नहेम्‍याह 9:29 - नेवाः बाइबल

²⁹ “छिं इमित थःगु व्‍यवस्‍थापाखे लिहां वयेत ख्‍याच्‍वः बियादिल। अय्‌नं तःधंछु जुयाः इमिसं छिगु नियमया विरोधय् पापयात। थ्‍व मानय् याइपिन्‍त जीवन दु। अय्‌नं इपिं जिराहा जुयाः छिपाखें फस्‍वल, अत्तेरी जुयाः इमिसं छिगु खँ मन्‍यन।

नहेम्‍याह 9:29 ပူးပေါင်းရင်းမြစ်များ

२ राजा 17:13

परमप्रभुं अगमवक्तात व दूतत छ्वयाहयाः इस्राएल व यहूदायात थ्‍व ख्‍याच्‍वः ब्‍यूगु खः, “छिमिसं मभिंगु पहःचहः त्‍वःताः जिं छिमि पुर्खातय्‌त बियागु व्‍यवस्‍थाकथं व थः दास अगमवक्तातपाखें छिमित बियागु आज्ञा व विधि मानय् या।”

२ राजा 17:14

तर इमिसं आज्ञा पालन मयात, परमप्रभु थः परमेश्‍वरयात विश्‍वास मयाइपिं इमि पुर्खात थें जिराहा जुल।

२ इतिहास 24:19

तर इमित थःथाय् हे लित हयेत परमप्रभुं अगमवक्तात छ्वयादिल। उपिं अगमवक्तातय्‌सं इमिगु दोष क्‍यनाबिल अय्‌नं इमिसं अगमवक्तातय्‌गु खँ मन्‍यं।

२ इतिहास 33:10

मनश्‍शे व वया मनूतलिसें परमप्रभु न्‍ववानादिल, तर इमिसं वास्‍ता मयाः।

२ इतिहास 36:15

परमप्रभु इमि पुर्खाया परमेश्‍वरं थः मनूतय्‌त ख्‍याच्‍वः बीत दूतय्‌त तःक्‍वः मछि छ्वयाहयादिल। छाय्‌धाःसा वय्‌कःया इमित व थः च्‍वनेगु थाय्‌यात बचय् याये मास्‍ति वः।

नहेम्‍याह 13:15

उबलय् शबाथ खुन्‍हु यहूदायापिं मनूतय्‌सं दाखयात तिस्‍यानाच्‍वंगु व अन्‍न मुंकाः दाखमद्य, दाख, यःमरि व मेमेगु किसिमयागु कु गधाया म्‍हय् तयाच्‍वंगु जिं खना। इमिसं थुपिं फुक्‍क मीत यरूशलेमय् शबाथ खुन्‍हु हइगु जुयाच्‍वन। उकिं उखुन्‍हु नयेगु नसा म्‍यूगुलिं जिं इमित ख्‍याच्‍वः बिया।

नहेम्‍याह 9:10

मिश्रीतय्‌सं तःधंछु जुयाः जिमि पुर्खातय्‌त क्‍वत्‍यला तःगुलिं छिं फारो, वया भारदार व वया देशयापिं सकल मनूतय्‌त सजाँय बीत अजू चाइपुगु चिं व ज्‍या यानाः थःगु निंतिं थौं तक दनिगु छगू तःधंगु नां तयादिल।

नहेम्‍याह 9:16

“अय्‌नं जिमि पुर्खातय्‌सं तःधंछु व जिराहा जुयाः छिगु खँ मन्‍यं।

नहेम्‍याह 9:26

“अय्‌नं छिकपिनि प्रजातय्‌सं विद्रोह यात। अले इमिसं खँ मन्‍यन। छिगु व्‍यवस्‍थापाखें ख्‍वाः फस्‍वय्‌कल। छिपाखे लिहां वयेत ख्‍याच्‍वः बीपिं अगमवक्तातय्‌त इमिसं स्‍यानाबिल। इमिसं छितः गज्‍याःगु अपमान यात।

नहेम्‍याह 9:30

दँय्‌दसं छिं इमित थाकु मचासें ख्‍याच्‍वः बियादिल, छिं थः अगमवक्तातय्‌त न्‍ववाइगु आत्‍मा बियादिल, अय्‌नं छिकपिनि प्रजातय्‌सं छिगु खँ मन्‍यन। उकिं इमित मेगु जातियापिं मनूतय्‌गु ल्‍हातय् लाकादिल।

प्रस्‍थान 10:3

उकिं मोशा व हारूनं वनाः फारोयात धाल, “हिब्रूतय् परमप्रभु परमेश्‍वरं थथे धयादी, ‘गुबलय् तक छ जिगु खँ मन्‍यंसे च्‍वनेगु? जिमि मनूतय्‌त जिगु आराधना यायेत वनेब्‍यु।

यर्मिया 17:23

अय्‌नं इमिसं खँ मन्‍यं, जिगु खँय् ध्‍यान मब्‍यू। तर उकिया पलेसा इपिं जिराहा जुल। इमिसं जिगु आज्ञा पालन मयाः। अले जिं स्‍यनागु खँ नाला मकाः।’

यर्मिया 19:15

“दक्‍व शक्ति दुम्‍ह परमप्रभु इस्राएलया परमेश्‍वरं थथे धयादी, ‘स्‍व, जिं थःम्‍हं हे थ्‍व शहरय् व थुकिया लिक्‍क लाःगु गांगामय् जिं धयागु फुक्‍क विपत्तित हये, छाय्‌धाःसा इमिसं जिराहा जुयाः जिगु वचन मानय् मयाः।’”

यर्मिया 42:19

“हे ल्‍यनाच्‍वंपिं यहूदाया मनूत, परमप्रभुं छिमित ‘मिश्रय् वने मते’ धयादीगु दु। थ्‍व खँ ल्‍वःमंके मते! जिं थौं छिमित ख्‍याच्‍वः बियागु दु।

यर्मिया 43:2

होशयाहया काय् अजर्याह व कारेहया काय् योहानान व मेपिं फुक्‍क जिराहा मनूतय्‌सं यर्मियायात धाल, “छं मखुगु खँ ल्‍हानाच्‍वंगु दु! ‘छिपिं मिश्र देशय् च्‍वंवने हे मते’ धकाः धायेत परमप्रभु झी परमेश्‍वरं छन्‍त छ्वयाहयादीगु मखु।

यर्मिया 44:10

छिपिं थौं तक नं क्‍वमिलु जूगु मदुनि, छिमिसं जितः हनाबना तःगु नं मदु, जिं छिपिं व छिमि पुर्खातय्‌गु न्‍ह्यःने तयागु जिगु व्‍यवस्‍था व विधि छिमिसं पालन याःगु मदु।

यर्मिया 7:26

अय्‌नं इमिसं जिगु खँ मन्‍यं, ध्‍यान मब्‍यू। इपिं जिराहा जुल। इमिसं थः पुर्खातय्‌सं स्‍वयाः अप्‍वः मभिंगु ज्‍या यात।

इजकिएल 20:11

अन जिं इमित जिगु विधित बिया, अले जिगु नियमत क्‍यना, सुनां थुपिं पालन याइ व मनू उकिं यानाः म्‍वाइ।

दानिएल 5:20

तर वय्‌कः तःधंछु, जिराहा जूगुलिं राजगद्दीं लिकाल अले वय्‌कःयागु शान वय्‌कःपाखें लाकाकाल।

होशे 6:5

अथे जुयाः जिं छिमित जिमि अगमवक्तातपाखें कुचा कुचा यानागु दु। जिं छिमित जिगु म्‍हुतुया वचनं स्‍यानागु दु। जिगु न्‍याय छिमिके हाबलासा थें प्‍वालापिलि च्‍यात।

लेवी 18:5

छिमिसं जिगु थ्‍व विधि व नियम मानय् यायेमाः छाय्‌धाःसा व मानय् याःपिं मनूत उकिं हे म्‍वानाच्‍वनी। जि परमप्रभु खः।

मत्ती 19:17

वय्‌कलं लिसः बियादिल – “छिं जिके छाय् भिंगु खँ न्‍यं वयाच्‍वना? भिंम्‍ह ला परमेश्‍वर जक हे दु। अनन्‍त जीवन दय्‌केत छिं आज्ञा मानय् यायेमाः।”

लूका 10:28

अले वय्‌कलं वयात धयादिल – “छिं खःगु खँ धयादिल। छिं अथे हे यानादिसँ, अले छितः अनन्‍त जीवन दइ।”

रोमी 10:5

मोशां थथे च्‍वया थकूगु दु – “व्‍यवस्‍था मानय् यानाः धर्मी जुइत स्‍वइम्‍ह मनू व्‍यवस्‍थां हे म्‍वाइ।”

गलाती 3:12

व्‍यवस्‍था पूवंक मानय् याइपिन्‍सं धाःसा परमेश्‍वरयात विश्‍वास याये म्‍वाः। “व्‍यवस्‍था मानय् याइपिं व्‍यवस्‍थापाखें हे म्‍वाइ” धकाः धर्मशास्‍त्रय् च्‍वयातःगु दु।

व्‍यवस्‍था 31:21

अले यक्‍व ग्‍यानपुस्‍से च्‍वंगु विपत्तित इमिके वये धुंकाः थ्‍व म्‍ये इमिगु निंतिं साक्षी थें जुइ। छाय्‌धाःसा व इमि सन्‍तानतय्‌सं गुबलें ल्‍वःमंकी मखु। इमित बी धकाः पाफयाः बचं बियागु देशय् हये न्‍ह्यः हे जिं इमिगु बिचाः थुइके धुन।”

व्‍यवस्‍था 31:27

छाय्‌धाःसा जिं छिपिं गुलि विद्रोही व जिराहा धकाः स्‍यू। जि छिपिंनापं दुबलय् हे छिपिं परमप्रभुया विरोधय् दंगु दु धाःसा जि सी धुंकाः नं छाय् मदनी धकाः?

व्‍यवस्‍था 4:26

थौं जिं स्‍वर्ग व पृथ्‍वीयात छिमिगु विरोधय् साक्षी तये। छिपिं देशयात अधिकार यायेत यर्दनया उखे वनेत्‍यंगु दु। अय्‌नं छिमिसं जिगु आज्ञा त्‍वाथुल धाःसा यक्‍व दँ तक अन च्‍वने दइ मखु। तर छिपिं भज्‍यंक नाश जुयावनी।

न्‍यायकर्ता 6:10

जिं छिमित धया, ‘जि हे परमप्रभु छिमि परमेश्‍वर खः। छिपिं च्‍वनाच्‍वंगु एमोरीतय्‌गु देशयापिं द्यःतय्‌त पुजा याये मते।’ तर छिमिसं जिगु खँ मन्‍यं।”