नहेम्‍याह 9:19 - नेवाः बाइबल

¹⁹ “अय्‌नं छिं इमित तसकं नुगः क्‍यातुम्‍ह क्‍यनाः मरुभूमिइ वान्‍छ्वया मदी। इमित लँपु क्‍यनीगु न्‍हिनय्‌सियागु सुपाँय्‌या थां व चान्‍हय्‌सियागु मिया जः छिं चीका मदी।

नहेम्‍याह 9:19 ပူးပေါင်းရင်းမြစ်များ

नहेम्‍याह 9:12

छिं इमित न्‍हिनय् सुपाँय्‌या थां व चान्‍हय् मियागु थामं लँ क्‍यनाः यंकादिल।

नहेम्‍याह 9:27

उकिं छिं इमित इमि शत्रुतय्‌गु ल्‍हातय् लाकादिल। इमि शत्रुतय्‌सं इमित क्‍वःत्‍यल। थःगु दुःखया इलय् इमिसं छिके ग्‍वाहालि फ्‍वन। स्‍वर्गं छिं लिसः बियादिल। इमित शत्रुपाखें बचय् यायेत छिं थःगु तसकं नुगः क्‍यातुम्‍ह नायःत छ्वयाहयादिल।

नहेम्‍याह 9:31

अय्‌नं छि तसकं नुगः क्‍यातुम्‍ह जूगुलिं इमित त्‍वःतामदी, नाश यानामदी। छि दयादुम्‍ह व नुगः क्‍यातुम्‍ह परमेश्‍वर खः।

भजनसंग्रहया सफू 106:45

वय्‌कलं इमिगु लागि थःगु बाचा लुमंकादिल, अले थःगु सदां दयाच्‍वनीगु दया मायाया कारणं वय्‌कः नरम जुयादिल।

भजनसंग्रहया सफू 136:16

वय्‌कलं थः मनूतय्‌त मरुभूमिइ लँ क्‍यनादिल, वय्‌कःया दया माया सदां दयाच्‍वनी।

प्रस्‍थान 40:36

व सुपाँय् पवित्र पालं चिला वनीबलय् इस्राएलीत थःगु लँपुइ न्‍ह्यःज्‍याइ।

प्रस्‍थान 40:38

इस्राएलीतय्‌गु फुक्‍क यात्रा ज्‍वःछिं न्‍हिनय् परमप्रभुया सुपाँय् पवित्र पालया च्‍वय् खनेदइ, चान्‍हय् धाःसा उकी इमिसं मि खनी।

यशैया 44:21

“हे याकूब, हे इस्राएल, थुपिं खँ लुमंकी, छाय्‌धाःसा छ जिमि दास खः। जितः सेवा यायेत जिं छन्‍त दय्‌कागु खः। हे इस्राएल, जिं छन्‍त गुबलें ल्‍वःमंके मखु।

विलाप 3:22

परमप्रभुया सदां दइगु दया मायां यानाः झीपिं नाश जूगु मदु, छाय्‌धाःसा वय्‌कःयागु माया न्‍ह्याबलें दयाच्‍वनी।

इजकिएल 20:14

तर गुगु जातियापिं मनूतय्‌गु मिखाया न्‍ह्यःने जिं इमित पित हया, उपिं जातियापिं मनूतय्‌गु मिखाया न्‍ह्यःने जिगु नां अपवित्र मजुइमा धकाः जिं जिगु नांया इज्‍जतयात रक्षा यायेगु ज्‍या याना।

इजकिएल 20:17

अय्‌नं जिं इमित नाश मयासें दया याना, अले मरुभूमिइ इमित सिधय्‌कामछ्वया।

इजकिएल 20:22

तर जिं इमित पित हयागु खंपिं जातितय्‌गु न्‍ह्यःने जिगु नां बदनाम मजुइमा धकाः जिं थःगु ल्‍हाःयात पना, जिं जिगु नांया इज्‍जतयात रक्षा यायेगु ज्‍या याना।

दानिएल 9:18

“हे परमेश्‍वर, जिपिंपाखे थःगु न्‍हाय्‌पं बियादिसँ। थःगु मिखा चाय्‌काः जिमिगु झिजांमिजां दंगु हालत व छिगु नां दुगु शहरयात स्‍वयादिसँ। जिपिं धर्मीपिं खः धकाः जिमिसं थ्‍व इनाप यानाच्‍वनागु मखु तर छिगु तःधंगु दयाया कारणं खः।

दानिएल 9:9

छिगु खँ मन्‍यंसे जिपिं विरोधी जुयागु दु। अथे जूसां परमप्रभु जिमि परमेश्‍वर, छि दयादुम्‍ह व क्षमा यानादीम्‍ह खः।

मलाकी 3:6

दक्‍व शक्ति दुम्‍ह परमप्रभुं धयादी, “जि छिमि परमप्रभु गुबलें हिलीम्‍ह मखु। अथे जुयाः हे याकूबया सन्‍तान, छिपिं नाश मजूनि।

गन्‍ती 14:14

अले इमिसं थ्‍व देशयापिं मनूतय्‌त थ्‍व खँ कनाबी। इमिसं छि परमप्रभु इमिथाय् चुलिंचू खनेदइगु, छिगु सुपाँय् इमिगु च्‍वय् दिनाच्‍वनीगु, छिं थुमित न्‍हिनय् न्‍हिनय् सुपाँया थां जुयाः लँ क्‍यनादीगु अले बहनी बहनी च्‍यानाच्‍वंगु मि जुयाः लँ क्‍यनादीगु धकाः नं स्‍यू।

व्‍यवस्‍था 8:2

छिमित क्‍वमिलु यायेत, छिमिगु मन स्‍वयेत अले वय्‌कःया आज्ञा मानय् याइ कि मयाइ धकाः सीकेत थुपिं पिइदँ यंकं मरुभूमिया लँपुइ परमप्रभु छिमि परमेश्‍वर न्‍ह्यलुवाः जुयाः गथे यानाः छिमित हयादिल व लुमंकि।

१ शमूएल 12:22

थःगु तःधंगु नांया कारणं परमप्रभुं छिमित त्‍वःतादी मखु, छाय्‌धाःसा वय्‌कलं छिमित थः प्रजा यायेगु क्‍वःछिनादीगु दु।