नहेम्‍याह 9:11 - नेवाः बाइबल

¹¹ इपिं गंगु बँ जुयाः वने फयेमा धकाः छिं इमिगु न्‍ह्यःने समुद्रयात ब्‍वथलादिल। छि मनूत गंगु बँ जुयाः वन, अय्‌नं लखय् ल्‍वहं वांछ्वःगु थें इमित ल्‍यू वःपिन्‍त छिं वांछ्वयादिल।

नहेम्‍याह 9:11 ပူးပေါင်းရင်းမြစ်များ

भजनसंग्रहया सफू 66:6

वय्‌कलं समुद्रया दथुइ लँ दय्‌कादिल, झी तापाःबाज्‍यापिन्‍सं न्‍यासि वनाः हे समुद्र छितः, उकिं झी वय्‌कःया ज्‍याय् लय्‌तायाच्‍वने।

भजनसंग्रहया सफू 78:13

वय्‌कलं समुद्रयात निब्‍व थलादिल, अले इमित अनं हे समुद्र छिकेबियादिल। वय्‌कलं लःयात पःखाः थें थनादिल।

प्रस्‍थान 14:14

परमप्रभु हे छिमिगु निंतिं ल्‍वानादी। छिपिं सुम्‍क जक च्‍वँ।”

प्रस्‍थान 14:25

इमिगु रथया घःचाः तुनाच्‍वन, उकिं इमित रथ सालेत थाकुल। अले मिश्रीतय्‌सं धाल, “थनं बिस्‍युं वनेनु, परमप्रभु इस्राएलीतय्‌गु पंलिनाः झीपिंलिसे ल्‍वानाच्‍वंगु दु।”

प्रस्‍थान 14:29

इस्राएलीत धाःसा समुद्रया दथुं गंगु बँ जुयाः न्‍यासि वन। इमिगु जवंखवं लः पखाः जुयाच्‍वन।

यर्मिया 32:20

छिं मिश्र देशय् अजू चायापुगु चिं व अजू चायापुगु ज्‍या क्‍यनादिल अले थौं तक इस्राएलीत व फुक्‍क मनूतय्‌त अथे क्‍यनाच्‍वनादीगु दु। आः छितः फुक्‍क थासय् म्‍हस्‍यू।

१ कोरिन्‍थी 10:1

यःपिं दाजुकिजापिं, मोशानापं जूपिं झी तापाःबाज्‍यापिन्‍त मरुभूमिइ छु जूगु खः जिं छिमित लुमंकाबी मास्‍ति वः। इपिं फुक्‍कं सुपाँय्‌या क्‍वसं जुयाः लाल समुद्र छिनावंगु खः।

हिब्रू 11:29

विश्‍वासं हे इस्राएलीत बँय् न्‍यासि वने थें लाल समुद्र छिनावन। मिश्र देशय् च्‍वंपिं नं अथे हे समुद्र छिनाः वंबलय् दुनाः सित।

प्रकाश 18:21

अले छम्‍ह तसकं बल्‍लाःम्‍ह स्‍वर्गदूतं तसकं तःग्‍वःगु घःल्‍वहं थें ज्‍याःगु छगः ल्‍वहं कयाः समुद्रय् वान्‍छ्वया हल। अले थथे धाल – “थुकथं हे तःधंगु बेबिलोन शहर नचुक वांछ्वइ। अले गुबलें हे वयात लुइके फइ मखु।