नहेम्‍याह 9:24 - नेवाः बाइबल

²⁴ “इमिसं कनान देश त्‍याकल, अनयापिं मनूत कनानीतय्‌त छिं इमिगु हे अधीनय् बियादिल। छिं कनानीतय्‌त इमि जुजुपिं व देशय् च्‍वंपिं मनूतलिसे थः यःथें व्‍यवहार यायेत इमिगु ल्‍हातय् बियादिल।

नहेम्‍याह 9:24 ပူးပေါင်းရင်းမြစ်များ

१ इतिहास 22:18

“वं इमित धाल, परमप्रभु छिमि परमेश्‍वर छिपिंनापं च्‍वनादीगु दु, अले फुक्‍कपाखें छिमित शान्‍ति बियादीगु दु। वय्‌कलं थ्‍व देशय् च्‍वंपिं मनूतय्‌त जिगु ल्‍हातय् तयादीगु दु अले देश परमप्रभु व वय्‌कःया जातिया अधीनय् दु।

एस्‍तर 9:5

अनंलि यहूदीतय्‌सं थः फुक्‍क शत्रुतय्‌त हमला यात अले तरवारं स्‍यानाः नाश यानाबिल। अले इमिसं थः शत्रुतय्‌त थःयत्‍थें यात।

गन्‍ती 14:31

छिमिसं छिमि मस्‍तय्‌त लुतया सामान थें लाकायंकी धकाः धाल, तर जिं इमित उगु देशय् हये अले छिमिसं हेला याःगु देशयात इमिसं म्‍हसी।

२ तिमोथी 2:26

थुकथं वाः चायेकाः इपिं शैतानयागु ल्‍हातं बिस्‍युं वये फइ, छाय्‌धाःसा शैतानं इमित च्‍यः यानातःगु दु।

यहोशू 10:40

थुकथं यहोशूं पहाडी देश, दच्‍छिनया देश नेगेव, पच्‍छिमया फेदी, पुर्बया पाःचा व अनयापिं फुक्‍क जुजुपिन्‍त बुकल। वं छम्‍हय्‌सित नं म्‍वाःका मतः। परमप्रभु इस्राएलया परमेश्‍वरं आज्ञा बियादीगु थें वं अन दुपिं फुक्‍कसित भज्‍यंक नाश यानाबिल।

यहोशू 11:23

थथे परमप्रभुं मोशायात धयादीगु थें हे यहोशूं फुक्‍क देश त्‍याका काल। अले यहोशूं व देश इस्राएलयात सर्बयकथं इमिगु कुल कुल यानाः इनाबिल। अनंलि देशय् शान्‍ति जुल।

यहोशू 12:12

एग्‍लोनयाम्‍ह जुजु छम्‍ह, गेजेरयाम्‍ह जुजु छम्‍ह,

यहोशू 12:24

अले तिर्सायाम्‍ह जुजु छम्‍ह, थुपिं सकलें यानाः स्‍वीछम्‍ह जुजुपिं दु।

यहोशू 18:1

इस्राएलीतय् फुक्‍क खलः शीलोय् मुन, अले अन नापलायेगु पाल ग्‍वल। छाय्‌धाःसा देश इमिगु ल्‍हातय् वये धुंकूगु दु।

यहोशू 21:43

थुकथं परमप्रभुं इमि पुर्खातलिसे बी धकाः पाफयादीगु फुक्‍क देश इस्राएलीतय्‌त बियादिल। अले इमिसं व देश अधिकार यानाः अन च्‍वन।

यहोशू 21:45

इस्राएलयापिं मनूतय्‌त बियादीगु छगू छगू बचं परमप्रभुं पूवंकादिल।

न्‍यायकर्ता 4:23

उखुन्‍हु परमेश्‍वरं कनानयाम्‍ह जुजु याबीनयात इस्राएलीतय्‌गु न्‍ह्यःने बुकादिल।