नहेम्‍याह 9:22 - नेवाः बाइबल

²² “छिं राज्‍यत व जातित बियाः तातापाःगु थाय् नं इनाबियादिल। सीहोन जुजुया देश हेश्‍बोन व ओग जुजुयागु देश बाशान इमिसं त्‍याका काल।

नहेम्‍याह 9:22 ပူးပေါင်းရင်းမြစ်များ

भजनसंग्रहया सफू 105:44

वय्‌कलं इमित मेमेगु जातियापिनिगु जमिन बियादिल, अले इमिसं मेमेगु जातियापिन्‍सं मेहनत याःगुया फल थःगु अधिकारय् काल।

भजनसंग्रहया सफू 78:65

अले परमप्रभु न्‍ह्यलं दंम्‍ह थें दनादिल। वय्‌कः दाखमद्यं काःम्‍ह मनू थें दनादिल।

यर्मिया 27:5

थ्‍व पृथ्‍वी, थ्‍व पृथ्‍वीइ च्‍वंपिं मनूत व पशुतय्‌त जिं थःगु तःधंगु बलं व ल्‍हाःया शक्तिं दय्‌कागु दु, अले जिं थुकियात सुयात बी मास्‍ति वः वयात बी।

यर्मिया 32:23

तर इपिं वयाः थ्‍व देश त्‍याकाकाये धुंकाः इमिसं छिगु आज्ञा पालन मयात, छिगु व्‍यवस्‍थाकथं इपिं मजुल। छिं इमित छु छु या धकाः आज्ञा बियादीगु खः व इमिसं छुं नं मयाः। उकिं छिं थ्‍व फुक्‍क विपत्ति इमिके हयादिल।

इजकिएल 20:28

जिं पाफयाः इमित बी धयागु देशय् इमित हयाबलय्, गन गन इमिसं तःज्‍जाःगु वा झ्‍याम्‍म जूगु सिमा खन, अन अन इमिसं थःगु बलिदानत छाल, जितः तं पिकाइगु इमिगु भेटी छाल। इमिसं थःगु नस्‍वाःगु गुँगू थन अले थःगु त्‍वँसाबलि छाल।

व्‍यवस्‍था 1:4

वं हेश्‍बोनय् राज्‍य याइम्‍ह एमोरीतय् जुजु सीहोन अले अस्‍तारोत व एद्रईलय् राज्‍य याइम्‍ह बाशानया जुजु ओगयात बूकेधुंकाः थ्‍व जूगु खः।

व्‍यवस्‍था 32:26

जिं धया, ‘जिं इमित तातापाक तक छ्यालब्‍याल यानाबी, मनूतय्‌गु दथुं इमिगु लुमन्‍ति तकं मदय्‌काबी।’

व्‍यवस्‍था 4:46

यर्दनया पुर्बय् बेथ-पोर न्‍ह्यःनेया ब्‍यासिइ मोशा व इस्राएलीतय्‌सं मिश्रं पिहां वये धुंकाः स्‍यानाब्‍यूम्‍ह हेश्‍बोनय् च्‍वनीम्‍ह एमोरीतय् जुजु सीहोनयागु देशय् थुपिं विधि, आज्ञा व नियम ब्‍यूगु खः।

व्‍यवस्‍था 4:47

इमिसं वया देशयात त्‍याका काल अले बाशानया जुजु ओगया देशयात त्‍याका काल। थुपिं निम्‍ह एमोरी जुजुपिं यर्दनया पुर्बपाखे च्‍वनिपिं खः।

यहोशू 10:11

हानं इपिं इस्राएलीतय्‌गु न्‍ह्यःनें आजेका तक हे तँचाय् बिस्‍युं वनाच्‍वंबलय् परमप्रभुं आकाशं इमिथाय् ततःग्‍वःगु प्‍वँ गाकादिल। इस्राएलीतय्‌गु तरवारं सीपिं मनूत स्‍वयाः अप्‍वः मनूत प्‍वँ दायाः सित।

यहोशू 11:23

थथे परमप्रभुं मोशायात धयादीगु थें हे यहोशूं फुक्‍क देश त्‍याका काल। अले यहोशूं व देश इस्राएलयात सर्बयकथं इमिगु कुल कुल यानाः इनाबिल। अनंलि देशय् शान्‍ति जुल।