नहेम्‍याह 8:6 - नेवाः बाइबल

⁶ एज्रां परमप्रभु दकलय् तःधंम्‍ह परमेश्‍वयात प्रशंसा यात। अले सकल मनूतय्‌सं थथःगु ल्‍हाः ल्‍ह्वनाः थथे धकाः लिसः बिल, “आमेन, आमेन!” अले बँय् तक छ्यं क्‍वछुकाः इमिसं परमप्रभुयात आराधना यात।

नहेम्‍याह 8:6 ပူးပေါင်းရင်းမြစ်များ

उत्‍पत्ति 14:22

अब्रामं सदोमया जुजुयात लिसः बिल, “स्‍वर्ग व पृथ्‍वी दय्‌कूम्‍ह दक्‍वसिबय् तःधंम्‍ह परमेश्‍वरयात जिं बचं बियागु दु,

उत्‍पत्ति 24:26

अले वं छ्यं क्‍वःछुकाः परमप्रभुयात प्रार्थना यात,

१ इतिहास 16:36

परमप्रभु इस्राएलयाम्‍ह परमेश्‍वरया न्‍ह्याबलें प्रशंसा जुइमा। अले सकल मनूतय्‌सं धाल, “आमेन! परमप्रभुया प्रशंसा जुइमा।”

१ इतिहास 29:10

अले दाऊद जुजुं सकल मनूतय् न्‍ह्यःने परमप्रभुया प्रशंसा यात। वं धाल, परमप्रभु जिमि पुर्खा इस्राएलया परमेश्‍वर, छिगु प्रशंसा न्‍ह्याबलें जुयाच्‍वनेमा।

१ इतिहास 29:20

अनंलि दाऊदं मनूतय्‌त धाल, “परमप्रभु छिमि परमेश्‍वरया प्रशंसा या।” अले सकल मनूतय्‌सं परमप्रभु थः पुर्खाया परमेश्‍वरयात प्रशंसा यात अले परमप्रभु व जुजुयात हनाबना बीत बँय् तक छ्यं क्‍वछुकल।

२ इतिहास 20:18

यहोशापात बँय् भ्‍वसुल, अले यहूदा व यरूशलेमयापिं फुक्‍कं मनूतय्‌सं भ्‍वसुलाः परमप्रभुयात आराधना यात।

२ इतिहास 29:10

आः वय्‌कःया तं चीकाछ्वयेत जितः परमप्रभु झी परमेश्‍वरलिसें छगू बाचा चिने मास्‍ति वःगु दु।

२ इतिहास 29:30

जुजु व वया हाकिमतय्‌सं लेवीतय्‌त दाऊद जुजु व अगमवक्ता आसापं च्‍वःगु भजन हालाः परमप्रभुया प्रशंसा यायेगु आज्ञा बिल। उकिं इमिसं लय्‌लय्‌तातां प्रशंसाया म्‍ये हाल अले थःगु छ्यं क्‍वछुकाः परमेश्‍वरयात आराधना यात।

२ इतिहास 6:4

“परमप्रभु इस्राएलयाम्‍ह परमेश्‍वरया प्रशंसा या। वय्‌कलं जिमि बाः दाऊदयात थ्‍व बचं बियादीगु खः, अले व पूरा नं यानादीगु दु, छाय्‌धाःसा वय्‌कलं थथे धयादिल,

नहेम्‍याह 5:13

जिं थःगु वसःया गुजि दुथाय् थाथा यानाः धया, “थःगु बचं पूमवंकीपिं सकलें मनूतय्‌त परमेश्‍वरं इमिगु छेँ व धन सम्‍पत्तिं थुकथं हे थाथा यानाः लिकया दीमा।” थ्‍व जुइ धुंकाः सभाय् मूंपिं सकल मनूतय्‌सं धाल, “अथे हे जुइमा!” इमिसं परमप्रभुयात तःधंकल। अले मनूतय्‌सं थःगु थ्‍व बचंकथं ज्‍या यात।

नहेम्‍याह 8:7

लेवीत, येशूअ, बानी, शरेबियाह, यामीन, अक्‍कूब, सब्‍बतै, होदियाह, मासेयाह, कलीता, अजर्याह, योजावाद, हानान व पलयाहं मनूतय्‌त थथःगु थासय् दनाच्‍वंबलय् हे व्‍यवस्‍था थुइकाबिल।

भजनसंग्रहया सफू 134:2

वय्‌कःया पवित्र थासय् थथःगु ल्‍हाः ल्‍ह्वनाः परमप्रभुया प्रशंसा या।

भजनसंग्रहया सफू 141:2

जिगु प्रार्थना छिगु न्‍ह्यःने नस्‍वाःगु धुपाँय् थें जुइमा, अले जिं थःगु ल्‍हाः ल्‍ह्वनीबलय् व छिगु लागि सन्‍ध्‍याया बलि थें जुइमा।

भजनसंग्रहया सफू 28:2

ग्‍वाहालिया निंतिं जिं प्रार्थना यायेबलय् अले छिगु पवित्र थाय्‌पाखे ल्‍हाः ब्‍वय्‌केबलय् जिगु खँ न्‍यनादिसँ।

भजनसंग्रहया सफू 41:13

परमप्रभु, इस्राएलया परमेश्‍वरया प्रशंसा या। आः, अले न्‍ह्याबलें। आमेन! आमेन!

भजनसंग्रहया सफू 63:4

उकिं जिं मसीतले छितः तःधंके। छिगु नां कयाः जिं थःगु ल्‍हाः ल्‍ह्वने।

भजनसंग्रहया सफू 95:3

परमप्रभु तःधंम्‍ह परमेश्‍वर खः, फुक्‍क द्यःतय् च्‍वय् तःधंम्‍ह जुजु खः।

प्रस्‍थान 12:27

इमित धा, ‘थ्‍व परमप्रभुया छुत्‍काराया नखःया पशु बां बीगु खः। वय्‌कलं मिश्रय् न्‍हापां बूपिन्‍त स्‍याःबलय् इस्राएलीतय्‌गु छेँय् दुहां मवंसे झीत व झीगु छेँयात बचय् यानादीगु खः।’” अले मनूतय्‌सं छ्यं क्‍वछुकाः आराधना यात।

प्रस्‍थान 4:31

मनूतय्‌सं इमित पत्‍याः यात। परमप्रभुं इस्राएलीतय्‌गु च्‍यूताः कयादी अले इमित जुयाच्‍वंगु सास्‍ती नं खंगु दु धकाः न्‍यनाः इमिसं परमप्रभुया न्‍ह्यःने थःगु छ्यं क्‍वछुकाः आराधना यात।

यर्मिया 28:6

वं धाल, “आमेन, परमप्रभुं अथे हे यानादीमा! परमप्रभुया देगःया मालसामान व ज्‍वनाः बेबिलोनय् यंकूपिं मनूतय्‌त बेबिलोनं थ्‍व थासय् लित हयाः छं अगमवाणी ल्‍हाःगु खँ परमप्रभुं पूवंकादीमा।

विलाप 3:41

झीसं स्‍वर्गय् च्‍वनादीम्‍ह परमेश्‍वरपाखे थःगु नुगः बीनु अले ल्‍हाः ल्‍ह्वनाः थथे धायेनु–

लेवी 9:24

उबलय् हे परमप्रभुयापाखें मि पिहां वयाः वेदीइ च्‍वंगु होमबलि व दाःयात भस्‍म यात। थ्‍व खनाः मनूत तःसलं हालाः बँय् भ्‍वसुल।

मत्ती 26:39

अले भचा उखे झायाः बँय् क्‍वपुसां पुयाः थथे धकाः प्रार्थना यानादिल – “बाः, ज्‍यूसा थ्‍व दुःखयागु ख्‍वला जिथासं चीकादिसँ। अय्‌नं जितः यःथें यानादी मते, छितः यःथें हे यानादिसँ।”

मत्ती 6:13

जिमित परिक्षाय् लाकादी मते, बरु दुष्‍टपाखें बचय् यानादिसँ छाय्‌धाःसा राज्‍य व पराक्रम व महिमा सदां सर्वदां छिगु हे खः, आमेन।’

१ कोरिन्‍थी 14:16

परमेश्‍वरयात सुभाय् बीत छंगु आत्‍मां जक प्रार्थना याःसा मेपिं न्‍यना च्‍वंपिन्‍सं मथुइकं गथे यानाः “आमेन” धकाः धायेगु?

एफिसी 1:3

ख्रीष्‍टयात विश्‍वास यानागुलिं परमेश्‍वरं झीत स्‍वर्गयागु फुक्‍क आशिष बियादीगुलिं झी प्रभु येशू ख्रीष्‍टया बाः परमेश्‍वरयात तःधंकेमाः।

१ तिमोथी 2:8

मिजंतय्‌सं न्‍ह्याथाय् नं तं मचासे व जवाःसवाः मयासें दुनुगलंनिसें पवित्र ल्‍हाः ल्‍ह्वनाः प्रार्थना यायेमाः।

१ पत्रुस 1:3

झी प्रभु येशू ख्रीष्‍टया बाः परमेश्‍वर न्‍ह्याबलें तःधनेमा। वय्‌कलं झीत दया माया यानाः सी धुंकूम्‍ह येशू ख्रीष्‍टयात म्‍वाकाः झीत तसकं तःधंगु व म्‍वानाच्‍वंगु आशाया निंतिं न्‍हूगु जीवन बियादिल।

प्रकाश 7:11

फुक्‍क स्‍वर्गदूतत सिंहासन, थकालिपिं व प्‍यम्‍ह जीवात्‍मातय्‌गु चाकःछिं दनाच्‍वन। थुपिं फुक्‍कसिनं सिंहासनयागु न्‍ह्यःने भागियानाः थथे धकाः परमेश्‍वरयात तःधंकल।