नहेम्‍याह 9:28 - नेवाः बाइबल

²⁸ “अय्‌नं शान्‍ति जुइ धुंकाः इमिसं हानं पापयात, उकिं छिं इमित शत्रुतय्‌गु ल्‍हातय् त्‍वःतादिल। इमिसं इमित थःगु अधीनय् तल। अय्‌नं हाकनं इमिसं छिके ग्‍वाहालि फ्‍वन। स्‍वर्गं छिं न्‍यनादिल, अले छि तसकं नुगः क्‍यातुम्‍ह जूगुलिं इमित तःक्‍वः मछि बचय् यानादिल।

नहेम्‍याह 9:28 ပူးပေါင်းရင်းမြစ်များ

१ राजा 8:39

इमिगु प्रार्थना न्‍यनादिसँ। स्‍वर्गय् थः च्‍वनादीगु थासय् छिं इमिगु प्रार्थना न्‍यनादिसँ अले इमित क्षमा यानादिसँ, इमित ग्‍वाहालि यानादिसँ। छिं जक सकलें मनूतय्‌गु बिचाः स्‍यू। उकिं वयागु ज्‍याकथं वयात लिच्‍वः बियादिसँ।

भजनसंग्रहया सफू 106:42

शत्रुतय्‌सं इमित अत्‍याचार यात, इमित थःगु अधीनय् तल।

भजनसंग्रहया सफू 136:24

वय्‌कलं झीत झी शत्रुतय्‌गु ल्‍हातं त्‍वःतकादिल, वय्‌कःया दया माया सदां दयाच्‍वनी।

यशैया 63:15

स्‍वर्गं स्‍वयादिसँ, अले थःगु दक्‍वसिबय् च्‍वय्‌यागु पवित्र व महिमां जाःगु सिंहासनं क्‍वय् स्‍वयादिसँ। छिगु जोश व शक्ति गन वन? छिं जिपिंपाखें छिगु क्‍वमिलुसु व दयामाया लितकाःगु दु।

न्‍यायकर्ता 2:19

तर व न्‍याय याइम्‍ह सी धुंकाः इपिं इमि पुर्खात स्‍वयाः अज्‍ज अप्‍वः स्‍यनावनीगु। इमिसं मेपिं द्यःतय्‌त पुजा यानाः भागि याइगु। इमिसं थःगु मभिंगु ज्‍या व जिराहा पहयात त्‍वः हे मत्‍वःतू।

न्‍यायकर्ता 3:30

थुकथं उखुन्‍हु मोआबयात इस्राएलीतय्‌सं त्‍याकाकाल। अले देशय् चयदँ तक शान्‍ति जुयाच्‍वन।

न्‍यायकर्ता 4:1

एहूद सीधुंकाः इस्राएलीतय्‌सं हाकनं परमप्रभुया मिखाय् मभिंगु ज्‍या यात।

न्‍यायकर्ता 5:31

“हे परमप्रभु, थुकथं हे छि सकल शत्रुत नाश जुइमा। परमेश्‍वरयात माया याइपिं धाःसा थियाच्‍वंगु सूर्य थें जुइमा।” हाकनं देशय् पिइदँ तक शान्‍ति जुल।