नहेम्‍याह 9:27 - नेवाः बाइबल

²⁷ उकिं छिं इमित इमि शत्रुतय्‌गु ल्‍हातय् लाकादिल। इमि शत्रुतय्‌सं इमित क्‍वःत्‍यल। थःगु दुःखया इलय् इमिसं छिके ग्‍वाहालि फ्‍वन। स्‍वर्गं छिं लिसः बियादिल। इमित शत्रुपाखें बचय् यायेत छिं थःगु तसकं नुगः क्‍यातुम्‍ह नायःत छ्वयाहयादिल।

नहेम्‍याह 9:27 ပူးပေါင်းရင်းမြစ်များ

२ राजा 13:5

परमप्रभुं इस्राएलया निंतिं छम्‍ह उद्धार याइम्‍ह ल्‍ययादिल। वं इमित अरामया ल्‍हातं त्‍वःतकल। अले इस्राएलीत हाकनं थथःगु छेँय् न्‍हापा थें याउँक च्‍वन।

२ राजा 14:27

“जिं इस्राएलया नां संसारं हुयाछ्वये” धकाः परमप्रभुं धयादीगु मदु। उकिं वय्‌कलं यहोआशया काय् यारोबामयापाखें इमित त्‍वःतकादिल।

२ राजा 17:20

उकिं परमप्रभुं इस्राएलयापिं फुक्‍क मनूतय्‌त त्‍वःतादिल। वय्‌कलं इमित दुःख बियादिल, लुटे याइपिनिगु ल्‍हातय् बियादिल। लिपतय् इमित थःगु न्‍ह्यःनं पितिनाछ्वयादिल।

२ राजा 17:39

थः परमप्रभु परमेश्‍वरया जक आराधना या। वय्‌कलं हे छिमित छिमि फुक्‍क शत्रुतय्‌गु ल्‍हातं त्‍वःतकादी।”

२ इतिहास 36:17

अथे जुयाः परमप्रभुं इमित हमला यायेत बेबिलोनयाम्‍ह जुजुयात हयादिल। व जुजुं यहूदाया ल्‍याय्‌म्‍हपिं मिजंतय्‌त देगः दुने तरवारं स्‍यात। वं ल्‍याय्‌म्‍हपिं, ल्‍यास्‍यपिं, बुरापिं, मिसा मिजं, कमजोरपिं सुयातं नं बाकि मतः। इपिं सकसितं परमेश्‍वरं वयागु ल्‍हातय् बियादिल।

नहेम्‍याह 9:19

“अय्‌नं छिं इमित तसकं नुगः क्‍यातुम्‍ह क्‍यनाः मरुभूमिइ वान्‍छ्वया मदी। इमित लँपु क्‍यनीगु न्‍हिनय्‌सियागु सुपाँय्‌या थां व चान्‍हय्‌सियागु मिया जः छिं चीका मदी।

भजनसंग्रहया सफू 136:24

वय्‌कलं झीत झी शत्रुतय्‌गु ल्‍हातं त्‍वःतकादिल, वय्‌कःया दया माया सदां दयाच्‍वनी।

लेवी 26:17

जिं थःगु ख्‍वाः फस्‍वय्‌के। गुकें यानाः छिपिं शत्रुतय्‌गु ल्‍हातिं बुइ। छिमित हेपय् याइपिन्‍सं छिमित शासन याइ, सुनानं लिनाच्‍वंगु मदुसां छिपिं बिस्‍युं वनाच्‍वनी।

ओबदिया 1:21

उद्धार याइपिं एसावया डाँडाय् राज्‍य यायेत सियोन पर्वतय् थाहां वइ। अले राज्‍य परमप्रभुयागु हे जुइ।

न्‍यायकर्ता 2:18

गबले गबले परमप्रभुं इमिगु लागि न्‍याय याइम्‍ह ल्‍ययादिल, वय्‌कलं व न्‍याय याइम्‍हय्‌सित ग्‍वाहालि बियादिल। व म्‍वातले वय्‌कलं इमित शत्रुतय्‌गु ल्‍हातं बचय् यानादिल। छाय्‌धाःसा कसाः बीपिं व क्‍वत्‍यलिपिन्‍सं यानाः इस्राएलीतय्‌गु नुगः ख्‍वइबलय् परमप्रभुं इमित माया यानादीगु।