नहेम्‍याह 8:2 - नेवाः बाइबल

² उकिं न्‍हय्‌गूगु लाया न्‍हापांगु दिंखुन्‍हु एज्रां मनूत मुंगु थासय् व्‍यवस्‍थाया सफू हल। अन मिसा मिजं व न्‍यनाः थुइके फुगु उमेर जुइ धुंकूपिं सकल मनूत दु।

नहेम्‍याह 8:2 ပူးပေါင်းရင်းမြစ်များ

नहेम्‍याह 10:29

मिलय् जुयाः थथे धकाः पाफल, परमेश्‍वरया दास मोशापाखें बियादीगु परमेश्‍वरया व्‍यवस्‍थाकथं जुये अले इपिं परमप्रभुयागु फुक्‍क आज्ञा, बिधि व नियम बांलाक मानय् याये।

नहेम्‍याह 13:1

उखुन्‍हु हे मनूतय्‌त मोशाया सफू ब्‍वना न्‍यंकल। उकी सुं नं अम्‍मोनी वा मोआबी परमेश्‍वरयागु सभाय् गुबलें दुहां वने दइ मखु धकाः च्‍वयातःगु लुइकल।

नहेम्‍याह 8:18

न्‍हियान्‍हिथं न्‍हापांगु दिनंनिसें लिपांगु दिं तक एज्रां परमेश्‍वरया व्‍यवस्‍थाया सफुतिं ब्‍वनाः न्‍यंकल। इमिसं न्‍हय्‌न्‍हु तक नखः हन अले च्‍यान्‍हु खुन्‍हु नियमकथं सभा जुल।

नहेम्‍याह 8:9

थथे व्‍यवस्‍थाया वचन न्‍यनाः सकलें मनूत ख्‍वयाच्‍वंगुलिं राज्‍यपाल नहेम्‍याह, शास्‍त्री पुजाहारी एज्रा व मनूतय्‌त स्‍यनाच्‍वंपिं लेवीतय्‌सं इपिं सकसितं धाल, “थौंया दिं परमप्रभु छिमि परमेश्‍वरया निंतिं पवित्र जू। उकिं ख्‍वये मते, हाले मते।”

नहेम्‍याह 9:1

व हे लाया निइप्‍यन्‍हु खुन्‍हु इस्राएलीत अपसं च्‍वनेत मुन। उबलय् इमिसं भांग्रा फिनाः थथःगु छेनय् धू तल।

यशैया 28:9

इमिसं जिगु बारे झसुका तइ, इमिसं धाइ, “वं सुयात छु स्‍यंगु दु धकाः मति तइ हँ? सुयात वयागु बुखँ माःगु दु? खः, नकतिनि दुरुं छ्यूम्‍ह मचाया निंतिं जक पाय्‌छि हे जुइ।

लेवी 23:24

“इस्राएलीतय्‌त धा, ‘न्‍हय्‌गूगु लाया न्‍हापांगु दिं फुक्‍कं झासु लनेगु दिं जुइमाः। उखुन्‍हु फैया नेकूया तुरही पुयाः परमेश्‍वरया छगू पवित्र मुंज्‍या जुइमाः।

मलाकी 2:7

“पुजाहारीया म्‍हुतुसिं ज्ञानया रक्षा यायेमाः। मनूतय्‌सं वयागु म्‍हुतुं व्‍यवस्‍था मालेमाः। इपिं दक्‍व शक्ति दुम्‍ह परमप्रभुया दूत खः।

गन्‍ती 29:1

“‘न्‍हय्‌गूगु लाया न्‍हापां खुन्‍हु छिमिगु छगू पवित्र मुँज्‍या जुइमाः। उखुन्‍हु छिमिसं छुं हे न्‍हिज्‍या याये मते। थ्‍व छिमिगु निंतिं फैया नेकूया तुरही पुइगु दिं खः।

प्रेरित 15:21

न्‍हापांनिसें शहर पतिकं धर्मशास्‍त्र स्‍यनीगु छेँय् विश्रामबार पतिकं मोशायागु व्‍यवस्‍था ब्‍वनाः न्‍यंका वयाच्‍वंगु दु।”

व्‍यवस्‍था 17:18

व जुजु जुयेवं लेवी पुजाहारीतय्‌के दुगु थ्‍व नियम कयाः थूतुलातःगु भोँतय् थःगु ल्‍हातं च्‍वयेमाः।

यहोशू 8:35

मोशां उजं ब्‍यूगु फुक्‍क खँ छगू नं मत्‍वतुसें मिस्‍त, काय्‌म्‍ह्याय्‌पिं, इपिंलिसें च्‍वनिपिं परदेशीत व इस्राएलयापिं फुक्‍क खलःयात यहोशूं ब्‍वना न्‍यंकल।