नहेम्‍याह 9:13 - नेवाः बाइबल

¹³ “छि सीनै पर्वतय् क्‍वहां झायाः आकाशं इपिंलिसें खँ ल्‍हानादिल। अले इमित पाय्‌छिगु नियम, खःगु कानून व भिंगु विधि व आज्ञा बियादिल।

नहेम्‍याह 9:13 ပူးပေါင်းရင်းမြစ်များ

२ राजा 17:37

छिमिगु निंतिं वय्‌कलं च्‍वयादीगु विधि, विधान नियम व आज्ञा पालन या। छिमिसं मेपिं द्यःतय्‌त पुजा याये मते।

एज्रा 7:6

एज्रा परमप्रभु इस्राएलयाम्‍ह परमेश्‍वरं मोशायात ब्‍यूगु व्‍यवस्‍था बांलाक स्‍यनेसःम्‍ह शास्‍त्री खः। वयात परमप्रभु परमेश्‍वरया सुवाः दुगुलिं वं फ्‍वंगु फुक्‍क खँ जुजुं वयात बिल। थथे जूगुलिं एज्रा बेबिलोनं यरूशलेमय् वल।

भजनसंग्रहया सफू 119:137

हे परमप्रभु, छि धर्मी खः, छिगु विधि सत्‍य खः।

भजनसंग्रहया सफू 119:160

छिगु फुक्‍क वचन सत्‍य हे खः, छिगु फुक्‍क धार्मिक विधि न्‍ह्याबलें दयाच्‍वनी।

भजनसंग्रहया सफू 119:4

छिं जिमित छिगु उपदेश बांलाक पालन यायेमाः धकाः उजं बियादीगु दु।

प्रस्‍थान 16:23

अले वं इमित धाल, “परमप्रभुं थथे हे धयादीगु खः, ‘कन्‍हय् विश्रामबार खः। थ्‍व परमप्रभुया निंतिं पवित्र विश्रामबार खः। उकिं मनूतय् छु छुइ यः, व हे छु, छु दय्‌के यः, व हे दय्‌कि। ल्‍यंदुगु कन्‍हय् सुथय् तक तयाति।’”

प्रस्‍थान 19:11

अले इपिं स्‍वन्‍हु खुन्‍हु तक तयार जुइमाः। छाय्‌धाःसा थनिं स्‍वन्‍हु लिपा परमप्रभु सीनै पर्वतय् सकसिनं खंक झाइ।

प्रस्‍थान 20:1

अले परमेश्‍वरं थ्‍व फुक्‍कं खँ धयादिल,

प्रस्‍थान 20:22

अले परमप्रभुं मोशायात धयादिल, “छं इस्राएलीतय्‌त थथे धा, ‘जिं छिपिंनापं स्‍वर्गं खँ ल्‍हानागु छिमिसं थःपिन्‍सं हे न्‍यंगु दु।

यशैया 64:1

छि आकाश चीकाः क्‍वहां झाःगु जूसा व पर्वतत छिगु न्‍ह्यःने थुरथुर खाःगु जूसा ज्‍यूगु।

यशैया 64:3

गुबलय् छिं तःधंगु ज्‍या यानादी, व जिमिसं मति हे तयागु मदु, अनंलि छि क्‍वहां झायादिल, अले पर्वतत छिगु न्‍ह्यःने थुरथुर खात।

हबकूक 3:3

परमेश्‍वर तेमानं झायादीगु दु पवित्र परमेश्‍वर पारान डाँडापाखें। सेला वय्‌कःया महिमां स्‍वर्ग त्‍वःपुल, अले पृथ्‍वी वय्‌कःया प्रशंसां जाल।

रोमी 7:16

थुकथं जिं जितः मयःगु ज्‍या यात धाःसा जिं व्‍यवस्‍था भिं जू धकाः मानय् याये।

व्‍यवस्‍था 33:2

वं धाल, “परमप्रभु सीनैनं झाल अले सेइरं इमिगु लागि खनेदय्‌कः झाल। वय्‌कः पारान पर्वतं थित, वय्‌कः अल्‍याख पवित्रपिंलिसें थःगु पर्वतया पाःचापाखें दच्‍छिनं झाल। वय्‌कःया जव ल्‍हातय् च्‍यानाच्‍वंगु मि दु।

व्‍यवस्‍था 4:33

परमेश्‍वर मिया दथुं न्‍ववानादीगु छिमिसं थें मेगु जातिं न्‍यनाः नं म्‍वानाच्‍वंपिं छिपिं थें ज्‍याःपिं सुं मनूत दु ला?

व्‍यवस्‍था 4:36

छिपिं खःकथं जुइमा धकाः वय्‌कलं आकाशं थःगु सः न्‍यंकादिल, अले पृथ्‍वीइ थःगु तःधंगु मि छिमित क्‍यनादिल। छिमिसं मिं वय्‌कःया सः न्‍यन।

व्‍यवस्‍था 4:8

जिं छिमित थौं बीगु नियम थें पाय्‌छिगु धार्मिक विधि व नियम दुपिं मेगु छुं नं तःधं जाति दु ला?

व्‍यवस्‍था 5:4

परमप्रभुं मिया दथुं छिपिंलिसें पर्वतय् चुलिंचू च्‍वनाः खँ ल्‍हानादिल।