नहेम्‍याह 8:8 - नेवाः बाइबल

⁸ इमिसं परमेश्‍वरया व्‍यवस्‍थाया सफू बांलाक ब्‍वनाः उकियागु अर्थ मनूतय्‌सं थुइके फय्‌क कनाबिल।

नहेम्‍याह 8:8 ပူးပေါင်းရင်းမြစ်များ

२ राजा 23:2

अले जुजु परमप्रभुया देगलय् वन। वनापं यहूदायापिं मनूत, यरूशलेमयापिं मनूत, पुजाहारीत व अगमवक्तात, चिधंपिंनिसें तःधंपिं फुक्‍क मनूत दु। अले वं परमप्रभुया देगलय् लुयावःगु सफुलिइ च्‍वयातःगु फुक्‍क खँ इमित ब्‍वना न्‍यंकल।

एज्रा 4:18

छिमिसं छ्वयाहःगु पौ भाय् हिलाः जितः ब्‍वना न्‍यंकल।

नहेम्‍याह 8:12

अले सकल इस्राएलीत छेँ वनाः न्‍ह्यइपुइकाः भ्‍वय् नल। थःके दुगु नसा मेपिन्‍त इनाबिल, छाय्‌धाःसा व्‍यवस्‍थाया सफुतिं ब्‍वनाः न्‍यंकूगु खँ इमिसं बांलाक थुल।

नहेम्‍याह 8:7

लेवीत, येशूअ, बानी, शरेबियाह, यामीन, अक्‍कूब, सब्‍बतै, होदियाह, मासेयाह, कलीता, अजर्याह, योजावाद, हानान व पलयाहं मनूतय्‌त थथःगु थासय् दनाच्‍वंबलय् हे व्‍यवस्‍था थुइकाबिल।

नहेम्‍याह 8:9

थथे व्‍यवस्‍थाया वचन न्‍यनाः सकलें मनूत ख्‍वयाच्‍वंगुलिं राज्‍यपाल नहेम्‍याह, शास्‍त्री पुजाहारी एज्रा व मनूतय्‌त स्‍यनाच्‍वंपिं लेवीतय्‌सं इपिं सकसितं धाल, “थौंया दिं परमप्रभु छिमि परमेश्‍वरया निंतिं पवित्र जू। उकिं ख्‍वये मते, हाले मते।”

नहेम्‍याह 9:3

स्‍वघौ तक परमप्रभु थः परमेश्‍वरया व्‍यवस्‍था सफू इमित ब्‍वनाः न्‍यंकल। अनंलि मेगु स्‍वघौ तक इमिसं थःगु पाप मानय् यायां परमप्रभु थः परमेश्‍वरया आराधना यानाच्‍वन।

इजकिएल 46:10

इपिं दुहां वइबलय् इमिगु दथुइ च्‍वनाः शासक वयेमाः अले शासक पिहां वनीबलय् इपिंनापं हे पिहां वनेमाः।

हबकूक 2:2

अले परमप्रभुं जिगु लिसलय् धयादिल, “जिं धयागु खँ पौलय् बांलाक च्‍व, बुखँ हइपिन्‍सं थ्‍व खँ बांलाक ब्‍वने खनी।

लूका 24:27

अले वय्‌कलं मोशांनिसें कयाः फुक्‍क अगमवक्तातय्‌सं धर्मशास्‍त्रय् च्‍वया थकूगु वय्‌कःयागु हे खँ ध्‍वाथुइकादिल।

लूका 24:32

इमिसं थःथवय् थथे खँ ल्‍हात – “वय्‌कलं झीत धर्मशास्‍त्रयागु खँ ध्‍वाथुइकादीबलय् झीगु नुगः लसतां चंचं धाःगु मखु ला?”

लूका 24:45

अले धर्मशास्‍त्र थुइके फय्‌केत इमिगु नुगः चाय्‌काः

प्रेरित 28:23

अले इमिसं छन्‍हु पावलया खँ न्‍यनेगु क्‍वःछित। क्‍वःछिना तःखुन्‍हु हे इपिं फुक्‍क पावल च्‍वनाच्‍वंगु छेँय् मुंवल। उखुन्‍हु वं सुथंनिसें बहनी तकं इमित परमेश्‍वरयागु राज्‍ययागु खँ बांलाक ध्‍वाथुइक कन। मोशायागु व्‍यवस्‍था व अगमवक्तातय्‌गु सफुलिं ग्‍वाहालि कयाः वं येशूयागु खँ नं ध्‍वाथुइक कन।