भजन हालेगु जिम्‍मा मत्तन्‍याहया खः।

नहेम्‍याह 3:17

वया नापसं, बानीया काय् रेहूमया अधीनय् च्‍वनाः लेवीतय्‌सं पखाः दय्‌कल। वया लिक्‍कसं च्‍वंगु ब्‍व कीलाहया बच्‍छि जिल्‍लायाम्‍ह शासक हशब्‍याहं थःगु जिल्‍लाया निंतिं दय्‌कल।

नहेम्‍याह 8:4

एज्रा थज्‍याःगु हे ज्‍याया निंतिं हे दय्‌कूगु छगू सिँयागु दबुलिइ दन। वयागु जवपाखे मत्तित्‍याह, शेमा, अनायाह, उरियाह, हिल्‍कियाह व मासेयाह दनाच्‍वंगु दु। वयागु खवपाखे पदायाह, मीशाएल, मल्‍कियाह, हाशूम, हशबदाना, जकरिया व मशुल्‍लाम दनाच्‍वंगु दु।

नहेम्‍याह 8:7

लेवीत, येशूअ, बानी, शरेबियाह, यामीन, अक्‍कूब, सब्‍बतै, होदियाह, मासेयाह, कलीता, अजर्याह, योजावाद, हानान व पलयाहं मनूतय्‌त थथःगु थासय् दनाच्‍वंबलय् हे व्‍यवस्‍था थुइकाबिल।

नहेम्‍याह 9:5

अले येशूअ, कादमीएल, बानी, हशबन्‍याह, शरेबियाह, होदियाह, शबन्‍याह व पतहियाह नांयापिं लेवीतय्‌सं धाल, “दनाः अनादिंनिसें अनन्‍त तक दीम्‍ह परमप्रभु झी परमेश्‍वरयात तःधंकि।” अले इमिसं थथे प्रार्थना यात, “छिगु महिमां जाःगु नां धन्‍य जुइमा, व नां फुक्‍क सुवाः व प्रशंसा स्‍वयाः च्‍वय् दु।

भजनसंग्रहया सफू 130:1

हे परमप्रभु! जि तसकं दुःख सियाच्‍वनागुलिं तःसलं हालाः छिगु नां कयाच्‍वनागु दु।

भजनसंग्रहया सफू 3:4

जिं तःसलं परमप्रभुया नां काये, अले वय्‌कलं जितः थःगु पवित्र पर्वतं लिसः बियादी। सेला

भजनसंग्रहया सफू 77:1

जिं ततःसलं परमेश्‍वरयात प्रार्थना याना। जिगु सः न्‍यनादिल!

विलाप 3:8

ग्‍वाहालिया निंतिं जि तसकं हाःसां, वय्‌कलं जिगु प्रार्थना न्‍यनेगु हे त्‍वतादिल।

यूहन्‍ना 11:43

थुलि धयाः वय्‌कलं तस्‍सलं सःतादिल – “अय् लाजरस, पिहां वा।”

प्रेरित 7:60

अले पुलिं चुयाः तःसलं हालाः धाल – “प्रभु, इमिसं यानाच्‍वंगु पाप क्षमा यानादिसँ।” थुलि धयाः व सित।