नहेम्‍याह 9:23 - नेवाः बाइबल

²³ छिं इमित आकाशया नगु थें अप्‍वः सन्‍तान बियादिल, छिं इमि पुर्खातय्‌त बी धकाः बचं बियादीगु देश इमिसं त्‍याकल अले अन च्‍वन।

नहेम्‍याह 9:23 ပူးပေါင်းရင်းမြစ်များ

उत्‍पत्ति 12:7

अले परमप्रभुं अब्रामयाथाय् झायाः धयादिल, “जिं थ्‍व देश छिमि सन्‍तानयात बी।” अले अब्रामं वयाथाय् झाःम्‍ह परमप्रभुया लागि अन छगू वेदी दय्‌कल।

उत्‍पत्ति 15:18

अबलय् हे परमप्रभुं अब्रामलिसे थुकथं बाचा चिनादिल, “जिं छिमि सन्‍तानयात मिश्र देशयागु खुसिंनिसें तःधंगु खुसि यूफ्रेटिसतकयागु थ्‍व देशत बियागु दु –

उत्‍पत्ति 15:5

परमप्रभुं अब्रामयात पिने हयाः धयादिल, “आकाशय् स्‍व, अले नगुत ल्‍याः खाना स्‍व, छं ल्‍याः खाये फु ला?” वय्‌कलं हानं धयादिल, “छं सन्‍तान नं उलि हे दइ।”

उत्‍पत्ति 17:8

जिं छन्‍त व इमित छ आः च्‍वंवयाच्‍वंगु कनानया फुक्‍क बँ सदां सदांया लागि बी। अले जि इमि परमेश्‍वर जुइ।”

उत्‍पत्ति 22:17

जिं छन्‍त आकाशय् च्‍वंगु नगु व फिसलय् च्‍वंगु फि थें यक्‍व सन्‍तान दय्‌काबी। इमिसं थः शत्रुतय्‌त बुकाः इमिगु शहर त्‍याकाकाइ।

उत्‍पत्ति 26:3

छ परदेशी जुयाः अन हे च्‍वँ। जि छलिसें हे दइ, अले जिं छन्‍त आशिष बी। छाय्‌धाःसा जिं छिमि बाः अब्राहामलिसे छन्‍त व छिमि सन्‍तानयात थ्‍व हे देश बी धकाः बाचा चिनागु खः।

१ इतिहास 27:23

दाऊदं निइदँ स्‍वयाः क्‍वय्‌यापिन्‍त ल्‍याः मखाः, छाय्‌धाःसा परमप्रभुं इस्राएलया मनूतय्‌त आकाशया नगुत थें यक्‍व दय्‌काबी धकाः बचं बियादीगु खः।

प्रस्‍थान 1:12

अय्‌नं इमिसं गुलि गुलि इस्राएलीतय्‌त दुःखकष्‍ट बिल उलि उलि हे इमिगु ल्‍याः अप्‍वयावन। इपिं यक्‍व थासय् न्‍यना नं वन। अथे जुयाः इपिं इस्राएलीत खनाः तसकं ग्‍यात।

प्रस्‍थान 1:7

इस्राएलया सन्‍तान धाःसा ब्‍वलनाः ल्‍याखय् अप्‍वः दयावन। गुकिं यानाः फुक्‍क देश इमिसं जाल।

व्‍यवस्‍था 28:62

परमप्रभु छिमि परमेश्‍वरया खँ मन्‍यंगुलिं आकाशया नगु थें अल्‍याख दुपिं छिपिं यक्‍व कम जक ल्‍यं दइ।