नहेम्‍याह 9:15 - नेवाः बाइबल

¹⁵ “इपिं नय्‌पित्‍याःबलय् छिं स्‍वर्गं नयेत मरि बियादिल, प्‍याचाःबलय् त्‍वनेत ल्‍वहँतं लः पिकयादिल। छिं इमित बी धकाः बाचा यानादीगु देशय् अधिकार यायेगु आज्ञा बियादिल।

नहेम्‍याह 9:15 ပူးပေါင်းရင်းမြစ်များ

उत्‍पत्ति 14:22

अब्रामं सदोमया जुजुयात लिसः बिल, “स्‍वर्ग व पृथ्‍वी दय्‌कूम्‍ह दक्‍वसिबय् तःधंम्‍ह परमेश्‍वरयात जिं बचं बियागु दु,

नहेम्‍याह 9:20

इमित छिं स्‍यनेकने यायेत थःगु भिंगु आत्‍मा बियादिल, छिं इमिगु म्‍हुतुं छिगु मन्‍न चीका मदी व इपिं प्‍याचाःबलय् छिं इमित लः बियादिल।

भजनसंग्रहया सफू 114:8

वय्‌कलं ल्‍वहंयात लःया पुखुलिइ, अले च्‍वल्‍वहंयात लःया धालय् हीकादी।

प्रस्‍थान 16:4

अले परमप्रभुं मोशायात धयादिल, “स्‍व, जिं छिमिगु निंतिं स्‍वर्गं मरि गाय्‌काहये। मनूतय्‌सं न्‍हियान्‍हिथं पिने वनाः उखुन्‍हुयात थःत माक्‍व नसा मुनेमाः। थुकथं इपिं जिं धयाकथं जुइ कि मजुइ धकाः जिं स्‍वये।

प्रस्‍थान 17:3

मनूतय्‌सं प्‍याः चाःगुलिं मोशालिसे कचकच याना तुं च्‍वन। इमिसं धाल, “छिं जिमित छाय् मिश्रं पित हयादियागु? जिमित जिमि मचाखाचा व पशुनापं लः त्‍वने मखंकाः स्‍यायेत ला?”

प्रस्‍थान 17:6

जि होरेबया ल्‍वहँतय् छंगु न्‍ह्यःने दंवये। छं ल्‍वहँतय् कथिं दा, अले अनं मनूतय्‌सं त्‍वनेगु लः पिहां वइ।” अले मोशां थकालितय्‌गु न्‍ह्यःने अथे हे यात।

प्रस्‍थान 6:8

अले जिं छिमित अब्राहाम, इसहाक व याकूबयात बी धकाः बाचा यानागु देशय् हये। जिं व देश छिमित अधिकार यायेत बी। जि परमप्रभु खः।’”

यशैया 48:21

परमप्रभुं थः मनूतय्‌त मरुभूमिं जुयाः यंकादीबलय् इमित प्‍याः मचाः। वय्‌कलं इमिगु निंतिं तग्‍वःगु ल्‍वहँतं लः पिकयादिल। वय्‌कलं तग्‍वःगु ल्‍वहंयात निगू भाग यानादिल, अले अनं लः पिहां वल।

यर्मिया 32:23

तर इपिं वयाः थ्‍व देश त्‍याकाकाये धुंकाः इमिसं छिगु आज्ञा पालन मयात, छिगु व्‍यवस्‍थाकथं इपिं मजुल। छिं इमित छु छु या धकाः आज्ञा बियादीगु खः व इमिसं छुं नं मयाः। उकिं छिं थ्‍व फुक्‍क विपत्ति इमिके हयादिल।

इजकिएल 20:15

हाकनं जिं इमित बियागु मरुभूमिइ “दुरु व कस्‍ति बाः वयाच्‍वंगु अले फुक्‍क देशत स्‍वयाः बांलाःगु देशय् जिं इमित हये मखु” धकाः इपिंलिसें पाफया,

गन्‍ती 14:30

अले यपुन्‍नेया काय् कालेब व नूनया काय् यहोशू बाहेक छिपिं मध्‍ये सुं नं जिं ल्‍हाः ल्‍ह्वनाः छिमित तये धकाः पाफयागु देशय् वने दइ मखु।

व्‍यवस्‍था 1:21

स्‍व! परमप्रभु छिमि परमेश्‍वरं थ्‍व देश छिमित बियादीगु दु। अथे जुयाः वनाः थः पुर्खाया परमप्रभु परमेश्‍वरं धयादी थें उकियात अधिकार या। छिपिं ग्‍याये मते, नुगः क्‍वतुंके मते।”

व्‍यवस्‍था 1:8

स्‍व! जिं थ्‍व देश छिमित बियागु दु। अन दुहां वनाः व देशयात अधिकार या। थ्‍व देश परमप्रभुं छिमि पुर्खा अब्राहाम, इसहाक व याकूबलिसें इमित व इमि लिपायापिं पुस्‍तायात बी धकाः पाफयाः धयादीगु खः।”

व्‍यवस्‍था 8:3

वय्‌कलं छिमित नये पित्‍याकादिल। अले छिमिसं व छिमि पुर्खातय्‌सं मस्‍यूगु मन्‍ना नकादिल। मनूत मरिं जक मखु अय्‌नं परमप्रभुया म्‍हुतुं पिहां वःगु छगू छगू वचनं म्‍वाइ धयागु खँ थुइकाबीत थथे यानादीगु खः।