नहेम्‍याह 8:17 - नेवाः बाइबल

¹⁷ बेबिलोनं लिहांवःपिं सकसिनं बल्‍चात दय्‌काः उकी च्‍वन। धात्‍थें नूनया काय् यहोशू इस्राएलया नायः जूबलय् निसें कयाः थुबलय् तक इस्राएलीतय्‌सं गुबलय् नं थुकथं न्‍ह्यइपुइकाः बल्‍चाबाय्‌या नखः हंगु मदुनि।

नहेम्‍याह 8:17 ပူးပေါင်းရင်းမြစ်များ

१ इतिहास 29:22

उखुन्‍हु इमिसं परमप्रभुया न्‍ह्यःने लय्‌लय्‌तातां नयेत्‍वने यात। अले इमिसं दाऊदया काय् सोलोमनयात निक्‍वः खुसी जुजु दय्‌काः वयात परमप्रभुया न्‍ह्यःने शासक जुइत व सादोकयात पुजाहारी जुइत अभिषेक यात।

२ इतिहास 30:26

यरूशलेमय् तसकं लसतां जाल। छाय्‌धाःसा इस्राएलया जुजु दाऊदया काय् सोलोमनया इलंनिसें थुखे यरूशलेम थथे गुबलें जूगु मदुनि।

२ इतिहास 35:18

अगमवक्ता शमूएलया इलंनिसें इस्राएलय् थुकथंयागु छुत्‍काराया नखः गुबलें हंगु मदुनि। योशियाह जुजुं पुजाहारीत, लेवीत, यरूशलेमयापिं मनूत अले यहूदा व इस्राएलया फुक्‍क थासं अन वःपिं मनूतनापं हंगु थें ज्‍याःगु छुत्‍काराया नखः न्‍हापा गुबलें इस्राएलया मेपिं जुजुपिन्‍सं हंगु मदुनि।

२ इतिहास 8:13

मोशाया आज्ञा कथं विश्रामबार पतिकं, अमाइ पतिकं व क्‍वःछिनातःगु नखःबलय् दँय् स्‍वक्‍व अथे धइगु– सोडा मतःगु मरिया नखःबलय्, समाज्‍याया नखःबलय् व बल्‍चाबाय्‌या नखःबलय् वं बलि छायेगु यात।

एज्रा 3:4

इमिसं नियमकथं बल्‍चाबाय्‌या नखः हन। नखःया छन्‍हु छन्‍हुया निंतिं क्‍वःछिनातःगु ल्‍याःकथं इमिसं होमबलि छाल।

यूहन्‍ना 1:14

वचन मनू जुयाः झीपिं नाप च्‍वं झाल। वय्‌कः दया माया, अले सत्‍यं जाःम्‍ह खः। जिमिसं वय्‌कःया महिमा खना, गुगु महिमा बाःया याकः काय्‌या थें च्‍वं।

व्‍यवस्‍था 16:15

वय्‌कलं ल्‍ययादीगु थासय् परमप्रभु छिमि परमेश्‍वरया लागिं न्‍हय्‌न्‍हु तक नखः हनेगु या। छाय्‌धाःसा परमप्रभु छिमि परमेश्‍वरं छिमिगु फुक्‍क बाली व ज्‍याय् छिमित सुवाः बियादी अले छिपिं लय्‌ताया च्‍वँ।

हिब्रू 11:13

इपिं फुक्‍कं विश्‍वास जक यानाः परमेश्‍वरं बी धकाः धयादीगु काये मखंकं सिनावन। अथेसां परमेश्‍वरं बी धकाः धयादीगु खँय् इमिसं विश्‍वास याः। इमिसं थःपिन्‍त पृथ्‍वीया लँजुवाःत जक ताय्‌कल।

हिब्रू 11:9

विश्‍वासं हे अब्राहाम परमेश्‍वरं बियादी धकाः धयादीगु देशय् वन, अले अन परदेशी थें जुयाः पाल ग्‍वयाः च्‍वन। अथे हे वया काय् इसहाक, अले छय् याकूब नं परमेश्‍वरं बियादी धकाः धयादीगुलिं पाल ग्‍वयाः च्‍वंच्‍वन।

हिब्रू 4:8

यहोशूं इस्राएली मनूतय्‌त झासु लंके ब्‍यूगु जूसा वय्‌कलं हानं “मेगु दिनयागु” खँ धाय्‌कादी मखुगु।

यहोशू 1:1

परमप्रभुया दास मोशा सी धुंकाः परमप्रभुं वयात ग्‍वाहालि याइम्‍ह नूनया काय् यहोशूयात थथे धयादिल,