नहेम्‍याह 8:5 - नेवाः बाइबल

⁵ अले दबुलिइ दनाच्‍वंम्‍ह एज्रां फुक्‍क मनूतय्‌सं खंक व्‍यवस्‍थाया सफू पुइकल। वं सफू पुइकेवं मनूत दन।

नहेम्‍याह 8:5 ပူးပေါင်းရင်းမြစ်များ

१ राजा 8:12

अले सोलोमनं धाल, “हे परमप्रभु, छि ख्‍वातुगु सुपाँचय् च्‍वने धकाः छिं धयादीगु दु।

१ राजा 8:14

इस्राएलया फुक्‍क खलः अन दनाच्‍वंबलय् जुजुं फहिलाः इमित आशीर्वाद बिल।

नहेम्‍याह 8:3

ध्‍वाखाया दुने लाःगु चुकय् सुथंनिसें बहनि तक एज्रां तःसलं व्‍यवस्‍था ब्‍वनाः न्‍यंकल अले मनूतय्‌सं न्‍हाय्‌पं बियाः न्‍यन।

नहेम्‍याह 8:4

एज्रा थज्‍याःगु हे ज्‍याया निंतिं हे दय्‌कूगु छगू सिँयागु दबुलिइ दन। वयागु जवपाखे मत्तित्‍याह, शेमा, अनायाह, उरियाह, हिल्‍कियाह व मासेयाह दनाच्‍वंगु दु। वयागु खवपाखे पदायाह, मीशाएल, मल्‍कियाह, हाशूम, हशबदाना, जकरिया व मशुल्‍लाम दनाच्‍वंगु दु।

न्‍यायकर्ता 3:20

जुजु थःगु लाय्‌कूया कःसिया सिचुसे च्‍वंगु कोथाय् च्‍वनाच्‍वंगु खः। वया न्‍ह्यःने वनाः एहूदं धाल, “परमेश्‍वरपाखें जिं छसपोलयात छगू खँ धायेमाःगु दु।”